2010年11月21日 星期日

0 轉貼:買樓十大誤解!

轉貼自:http://finance.discuss.com.hk/viewthread.php?tid=13408120&extra=page%3D1

 

1. 我可以係跌市買樓
一
再強調,大跌市時雖然樓價平,但買樓第一炮所需的資金唔會按比例大幅減少。大跌市為何會出現?因為有大量業主賤價割愛。為何賤價都要賣俾你?因為冇水。冇
水點解唔問人借?因為銀行閂水喉。大家必須記住,大跌市的出現,一定配合銀行閂水喉。如果好似而家咁,打2個電話就借10萬,點解要賤賣層樓俾你?因此,
在大跌市時買樓,你必須有心理準備估唔足價,同埋連7成都做唔到。例如200萬跌剩100萬,但銀行只肯估80萬,兼只肯做6成,那麼你就要嘔52萬。如
果你係諗住用10萬經MC上呢個100萬盤,可以返屋企訓覺。
還有,要係大跌市時買平樓,你要有好多現金。我強調係現金,唔係股票或其他需要變賣既資產,因為你既股票係大跌市時一樣會下調。
估價8折做6成,係非常樂觀保守的估計數字,事實上,在08金融海潚時,部份銀行在簽按揭契前突然終止申請,1成會都唔俾上既個案真係發生過。另外,除非閣下係公務員,否則在大跌市時好難保証收入不會下跌。
結論:你需要持有目標樓價50%以上的現金。

2. 樓價一定會下跌
樓
價在短期內有上落是事實,但另一個更重要既事實係,以30年為觀察期的話,樓價只會上升不會下跌!03沙士價是香港近十年最低價,美孚的03呎價約為
1600,但1600這個賤價仍然係美孚入伙價的10多倍!事實上,某時期的低價,通常都會比上一個時期的高價還要高。等樓價爆破的朋友,要有心理準備爆
破後的樓價和今日的價其實差不多。
因此,如果你係用家,諗住長住20~30年,只要供款係能力範圍內,就算97年買樓一樣冇問題,因為樓價升跌不會影響你一早已計劃好既供款,20年後樓價一定會超過買入價(請對比1983及2003的樓價)。
結論:以20~30年長線睇,樓價一定升。短期升跌只係為炒家而設。

補充:
有人質疑為何要用過去30年的升幅去推論未來30年,並表示香港的經濟發展已到頂,沒有可能重覆過去30年的升幅。
首
先要搞清楚一樣野,就係物價的上升和經濟的發展不一定有直接的關係,事實上香港今天的經濟規模雖然比1980年時大,但沒有大20倍那麼多(我指實際上,
不是數字上)。「物價上升=經濟發展」背後,最重要的因素是「金錢的產量是按經濟發展的需要而增加」,例如10個人的勞動力產生了10件衫,社會就按這
10件衫的價值(假設每件$10)製造$100的貨幣,分配給付出勞動力的10個人。社會因為有新增的價值(10件新衫)才去製造貨幣,因此「物價上升=經濟發展」。

但
現實是殘酷的。自從上世紀70年代美國單方面脫離金本位後,全球的貨幣逐一跟隨,今時今日世界上所有的貨幣背後均沒有實物支持,純依靠政府的信用進行發
行。貨幣脫離了黃金的約束後,製造貨幣可以和經濟發展完全脫勾,經濟好時固然可以加印貨幣,經濟差時更加要印。全世界現時在「沒有新增價值」的情況下,卻
可以以火箭升空的速度加印貨幣,結果是經濟沒有大幅發展,物價卻大幅上升。製造貨幣的特權階級成為社會的大贏家,製造實物的勞動者卻被社會嚴懲,扭曲了世
人的價值觀。衡量一個人的價值,不是看這個人能為社會作多大的貢獻,而是看這個人能夠從社會奪取的資源有多少。

貨幣脫離金本位30多年,因此過去30年的樓價走勢絕對有參考價值。坦白說,今後貨幣的貶值速度能保持30年只跌95%,已經是非常幸運。

3. 遲早會加息
講得呢句說話,即係話而家息平。係人都知遲早會加息,但重點係息口仲平既時候你還左幾多本金?房貸好公道,本金少左,息會按比例減少,係低息環境下你可以好輕易就還幾十萬本金。即使加息,對你的實際影響極微。
結論:趁息平多還本金,點會怕加息!

