0 Thanks to my 2016

岩岩睇番，原來已經3 年冇寫過類似年度總結嘅野。簡單而言早兩年剛結婚，同居後生活習慣嘅轉變，Asiamiles 嘅收成去多咗旅行，亦都努力去用唔同途徑想搵錢，Work Hard Play Hard 亦非常充實。到上年年中開始不太順利，開始慢慢靜下來思考下一步應該點做。

0 人生的支線任務

發覺自己好幾年沒有做年度檢討，本想草稿一份2016 年回顧，但寫寫下又整個方向改變了，就先寫這一小篇吧。

最近好熱衷玩一隻遊戲 -- 人中之龍系列，整個故事的主線固然是很吸引，但令我最花時間，或者說令我最最深刻的，反而是些小遊戲和支線故事。

0 回到過去

我經常諗，如果有一日真的回到過去，就當20 或者30 年前啦，究竟可以做什麼呢？

0 ［新居裝修］入伙後記

入伙都已經超過一個月，所有野都安頓好，就寫番篇總結啦。


雖然之前睇樓買樓都覺得煩, 但其實裝修先係最最最麻煩既一件事........


今次裝修都好多謝SHINO，一個喺好偶然情況識既一個裝修既機友，喺我買樓前已經比好多意見，裝修期間亦都好上心，亦幫我呢個無乜預算既客人盡量慳到錢，包括上篇BLOG 寫過帶埋我上田貝買料，如果有興趣搵佢裝修既可以睇到尾，會有佢聯絡方法的。

0 一個人知道自己為什麼而活，就可以忍受任何一種生活

我偶像的偶像尼采（註1）寫過：「一個人知道自己為什麼而活，就可以忍受任何一種生活。（註2）」

有幾多人，可以知道自己為什麼而活？不要說為夢想而活，人大了，就連簡單想做一件想做的事亦都有困難。世俗太多的枷鎖，漸漸地令自己成為別人希望你成為的人。

0 【新居裝修】裝修第三者保險

睇裝修初期睇價錢，都係著重油油幾錢，鋪磚幾錢，整櫃幾錢；但原來真係仲有好多細節野未計到落去，就好似係裝修第三者保險。

經我研究發現，原來正常家居保都係唔包裝修時保險，一來屋苑管理處要求（不過其實最後管理處又無問我有無買到無問我拎ＰＲＯＯＦ），二來廢事有咩事整爛出面公家Ｄ電梯呀，隔離屋呀賠都賠死咁，都要買番份架喇。


喺討論區見人裝修公司加埋落報價，３千有，５千都見過，都真係嚇到心都離一離。好彩自己上網再睇，其實都應該係２千內，搵個朋友搵ＢＲＯＫＥＲ報個價睇下會唔會平Ｄ，結果千４蚊都唔洗就搞掂，保險呢樣野，未必係必要，但裝修期間起碼有咩事都係保險公司負責，心都安樂Ｄ先～

ＰＳ：唔洗利申，我諗唔識我都知我唔係賣保險掛，ＨＡＨＡ～

0 【新居裝修】 木工篇 - 廚櫃，C 字飾櫃連鞋櫃，衣櫃，廁櫃

 除左電視地櫃外，其他櫃都決定搵裝修師做埋 。本身都有出睇過其他傢俬鋪，廚櫃鋪等等，一來價錢其實差唔遠，二來可以一條龍唔洗麻煩。

第一次黎度位，櫃師傅好厲害可以即場就畫喺牆上面問我岩唔岩。。。對完全美術0 分既我實在係嘆為觀止，好似喺法國街頭睇藝術表現一樣

睡房概念圖

5 【新居裝修】買磚買門買料~~深圳田貝四路、家合居一天遊

買完樓決定完裝修後，就由裝修老闆兼設計兼師傅（識呢個裝修老闆經歷大家又係估唔到，就係打ＰＳ４　ＮＢＡ２Ｋ１６識的，當時我個ＦＤ未上線，呢位老闆又好低ＬＥＶＥＬ無人陪佢打我得閒咪陪佢打兩鋪，後來加埋ＰＳＮ好友成日傾計仲一見如故，緣份既野真係難講既）陪伴上深圳田貝買料。

（抱歉先SKIP左點買樓同點搵裝修公司，容後再出文。）

同司機講田貝四路，落車即達

0 小夢＠消失的兩年！ 久違了, 各位網友~~

開番個BLOG 一望, WA~~原來接近兩年無更新!
對上仲係寫緊北海道既蜜月之旅, 仲要只係寫到DAY2....

