2013 | 小夢生活 - Dreams Life

2013年10月29日星期二

0 My 31

不經不覺又一年...可能人大左, 對生日其實都無乜太特別的感覺, 今天我如常番工, 如常做平日每日做的事, 簡簡單單咁過一日....已經好滿足....

上年寫過My 30 , 岩岩自己睇番, 又再慢慢回想自己呢一年做既事, 其實都好多事喺今年發生, 最最最重大當然係結婚, 另外有同老友們做過幾次唔同既生意, 加上股市方面既努力, 整体上整個30 歲過得好充實, 亦都好順利滿意....甚至AsiaMiles 亦由目標既6 萬里儲到有近30 萬....睇黎要盡快抽時間plan 行程去下旅行了....而傷心的, 是陪了我二十年的點點, 離開了.....

寫blog 方面真係由於太忙, 無乜時間打理, 好多時候都有好靈感想打出來, 但時間實在有限, 最終都只能放棄, 不過依然每日有好多人黎睇, facebook pages 亦多左幾十人, 雖然, 我唔係好在意有幾多人睇, 有幾多人讚好, 但其實心底都係開心既......可惜, yahoo blog 亦都會執, 而呢篇亦都係真正最後一篇發文 (因為明天就會變為唯讀mode 了) 想繼續睇文, 交流既各位朋友, 記住要轉去我新blog http://siudreamlife.blogspot.hk/ 或者facebook facebook.com/siudream

今年既生日願望嘛, 其實都無乜貪心了, 可以好似今年咁一切順利, 身體健康, 其實都心滿意足....當然亦希望會有多d 時間同朋友敍一敍, 身邊既朋友家人全部都開開心心, 就可以了....

祝自己工作/生意/股票樣樣掂, 身體健康!!!

Happy Birthday to myself~~

最後, 感謝所有同我講過句生日快樂的, 謝謝!!

0 星夢婚禮總結

婚禮都完成了整整一個月，一直想抽時間去總結一下整個婚禮，順便記錄一下。
咁岩Yahoo Blog 亦都要關閉，就用呢篇婚禮總結做我最後一篇Yahoo Blog 的發文吧！

１）Pre Wedding - 凱撒琳

2011 年12 月，我地第一次行婚紗展，初初只係諗住睇下有咩Pre Wedding 好，行到差不多關門時去到凱撒琳的攤位。一睇之下佢就極喜歡蕭總監的作品，即場預約之下竟然要等到12年9月才有檔期！

0 [小夢飲食] 馬來西亞美食節 @港島香格里拉Café Too

香港人平常最多食既菜式當然係中菜、西餐、日本餐。再數落去，就一定係東南亞各國的菜式了。

而眾多東南亞菜式之中，我自己個人就最喜愛馬來西亞的食品，海南雞飯、喇沙、沙爹串燒，當然還有果王榴槤！真係諗起都即刻想飛一轉馬來西亞……不過呢排實在太忙行唔開喇.！

就正正呢個時候，得到MATRADE/馬來西亞外貿促進機構邀請，出席佢地喺Café Too 既馬來西亞美食節活動開幕禮，唔洗飛都有得食，我當然唔會錯過啦！

來到Café Too就見到馬來西亞美食節的宣傳Display，相中仲係我最鐘意食既既馬來沙爹串燒．．．睇見都流口水．．

7 [賺盡積分/里數系列] 匯豐最紅大讚特賺狂賞 09/09/2013 - 13/10/2013

詳情：http://www.hsbc.com.hk/1/2/special/chinese/cards/prom208a#offers

如何賺到盡？

1)先致電登記: 82281088, 選擇 $30,000 惠康Coupon

2) 09/09/2013 - 13/10/2013 內簽帳$7,500 (每張單必需 > $500，網上交費／海外簽帳唔算數）
(Remarks: 持有多張匯豐卡只計一張，附屬卡則分開計算。)

3)等收信換Coupon

簽$7,500賺到乜？

1) 基本簽帳(未計6X) = 30 獎賞錢

2) 每500 額外20 獎賞錢, 即300 獎賞錢

3) 7 折買1500 惠康Coupon + 9 折買28500 惠康Coupon
1050 + 25650 = $26700 買30000 惠康Coupon
945 折賣=$28350
出賺$1650

