5 【新居裝修】買磚買門買料~~深圳田貝四路、家合居一天遊

買完樓決定完裝修後，就由裝修老闆兼設計兼師傅（識呢個裝修老闆經歷大家又係估唔到，就係打ＰＳ４　ＮＢＡ２Ｋ１６識的，當時我個ＦＤ未上線，呢位老闆又好低ＬＥＶＥＬ無人陪佢打我得閒咪陪佢打兩鋪，後來加埋ＰＳＮ好友成日傾計仲一見如故，緣份既野真係難講既）陪伴上深圳田貝買料。

（抱歉先SKIP左點買樓同點搵裝修公司，容後再出文。）

同司機講田貝四路，落車即達

灣仔撘皇巴士＄４８好快到皇岡，出到去就直接撘的士到田貝四路。 第一站就先去買磚！



 入到去有好多磚揀，如果本身無ＩＤＥＡ，真係會揀好耐

 當然我呢D 有準備既人，就諗定哂啦～

構思中浴室磚

構思的廚房，都係簡單白色咁

 ＯＫ，老闆帶路只去一間鋪，唔再去其他格價啦！

老闆帶路先到呢間天樂建材行。

只係一間鋪，都數唔出有幾多磚了。

一間一間房仔咁砌咗磚出黎睇效果，同香港比真係大地方好多

老闆仲好好招呼，有靚茶飲慢慢揀（唔記得影Ｄ茶添）

上黎之前已經參考咗好多設計，地磚淺色為主，廁所就灰灰地色。

最終選擇－廁所磚

 不過廁所全部揀300x600mm, 唔要細條

最終選擇－廳房地磚

地磚淺色為主，但又唔想拋光，考慮過木紋磚，又聽聞Ｄ磚會唔直，而且磚同磚之間中間多罅隙難打理。所以揀左呢隻600x600mm

 廚房本身想呢種白色有D 紋路既

本身希望揀既廚房磚

 不過最終見到下面嗰幅。。。就轉咗呢隻。。。。特別少少，應該比較少見，希望會靚吧！

最終選擇－廚房

 雖然有哂慨念去揀，都用咗成兩個鐘～～
 之後就去上一層，揀燈、龍頭等等

先揀燈

最後平平地揀咗呢個房燈

 跟住就去揀龍頭、鎖、配件呀、坐廁呀咁啦。。。。不過已經開始累同肚餓，少咗影相了。

大致都係揀呢Ｄ啦～原來都真係唔平

最後，喺好肚餓情況下，去咗揀門

門就好快揀到啦～

 ５度門都係同款，房門同廁所門就直頭係上圖嗰種，大門係實木所以可以造深坑，廚房門就會中間界咗洞整玻璃窗。

　全套５件計埋運費，應該平到香港５千左右。

終於 搞掂哂，就撘的士去食個雞煲先～傳說中出名既鬍鬚佬雞煲。

４點幾去，無人，坐一陣，好多香港人到。

價錢唔平，但真係值。

炸枝竹比較硬。

要唔辣都有少少辣，完全唔食辣既我都接受到，不過到後期就越來越辣了。

 味道真係一流。。。。食完雞煲再落肥牛炒，超入味，最後就落湯當打邊爐，真係太飽了，都食唔哂，三個人呢度大約３３０人民幣。

食飽又有力，再去家合居望望窗簾同傢具。

唔知點形容呢度有幾大，我諗等於成個ＭＥＧＡＢＯＸ吧

呢張真係超舒服，如果屋企夠大，一定即場搬佢走

可能真係大陸Ｄ人住得大，普遍都係大碼傢私

去睇窗簾。。。揀咗呢幾款做廳同兩間房，不過最後都仲考慮究竟裝唔裝，而且都唔平，３幅要２千幾人民幣。

廳

主人房

未來仔房

出番來天又黑了。

撘的士去番皇岡番香港，落番黎都已經１０點了。。。。總算買哂應該買既野，如果大家想上去，都記得要喺香港諗好睇好先，否則真係隨時要上三幾次都買唔齊。。。