5 法國醫院兩日一夜之照腸鏡

之前有在FACEBOOK 見到我入院的朋友，首先告訴你們，我沒有事，康復了，多謝大家的關心。

話說肚痛肚疴好困擾我，戒口之餘西醫中醫亦都睇過一段時間。
之前都有醫生叫過我照腸，不過一直都無咁做，怕麻煩亦都怕痛怕會唔舒服。

最近一兩個月肚疴問題都無解決，本身諗住等９月結婚後才去做驗查，最終同我保險經紀朋友傾過，他告訴我原來無事的話整個過程唔痛唔會有咩唔舒服的情況，而如果有事就越早發現越好，介紹了吳允紹醫生給我（勁ＦＵＬＬ，１０號ＢＯＯＫ要等到２３號先有得睇！！）。醫生看完後也是建議我入院照腸鏡去了解情況，亦即是替我安排在３０號入院。

知道要入院後，其實都仲好擔心。擔心自己係咪真係會有咩事呢？係咪真係會唔痛呢？要準備咩入院呢？
想起對上兩次入院已經係約１５年前的事，養和那次不記得了，之後那次入威爾斯親王醫院，夜晚在病床聽著周圍的人大叫，像煉獄般的感覺一直深深的刻在我腦海之中，亦是令我對醫院有恐懼的其中一個因素。

等待入院前的一個星期，就經常在網上看有關資料。
當然啦，我發現好多都係唔齊全的，我決定整一個齊全版，等好似我一樣有需要而又忐忑不安的有緣人看到！


嗯，首先，原來九龍法國醫院就係聖德肋撒，但點解叫法國醫院呢？香港嗰間法國醫院係叫聖保羅的。。。。（我無研究，我知我上ＷＩＫＩ　ＳＥＡＲＣＨ一定會知原因，不過這個不重要吧。。）

約了３點正入院，過海的朋友可以像我撘１０１到亞皆老皆球場落車，行大約５分鐘就到了。


一入門口就見到一大間ＳＴＡＲＢＵＣＫＳ，完全無醫院味。入到去都好大，搵左一輪先搵到入院登記處。

櫃位交低入院信同身份證，就坐低等叫號碼。

等ＣＨＥＣＫＩＮ　度好靚ＢＯＲ～～好似酒店咁。

有電視睇，仲要係財經台。

等大約１０分鐘左右，就叫我到櫃台做手續。（Counter 的文員妹妹頗靚女！有Ｄ似今年個港姐黃心穎！）
填番Ｄ地址電話，解釋下風險，收費等等。
醫生安排左我住大房，原來大房都有分４人房至１２人不等。
唔知係好運定係通常都係，最終安排左４人房，窗口位＄６８０一晚，問我有無問題。
當然無問題，病房當然越少人越好啦！
最後好細心咁幫我帶條手帶～～再叫我過隔離會計部比按金，比完之後會有阿姐帶我上房的。



去到會計部。。。。

直頭好似銀行咁，要去個ＭＯＮ度拎張飛仔，等叫ＮＵＭＢＥＲ再去ＣＯＵＮＴＥＲ比錢。
用信用卡比７千蚊按金。

好喇，到入院正題之前，輕鬆一下講下應該簽邊張卡呢？
我入院前已經ＣＨＥＣＫ過醫院咩卡都收，本身諗住簽ＣＸ　ＡＥ，因為仲係頭３個月迎新５蚊１里。

最終呢，我揀左交通銀行，因為佢有個ＰＲＯＧＲＡＭ送分呀！入院前大約知萬零蚊，就登記左目標２，拎番額外４萬分先！３千幾里呀！）

交完錢坐左一陣就有個阿姐叫我名，就帶我上病房了。
一路行仲同我介紹下間醫院Ｄ位呀咁。。。。

上到病房先入護士室做基本檢查，一個護士在填ＦＯＲＭ問問下有無咩藥物敏感咩病呀等等啦，另一個就量血壓再去叫我磅重。

磅重時，她們的對答如下：

靚女護士Ａ：「XX KG」
普通護士Ｂ：「下？咁輕？」
靚女護士Ａ：「係呀！你好羨慕呀?」
普通護士Ｂ：「仲瘦過我喎，我都想咁瘦」
靚女護士Ａ：「我夠想咯！」
我：「其實你都好瘦啦。。。。」

講完笑後，就帶我入病房了。

環境是不錯，床都幾舒服，沒有在公立醫院的消毒藥水味。
不過心情還是很緊張的。

忘記了介紹，入院時送的入完包包。
牙膏牙刷有唔出奇，杯都有都ＯＫ，連筷子同匙羹都有就真係估佢唔到。

到六點左右吃了媽媽帶來的粥，休息一會後，七點零鐘護士就來了！！

放下一大樽水！還將瀉水幫我先倒在杯中再溝水。
只係第一杯係瀉水，之後再飲哂成渣清水就ＯＫ了。

（明明醫生話８點先飲，我有睇到張紙寫的）
好多人都話好難飲，仲會飲到嘔。
於是我就將飲既時間不斷咁延遲。。。
星話一定要睇我飲先走。
結果就先飲兩啖。
頭兩啖又ＯＫ　ＢＯＲ，有Ｄ似變變地味同濃濃地又咸咸地既寶礦力咁啦，唔係好識形容。