見到好多朋友，同事都結咗婚搬哂屋有Ｄ連仔都生埋，或者都大緊肚超級恩愛咁

消失既日子我去咗邊？

唔講大家唔知, 我平時係點寫網誌呢？ 我就喺一間只有大約４０呎既房中，坐喺床上面一邊打機／睇電視／玩電話再一邊開住部電腦！做廣告呀，打機Loading 呀，咪番去電腦度打一百幾十字囉。。。咁Upload 相／構思時要時間，又可以番去打機／睇電視。。。

講咁耐，即係去咗邊？

0 2013 北海道+大阪蜜月之旅 Day 2 (札幌 -> 南千歲RERA OUTLET -> 薄野/狸小路)

第二朝的行程就係先去南千歲Rera Outlet！

朝早起身就無落雪喇，好好天～

撘ＪＲ到南千歲站！

 到達南千歲站，個站本身好簡陋，但係雪景襯托之下都好靚！

本身行一陣就可以到RERA OUTLET，但因為出面既雪好厚好靚，就喺雪地玩咗好耐時間！

0 2013 北海道+大阪蜜月之旅 Day 1 (新千歲機場 -> 札幌)

北海道蜜月之旅，由儲Asiamiles 到Book 機票到Plan 行程，都足足用左兩年。
老婆一直都話想去北海道渡蜜月，由於我一直都知道北海道機票好貴，所以就開始著手儲里數，亦都令我開始養成儲里數呢個習慣，亦不足一年已經儲到足夠里數，再可以訂到直航北海道既機票，回程就喺大阪玩幾日添！　（詳見：2013 北海道+大阪蜜月之旅 機票篇 (免費機位確認成功!)

今次係１２月１５日出發到札幌，２１號轉飛大阪，２６號回港，１２日１１夜大阪加北海道之旅開始，多謝大家觀賞！

由於都經過咗好耐，有Ｄ 細節都唔係太記得，而今次去既地方大部份都係好簡單JR可以去到，一般旅遊書都有介紹到，所以撘車等細節就略過了。如果有需要，可以留言或者Facebook 問我，有時間盡量解答。


一大早到機場，拎埋BBWIFI 之後，食埋早餐就上機啦！

撘9:15 分直飛札幌，機程都幾長近５個鐘，飛機餐不過不失啦！

0 全新東亞銀行Flyer World Master Card

話說早幾日收到消息東亞白金卡唔可以再換里數，咁我驚自己忙就即刻嗱嗱淋換哂佢先啦，再今日得閒，就諗緊究竟去唔去開個Supreme Gold Account 拎張World Master Card。

今日放假一早起身就SEND EMAIL 問下關於張World Master la, 點知到我出門口，佢先打黎覆我，話原來我已經係特選客戶可以選擇Upgrade 去佢張新Flyer World Master Card，仲話寄左信比我。我就話收唔到，之後喺電話度就登記Upgrade 左我了，原來Upgrade 左仲可以將舊既積分免費換哂MILES!!　唉～～蝕左幾舊水啦今次！

番到屋企，開個信箱。。。原來真係有。。。。
今次真係。。。。。。。唉～～

Flyer World Master Card主要優勢：
本地簽帳：$8 = 1里
海外簽帳：$4 = 1 里
積分有效期：５年
免費，係免費換MILES (但不能換其他COUPON)

UA 睇戲8折
免首兩年年費，之後簽滿60K 就免年費

咁可以繼續用東亞呢張卡啦，短期內應該唔會有咩變化喇掛！

0 東亞白金咭停止積分兌換「亞洲萬里通」里數 ！

大件事！之前我強烈推薦朋友出既東亞白金咭已經喺６月３０日後已經唔可以再換Asiamiles 喇！記得喺6月29日或之前，盡快換哂Ｄ　里數佢。。。。

東亞白金係我其中一張主力既咭，最主要係因為網上繳費有積分，特別係保單，朋友之前配合佢既富邦收息PLAN，更加可以一次就賺１００萬分以上

而八達通自動增值亦都係係用佢（因為＄８＝１里）加上可以儲５年，其實無左佢都幾麻煩。。。。暫時簡單可以代替既就係玲子推介既上商咭

http://lovelovelings.blogspot.hk/2014/06/630.html

大家記得有里數盡快換哂佢。。。。。之後就可以Cut Card吧！

ＰＳ：有無人知點樣可以Upgrade 去World Master？因為今次World Master唔受影響架！

0 2014 東京櫻花之旅~~

欠下幾個旅遊的遊記，有時間要盡力追回。。希望大家喜歡

2014 東京櫻花之旅~~ COMING SOON~

0 My 31

不經不覺又一年...可能人大左, 對生日其實都無乜太特別的感覺, 今天我如常番工, 如常做平日每日做的事, 簡簡單單咁過一日....已經好滿足....

上 年寫過My 30 , 岩岩自己睇番, 又再慢慢回想自己呢一年做既事, 其實都好多事喺今年發生, 最最最重大當然係結婚, 另外有同老友們做過幾次唔同既生意, 加上股市方面既努力, 整体上整個30 歲過得好充實, 亦都好順利滿意....甚至AsiaMiles 亦由目標既6 萬里儲到有近30 萬....睇黎要盡快抽時間plan 行程去下旅行了....而傷心的, 是陪了我二十年的點點, 離開了.....