4. 供30年樓係樓奴
我
寫包單,講得出呢句說話既人學歷不會超過小學6年級。世界上所有銀紙現在均以每30年跌95%的速度貶值,簡單來說,30年後港幣的購買力,和現在的日圓
差不多,即是說,今日我借港幣100萬,還到第30年就變左100萬yen。當然,中途你係有不斷供款,但你每期供款的購買力都會貶值,變相你可以用貶值
後的貨幣購買未貶值的資產。幻想一下你可以用今日既身家,坐時光機回到1980年買當時既樓。因此,30年的供款期內,供款壓力係會越來越低,因為你的債
項不斷貶值。頭10年是最艱苦困難的,中間10年可以有閒錢去下旅行,後10年供款比飲茶錢還要低。
結論:供樓係會越來越輕鬆

5. 唔買樓可以租
供
樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻
係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有
著數,因為業主會按成本加租,冇死錯人。
租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。
結論:年輕人應該同阿媽住,省回租金支出。要2人世界可以租時鐘。

6. 生活質素唔可以妥協
好
多人唔接受舊樓、單幢樓、大西北,話唔會為上車而降低生活質素。請讓本人告訴你一個殘酷的事實,如果你的能力只能買舊樓、單幢樓、大西北,你冇資格講質
素。如果你係打工仔,每日可以係屋企既清醒時間唔會超過6小時,有乜質唔質素?訓到朝早11點,然後先考慮今日返唔返公司打點一下,呢d就叫質素。
結論:先講資格,後談質素

7. 炒家炒高樓價
錯!
實際係「買家買高樓價」。冇炒家唔代表用家會平賣俾你,有人肯接炒家貨,代表炒家有眼光,估計到未來樓價有水位,係先有購買力後有炒家。其實有買過樓都會
知,買炒家貨好買過用家貨,議價空間比用家盤大,因為炒家係做生意,計好個ROI唔怕平少少賣俾你,但用家就皇帝女唔憂嫁,大不了住多2年先賣。再者,炒
家買完一定賣,穩定供應,用家就有入冇出,炒家有時反而會有調低樓價的平衡功能。
結論:自願的價就係市價

8. 市區樓抗跌力強
抗跌力是大跌市時業主繼續供款的能力,因此,以下類別的物業抗跌力一定強:
一、        大部份業主已供斷的屋苑(沒有供樓壓力)
二、        大部份業主的買入價都很低(供樓壓力極低)
三、        業主真係好有錢(沒有收入壓力)
因此,老牌屋苑(第1類)、新界100萬上下的物業、半山豪宅的抗跌力一定高,其中半山豪宅最強。而老牌屋苑如太古城、美孚新村都位於市區,故產生抗跌力強的假象。
以下物業抗跌力最弱:
一、        被發展商食盡溢價的一手樓
二、        業主多數是高收入打工仔(一旦失業很難在短時間內找到同樣人工的工作)
三、        入伙日期接近爆破日期的物業
此三項條件可以同時出現。

9. 以外幣代替房地產作為儲蓄保值工具
QE配合部份準備金制度,令美元的流通量大幅增加,其他貨幣相對美元因此出現顯著升值。身邊有不少朋友考慮將港元兌換成人民幣或澳元搏升值。
首先,我不反對將手頭持有的少量現金換成外幣對沖港幣貶值。但若果手頭持有數十萬至數百萬港幣,樓與外幣2擇其一,則一定是選擇磚頭實物。
QE是聯儲局在帳簿上無中生有數以千萬億計的美元,其好處有四:
1. 刺激美國本土消費市場,改善失業,這個是官方解釋
2. 用貶值後的美元償還美國國債,借10蚊還7蚊,淨賺3蚊
3. 削弱以美元作儲備的國家之國力,尤其是與美國有大額貿易順差的國家,如中國
4. 增強本國出口的競爭力,尤其農產品
顯
而易見,美國以外的國家為保出口貿易與及國家的整体經濟,必須參與印銀紙遊戲令本國貨幣貶值。澳元、人民幣和美元一樣正在不斷印銀紙,盡可能維持現有的美
元匯率,由於澳元、人民幣不斷增加貨幣流通量,令本土物價上漲,坊間因而指控美國「輸出通脹」。澳元、人民幣及其他貨幣正在不斷印銀紙,不斷貶值是鐵一般
的事實,香港人之所以會產生澳元升、人民幣升值的感覺,是因為美元港元的貶值速度更快。任何一個中國、澳洲的老百姓,在這一刻都會感到自己的貨幣在本國內
的購買力越來越低,通脹猛於虎!
澳元、人民幣等貨幣雖然在近期相對港幣有顯著大額升幅,但相對實物例如物業甚至日用品,澳元和人民幣同樣是不斷貶
值。將身家投放在澳元和人民幣,只不過是由一條賊船跳去另一條,到最後即使外幣有所斬獲,對實物的購買力無可避免一定會下跌,因為貨幣的供應增加速度遠超
實物的生產速度。因此,我是極其反對賣樓買外幣的投資方法。但我要強調一點,人在社會生存一定要有一點現金,購買貶值速度較低的外幣作對沖我是贊成的。我
所反對的是以外幣作為主要投資/儲蓄工具。
香港使用人民幣作為儲蓄工具還有一個嚴重問題,就是日限提款2萬元的限制。即使你在滙豐、恆生、渣打、中銀、東亞……等10間銀行各開一個人民幣戶口,提款或轉移100萬仍需時5個工作天。顯而易見,對香港人來說,以人民幣作為大額儲蓄貨幣現時仍然是不可行的。