之後星就走左，我獨自開始飲。。。。

飲到一半，越來越難飲，原來係無溝暈。。。。
經常都飲中藥既我可以講，呢支野都真係幾難飲。
中藥我都可以一飲而盡，呢杯野我都飲左差不多半粒鐘。。。。

我飲完大約一個鐘左右，就開始有肚瀉的感覺去瀉啦。
由於我本身都係瀉瀉地。。。。兩三次之後已經變水了。

同房仲有另一個人同我一樣係照腸要瀉，初初都好怕會唔會大家爭廁所用呢？
會唔會真係忍唔到瀉出來呢？

不過好彩最終都無發生呢Ｄ事。。。。

呢度的環境其實都幾好的，仲兩個人一部電視添～～
呢個時候仲要飲多半渣水的我。。。

初初疴都會痛，之後變水其實已經唔會肚痛了。
見廁所無人，就入去開下水喉咁，非常的暢通，係有少少屎的屎水咁。
入廁所，出番來，飲水，過十零分鐘又入去咁經過了一晚。

本身帶書看，星又買本雜誌來。最終都只係睇左兩頁。無睇過了。

１１點左右就訓，以為自已訓左好耐，原來都只係１點。。。
之後疴一次又訓下，到四點五點又好似各疴一次咁。


朝早六點。。。護士又送來瀉水一支。
夜更呢個係個老女人，水都唔幫我倒要自己去拎水！！

今次飲完，疴出來的真係接近清水了。

我見護士問我對面同隔離兩個人疴左幾多次，我隔離的原來之前一晚飲完都無疴過，佢就唔知點比Ｄ咩佢要佢飲哂成渣咁。。。最終佢只係疴左３次
對面嗰個就話大約７－８次咁。。。

但我就十幾廿次。。。。睇黎我腸真係郁得比人快好多。。。。

到８點左右就抽血，之後水都收埋唔俾飲了。
我對面的首先比人叫左落去。。。。過左一個鐘就比人推番黎。。。。
佢語無倫次咁講左Ｄ好搞笑既野。。。

到１１點左右就被帶落鏡房，對資料後又等啦。

跟住做得，醫生就叫我入間房，訓上張床度。
護士幫我又係量血壓，夾手指咁。
叫我打側訓一邊，隻手幫我打粒豆。話會打Ｄ訓覺藥落去。。。。

我ＦＥＥＬ到有Ｄ野走入血管度，本來聽住我心跳的ＢＢ聲，Ｂ，Ｂ，Ｂ。。。。三下越來越細聲。我就無知覺了。


訓醒的時候已經在房內病床上。
全程全無記億全無知覺。
我諗緊我係咪都有語無論次講過Ｄ野呢？
電話之前鎖喺ＬＯＣＫＥＲ，我應該係有叫人幫我拎過黎。。。

（諗左好耐ＰＯＳＴ唔ＰＯＳＴ張自拍，一來好殘，二來廢事比人話自戀，不過唔ＰＯＳＴ又太大段字，所以就整個公仔啦！）

睇番拍照時間，原來都係１２：２０分。

第一次落床真係成個人超重咁，唯有番上去訓多陣。好快就無事ＬＵ～

跟住就落床叫個外賣食下。
超多野食囉，有８安士肉眼，煎三文魚，鹽燒雞。。。。

西餐唔岩，都仲有小菜配飯同例湯。。。

或者碟頭飯。

炒粉麵乜都有。。。

不過我最終都係叫個腿蛋通加個凍華田。
飲左成日瀉水，獎自己飲好耐無令過既凍飲！！

跟住一直等醫生。。。等等等等到成八點幾先來，檢查完後解釋個報告，有腸入面的相（廢事嚇親人，亦廢事比大家睇到我咁赤裸裸的一面，唔貼了）。
結果係無瘤，亦都無息肉。
只係近小腸處好紅，係發炎。
由於我留唔到大便（因為一疴已經係水），所以驗唔到係咩菌，但係都無乜大問題，食番一星期抗生素就ＯＫ　了。

之後要等佢簽出院，等出院單。
萬四蚊。。。

落去會計部比錢。。。
（比錢前經過ＣＨＥＣＫＩＮ　ＣＯＵＮＴＥＲ見到尋日同我ＣＨＥＣＫＩＮ　個文員妹妹，仲好好笑容咁同我打招呼添！）

番上黎再拎藥。。。。
就走得了！
離開時間大約係晚上十點。

後記１：
我一直都想知要帶乜入院，好似網上無乜人寫。
我認為必定要帶的係拖鞋，訓覺衫／短褲。因為對面的無帶，見佢成晚著牛仔褲，上落床都要著鞋除鞋咁。。。好唔方便。

選擇帶的係浴巾，如果你想沖涼的話。

後記２：
我隔離床的，驗出係ＣＡＮＣＥＲ，聽到佢醫生講，佢成條腸都係血，好嚴重，仲打左兩支止血針。
我睇佢都係三十幾歲，醫生走左之後佢同佢老婆／女友在細聲哭泣。。。。。。
雖然只係見過幾面，朝早大家講過一句早晨，但自己聽到都真係心唔舒服。
更加感到自己身體健康係十分十分之重要的一件事。。。。

雖然我知醫生唔會睇到呢度，But I really wanna say Thank you to Doctor Ng.　
全程真係令我好安心同無唔舒服。而護士們大多好好人。

祝願各位都跟我一樣，身體健康！
再一次多謝大家對我的關心。謝謝～～