寫blog 方面真係由於太忙, 無乜時間打理, 好多時候都有好靈感想打出來, 但時間實在有限, 最終都只能放棄, 不過依然每日有好多人黎睇, facebook pages 亦多左幾十人, 雖然, 我唔係好在意有幾多人睇, 有幾多人讚好, 但其實心底都係開心既......可惜, yahoo blog 亦都會執, 而呢篇亦都係真正最後一篇發文 (因為明天就會變為唯讀mode 了) 想繼續睇文, 交流既各位朋友, 記住要轉去我新blog http://siudreamlife.blogspot.hk/ 或者facebook facebook.com/siudream

今年既生日願望嘛, 其實都無乜貪心了, 可以好似今年咁一切順利, 身體健康, 其實都心滿意足....當然亦希望會有多d 時間同朋友敍一敍, 身邊既朋友家人全部都開開心心, 就可以了....

祝自己工作/生意/股票樣樣掂, 身體健康!!!

Happy Birthday to myself~~

最後, 感謝所有同我講過句生日快樂的, 謝謝!!

0 星夢婚禮總結

婚禮都完成了整整一個月，一直想抽時間去總結一下整個婚禮，順便記錄一下。
咁岩Yahoo Blog 亦都要關閉，就用呢篇婚禮總結做我最後一篇Yahoo Blog 的發文吧！

１）Pre Wedding - 凱撒琳


2011 年12 月，我地第一次行婚紗展，初初只係諗住睇下有咩Pre Wedding 好，行到差不多關門時去到凱撒琳的攤位。一睇之下佢就極喜歡蕭總監的作品，即場預約之下竟然要等到12年9月才有檔期！

0 [小夢飲食] 馬來西亞美食節 @港島香格里拉Café Too

香港人平常最多食既菜式當然係中菜、西餐、日本餐。再數落去，就一定係東南亞各國的菜式了。

而眾多東南亞菜式之中，我自己個人就最喜愛馬來西亞的食品，海南雞飯、喇沙、沙爹串燒，當然還有果王榴槤！真係諗起都即刻想飛一轉馬來西亞……不過呢排實在太忙行唔開喇.！

就正正呢個時候，得到MATRADE/馬來西亞外貿促進機構邀請，出席佢地喺Café Too 既馬來西亞美食節活動開幕禮，唔洗飛都有得食，我當然唔會錯過啦！

來到Café Too就見到馬來西亞美食節的宣傳Display，相中仲係我最鐘意食既既馬來沙爹串燒．．．睇見都流口水．．

7 [賺盡積分/里數系列] 匯豐 最紅大讚特賺狂賞 09/09/2013 - 13/10/2013

詳情：http://www.hsbc.com.hk/1/2/special/chinese/cards/prom208a#offers

如何賺到盡？

1)先致電登記: 82281088, 選擇 $30,000 惠康Coupon

2) 09/09/2013 - 13/10/2013 內簽帳$7,500 (每張單必需 > $500，網上交費／海外簽帳唔算數）
(Remarks: 持有多張匯豐卡只計一張，附屬卡則分開計算。)

3)等收信換Coupon
 
簽$7,500賺到乜？

1) 基本簽帳(未計6X) = 30 獎賞錢

2) 每500 額外20 獎賞錢, 即300 獎賞錢

3) 7 折買1500 惠康Coupon + 9 折買28500 惠康Coupon
1050 + 25650 = $26700 買30000 惠康Coupon
945 折賣=$28350
出賺$1650

Total =30+300+1600 = 1980
回報率=1980/7500 = 26.4%

小夢評語：必需參加。

0 化妝+租衫 - 顯卓婚紗

每次去婚展，顯卓都會放喺中間當眼位置有一個大COUNTER，上年有一次去婚展既時候，最終於幫襯咗顯卓租衫+化妝。
Total 租咗10件衫（大約六千幾，實數唔記得了），除咗一件婚紗外其他都可以任揀禮服／晚裝／外父外母奶奶伴娘等等任配撘。

之後上網見到顯卓有好多BAD COMMENT，話比完錢後服務差呀，黑面呀等等，都有少少驚；不過經過呢一年上去幾次，揀衫啦，轉換款啦，跟我的SALES AMY姐都服務好好，而且亦都真係任揀任試，全程無話要加錢或者限試幾多件。

最重要係比到意見外母同奶奶揀衫，令佢地好快就揀到ＯＫ，免卻好多煩惱。

而我男士禮服亦都好順利咁揀到款無問題。

至於婚紗同晚裝，我個人認為本身的大路的款色都有，要好靚好DESIGN既就唔算，不過亦都有好多選擇，相信都會揀到款。
裙掛亦都係普通款（最終我地去左COCOON租咗掛皇)。

化妝方面佢本身有廿幾個化妝師任揀任試唔洗加錢，老婆試到第二次就用左Polly，而網上POLLY亦都好多好評，應該會化得好好既～～

如果覺得想幫襯顯卓既，不妨搵AMY姐，就應該唔會預到服務唔好既問題既～～

（PS:相片待婚展後再UPDATE)

0 望月迷你酥皮奶黃月餅

今年半島嘉麟樓奶黃月餅大幅加價到$485，當然想搵下有無其他可以有相同味道但係平Ｄ既選擇。

網上得知原來之前在嘉麟樓有份創立奶皇月餅既葉師傅自己出黎開咗間<望月>，於是決定今年訂黎試下啦！

網上預訂價：$208