香港人平常最多食既菜式當然係中菜、西餐、日本餐。再數落去，就一定係東南亞各國的菜式了。
而眾多東南亞菜式之中，我自己個人就最喜愛馬來西亞的食品，海南雞飯、喇沙、沙爹串燒，當然還有果王榴槤！真係諗起都即刻想飛一轉馬來西亞……不過呢排實在太忙行唔開喇.！
就正正呢個時候，得到MATRADE/馬來西亞外貿促進機構邀請，出席佢地喺Café
Too 既馬來西亞美食節活動開幕禮，唔洗飛都有得食，我當然唔會錯過啦！
來到Café Too就見到馬來西亞美食節的宣傳Display，相中仲係我最鐘意食既既馬來沙爹串燒．．．睇見都流口水．．
入到門口，已經擺放咗馬來西亞食品既資料，連食譜都有喎！
仲放咗好多馬來西亞唔同既食材，有炸魚、椰奶、榴槤角、馬來醬料等等。
進場後發現今次原來唔係單單一次試食活動，而係有一個名為Malaysia Kitchen Programme專門推介馬來西亞的食品到全世界，而今次呢個美食節就係其中一個環節，令更多香港市民認識馬來西亞的食品和食材。
由美女司儀介紹下，今次活動的有關人士致開幕辭，最後更由國際貿易與工業部部長Dato’ Sri Mustapa Mohamed 致辭。內容大致講述希望有可以借今次活動令到更多香港人可以欣賞同喜愛馬來西亞既食品。
最後部長更加帶上廚師帽及圍巾，再去挑選配料，撈在一起後，就宣佈馬來西亞美食節正式開始，可以食喇！
今次呢個美食節依然係以Buffet 形式，只係除咗平時可以食到既食物之外，有額外特別既馬來西亞食品供應架！
Buffet 的食物例如海鮮冷盤等當然不缺，不過今次主要黎想試馬來西亞既食物，所以就大部份都拎今次主題菜！
炸油角及炸魚，香脆得來唔油，唔錯。
沙嗲串燒就係我既最愛，Ｄ肉十分之淋，必食！
蝦片同薄餅配沙嗲汁同樣美味。
整番杯特飲夠ＦＲＥＳＨ，可以繼續再食！
雖然我自己唔太飲得奶，不過呢杯拉奶茶的確非常之滑。
最後當然唔少得甜品啦，我最愛的就係椰汁榚！
我同一眾在場的朋友都食得津津有味，大家更不時講起去馬來西亞旅遊的經歷呢！
美食加上愉快既傾談令時間過得特別快，最後我們離去時仲有一SET禮品包，入面仲有即食既醬料等我地番到屋企都可以親手煮下馬來西亞既食品。
經過今次既美食節，令我對馬來西亞既食物更添興趣，
今次在Café Too舉辦既美食節為期由９月４至９月１４日，如果大家得閒記住去試下美味既馬來西亞菜色喇！
不過就算唔得閒都唔緊要，我相信呢個Malaysia Kitchen Programme會為香港帶來更多馬來西亞優質食材，好快香港就會有更多好味又正宗既馬來西亞餐廳，甚至喺超市都會買到食材或者醬汁，可以在家自制一頓豐富的馬來西亞大餐呢！
0 意見:
張貼留言