10. 中國富豪的資金會徹離香港
要
分析中國富豪為何在香港買樓買股,就一定要明白中國的國情。在中國要發財,一定要有人脈關係,所謂「關係」,說穿了其實是利益輸送,行賄送禮送女人。這些
行為雖然是中國商界的基本功,但名義上其實是犯法的。在中國要發財而又出於污泥而不染,基本上是沒有可能,所有人都有犯法,甚至應說所有人都必須犯法。中
國的富豪心知肚明中國是人治不是法治,都會怕有朝一日自己會變成第二個黃光裕或周正毅,突然有一天被人上門抄家,家財盡失,瑯璫入獄。財產只要仍在中國國
內,都會有被完全充公的可能,為保獲家產,富豪必須將生意運作以外的錢偷運到境外(走資也是非法的),日後即是不幸在中國被抄家,仍然可以有資金行賄購買
自由。否則一旦成為一無所有的階下囚,則一定永不超生。
因此,中國的富豪千山萬水把以千萬計的現金偷運到香港買樓買股,你要他把錢送回中國即是要他的命。香港是中國富豪的保險箱,只要香港的法制仍健全,行政司法仍獨立於中國大陸,中國富豪的資金是不會離開香港的。(國內同胞如欲轉載,請自行和諧)

補充:
來香港買樓的大陸人,不限於億萬富豪。根據我所認識的國內朋友的親身經驗(100%真實冇吹水,我甚至有陪同睇樓),一些身家數百萬的小康之家,為求孩子
能有香港身份證,又或者想追仔避開城管打胎,都會在大西北、北區購買低價物業作「生仔屋」給老婆養胎。這些生仔屋在完成任務後都會留在香港放租,不會變賣
徹資,因為國內同胞不分貧富,都相信香港的法治精神能夠保障他們的財產擁有權。很多一日投訴到黑的香港人其實生在福中不知福。


後記:市場會嚴懲睇錯市既人,若果你覺得我的觀點係錯的話,就讓市場去懲罰我,同樣,閣下若果睇錯市,必須要有被市場嚴懲的心理準備。補充一點,沒有自住樓的租客,你們現時正在被市場懲罰,反不反省是你們的自由。


2010年11月20日 星期六

0 Nokia~ 引發科技大爆發!









各位讀者朋友們,最近去
Yahoo Blog!
的時候,有無發現有咩唔同?



心思細密加好試新奇事物的我,發現了一個由Nokia
x Y!
的新Widget,當然第一時間就安裝來試試,結果究竟係點?現在大家一齊試試就知!!



     
動作好簡單,首先見唔見到我個Blog左手邊有個「科技大爆發」的圖示? 一按之下,大家看看有什麼發生? 『YES!』 無錯,我Blog上所有的圖片,全部都會突然間發生「科技大爆發」!只需要Click
Click
,無論係咩圖片,都會立刻變成為一粒又一粒的Icon!係咪好意想不到呢?



除了咁神奇的Function 外,按入那些Icon入面,仲可以即時Download Apps,玩遊戲等等,更加有機會贏到全城熱搶Nokia容祖兒Concert
No.6
演唱會門卷2張!仲要唔係『山頂』位,係$480蚊門卷!正爆!



     
如果你本身都有寫Blog,不妨將呢樣最新潮的玩意引入你的Blog,讓你的讀者和朋友們可以分享最新最潮的玩意之餘,又可以贏取門卷,仲有好多驚喜等大家一齊發現,一舉數得!「科技一觸即發,由你我一起爆發!」仲唔馬上行動?!



 



網址: http://www.nokia.com.hk/NOKIA_HONGKONG_86/Campaigns/N8/index.html?utm_source=socialtoy_installation&s=3




2010年11月17日 星期三

0 又大跌

朝早理士有一分鐘逃生門, 可惜小弟訓冕左走唔切......結果兩只IPO 都於上午低位左右蝕走....

 下午休市時, SA 突然 大跌過百點,期指恒指午後低開後繼續低走....

由於之前大量開倉係怕大市一升無回頭, 既然回頭, 亦都即係話只可以變回基本注碼, 先減倉ICB5.00R1 X 70 @0.12 , 入賬 +HKD7460, 呢一步亦都係一開始已經諗定....

雖然或者聽日就會大升, 我永遠都開唔番0.12 呢個價位, 不過為安全計, 當市況唔係同你想像中咁行法時, 就要做好風險管理, 之前一篇講過, 一有咩E 郁, 要第一個逃離戰場....最多無事時入番去....