Total =30+300+1600 = 1980
回報率=1980/7500 = 26.4%

小夢評語：必需參加。

0 化妝+租衫 - 顯卓婚紗

每次去婚展，顯卓都會放喺中間當眼位置有一個大COUNTER，上年有一次去婚展既時候，最終於幫襯咗顯卓租衫+化妝。
Total 租咗10件衫（大約六千幾，實數唔記得了），除咗一件婚紗外其他都可以任揀禮服／晚裝／外父外母奶奶伴娘等等任配撘。

之後上網見到顯卓有好多BAD COMMENT，話比完錢後服務差呀，黑面呀等等，都有少少驚；不過經過呢一年上去幾次，揀衫啦，轉換款啦，跟我的SALES AMY姐都服務好好，而且亦都真係任揀任試，全程無話要加錢或者限試幾多件。

最重要係比到意見外母同奶奶揀衫，令佢地好快就揀到ＯＫ，免卻好多煩惱。

而我男士禮服亦都好順利咁揀到款無問題。

至於婚紗同晚裝，我個人認為本身的大路的款色都有，要好靚好DESIGN既就唔算，不過亦都有好多選擇，相信都會揀到款。
裙掛亦都係普通款（最終我地去左COCOON租咗掛皇)。

化妝方面佢本身有廿幾個化妝師任揀任試唔洗加錢，老婆試到第二次就用左Polly，而網上POLLY亦都好多好評，應該會化得好好既～～

如果覺得想幫襯顯卓既，不妨搵AMY姐，就應該唔會預到服務唔好既問題既～～

（PS:相片待婚展後再UPDATE)

0 望月迷你酥皮奶黃月餅

今年半島嘉麟樓奶黃月餅大幅加價到$485，當然想搵下有無其他可以有相同味道但係平Ｄ既選擇。

網上得知原來之前在嘉麟樓有份創立奶皇月餅既葉師傅自己出黎開咗間<望月>，於是決定今年訂黎試下啦！

網上預訂價：$208

1 臨別總是不捨

或許對很多人來說，Yahoo Blog 是一個在網上放了很多心血的地方，這次的迫遷令大家很無奈。
不過殘酷的事實是，歷史只會不段的重演。

對啊，我不是第一次浪費了放在網上的心血了，早在十年前，當年Geocities 也就是一夜之間將我中學生涯幾年來的心血，累積的人流，網友全都一次抹掉。
於是我決心收山幾年，直至０９年開始才再一次慢慢的寫ＢＬＯＧ。
直到上年再決心的「搞起佢」，努力的去寫遊記、食評，教大家盡拎信用卡的積分著數換ASIAMILES，亦都創作了一篇受歡迎的小說。。。。

終於終於，見到Yahoo Blog 人流過百萬的一刻，我真的很高興。
當時我在想，究竟何時才會過千萬呢？
到過千萬的時候，我是否已經有了小朋友，像其他BLOGGER一樣會變成了BB BLOG 呢？

可惜，已經沒有機會見到一千萬的一刻了。

Yahoo Blog 宣佈結業。

雖然這個只是沒有什麼功能的Yahoo Blog，但我真的懷念各位給我的留言，感激每一位來看過每一篇文的網友們。

暫定會搬家到Blogspot (http://siudreamlife.blogspot.hk/) ，不過如果想KEEP CONTACT　KEEP睇我更新的，可以先加我ＦＢ　ＰＡＧＥ　（http://facebook.com/siudream)

更希望去到新家，大家可以照樣留言給我，沒有掌聲沒有尖叫都好，留一留腳印，會令我更有動力寫更多！

我會盡量留到最後一刻才搬家，希望給多點時間我與大家一起去回憶這即將拆除的故居。
這一篇文就像一篇紀念冊，請大家盡量給我這個ＢＬＯＧ留言，留下新居地址／聯絡方法，好讓以後再續網緣。

暫定１０月２９日發最後一篇文後搬家～～

後會有期。