你的本金, 就係你的士兵, 你忍心放佢地O係一個唔安全既戰場, 一個一個死去嗎?

2010年11月15日 星期一

0 繼續調整市~


市況繼續調整, 特別係中資股, 不過對於做遠期龜倉的我來說, 調整一下比一直大升更為有利, 當股價升升跌跌, 而有足夠既按金+價位去守的話, 到當遠期倉變為近期時, 權金已接近0, 亦都係可以再於好價位開倉....

反之如果一直升上去, 就算賬面上好快就已經獲利, 但之後要於更高位開倉, 就更加危險....

究竟點先算係有足夠去守?
幾多錢先夠守住自已個倉呢? 其實我有一套方法, 方法係將現價的權金/按金, 提高兩個行使價或10%, E.G. 5 蚊的ICB 倉, 明年9
月, 每張權金0.18X1000 = 180, 按金152, 即共為332; ICB5.50R1 權金為0.3X1000=300, 按金231,
共為531; 即如1398 明天立即跌約0.5右時, 每一張大約需要補199 蚊; 100 張就2 萬了~~

全個倉做一次壓力測
試, 如果過到的話, 可以安心去守; 如果過唔到, 最起碼都要做一個價位的BUFFER (即同5.25 比較), 如果都係無足夠既錢去守既,
可能要夜晚時諗定如果真係大跌, 個倉應該平邊一D 倉先....雖然做左之後聽日可能回升, 但係每一次個倉接近危險界線時,
要自已先檢討一次個倉....起碼開市時, 可以即刻決定到去平邊D 倉, 可以守邊D 倉....特別現時風高浪急,
大部份人都同我一樣又唔係全職炒股, 到時先再計, 可能已經慢左一步, 最大問題係會因一時之急做錯決定....就如捉棋一樣, 唔可以只望眼前一步,
一步可以將死對手固然係好,但岩岩開局或終局時, 每多諗對手一步,贏的機會一定大增....

現時我倉內最近的倉, 已經係ICB5.5U1, 距離現價亦有15% 差距, 還可以一守, 但當好接近行使價時, 一定要退...保命為主....除非你自願接哂所有貨......

另外...倉內共接獲理士(#842) 4 手, 泓淋(#1087) 7 手...市況似乎不就....之後除非極具內需及定價便宜之新股, 要有輸/坐艇的心理準備......



2010年11月13日 星期六

1 買基金者是豬!!

我重啟我的BLOG 後第一篇文章, 就係講關於基金 (LINK)...
其實仲有好多好多關於基金點呃人既想寫出黎......不過剛剛睇到一本<<周顯發達指南2010>>, 當然由於佢收錢寫書,
我無收錢寫任何野....佢幾千字既文章, 都包含哂我想寫既其他野......所以我決定暫時唔再寫,
直至我身邊再有朋友問我買基金既事為止......第六章寫的, 淨係個TOPIC
已經夠吸引:「買基金者是豬」入面講的真係「字字豬基」.....建議去圖書館租本黎睇下~









書目記錄號碼 3078301
著者: 周顯
書名: 周顯發達指南2010 / 周顯[作].
出版者: 香港 : 香港財經移動出版有限公司, 2010.
稽查項 208 頁 : 21 公分.
主題: 投資
股票
其他書名: Micro Chow rich man guide
標準號碼 9789881914835

0 洗倉潮


今日個市由商品期貨洗倉帶動下跌, 上證低開後曾經倒升但最後卻以近最低位收市兼跌破3000 點,
前晚話加息尋日無事今日先黎洗倉...估計今日都係借勢震倉而已....由於倉內大部份現金都被抽趕去抽新股....結果今日係無做任何動作....期待
星期一新股回水後再有位可以做倉~~

ICB 期權於1398 6 蚊前已盡開....足以幫我抵受多5000 點跌幅....

如星期一SA 再跌, 就會再部署A50 SP.......大跌市+高IV 正正係做SP 既好時機...不過記住要做遠D 做安全D 的價位....唔好貪多D 權金或對自已睇市信心過大而做得太貼....

記住...市場永遠是對的...我地只可以中間抽少少油水....幫補下低人工高通賬....



2010年11月11日 星期四

0 下注好孩子~

好孩子, 內需, BB 用品, PE 低...一定熱爆...

由於長興上次太難中, 預計今次都差唔多...所以分幾注落飛

女友+自已戶口, 共孖50K X2, 200K X2, 另外致富一手...

希望可以共中4-7 手...每手估計可賺1500 左右.(3 成)

 


 

小夢生活 - Dreams Life Copyright © 2011 - |- Template created by O Pregador - |- Powered by Blogger Templates