2 第三章 - 了解自已的財務狀況 (上)

由4 年前開始, 我養成左一個習慣....究竟點解會開始有呢個習慣, 我都唔太記得, 只係, 由初初好簡單既版本, 到越來越覆雜, 我都玩得好開心....呢個習慣, 就係用excel 去記錄自已對於錢既一切........或者我就係天生鐘意數字 (話說預科從來無心機讀書下, 所有理科全U, 但Maths & Stat 卻有C)

以下節錄我excel 中的其中兩個Sheet, 分別係<支出> 同 <資產> 頁

(2006 版本)

(2009 版本)

每年我都會因應上年既情況, 去設計一個更加識合自已的版本, 去紀錄自已既一切, 最主要既, 係每日既支出, 每個月尾既資產值....

先講支出...要更加清楚了解自已既情況, 其實記低係好重要....曾經好多朋友講, 好難記得每日用幾多錢......當然, 岩岩開始既時候, 係會有困難.....但係當日日迫自已去做, 好快就會好容易記住自已每日所用既錢...你記得你今日早餐, 撘車, 食lunch, 買下午茶, 出街買杯涼茶, 夜晚睇場戲...全日所用的錢嗎? 試試從今日開始記低佢吧!

記低之後又有咩用呢? 當然, 呢個記錄唔係要你做守財奴 (其實我都好大洗, 經常性洗突份糧....haha) 但起碼當你真係有一個目標既時候, 你係好需要一個支出表去幫你更加完善咁去達成你既目標....

當然你可以講, 你都無目標, 份糧用淨咪儲起佢囉, 不過所謂未雨綢繆, 當你有記低你既支出情況, 慢慢儲左一d data, 例如做左半年以後, 你會見到自已其實用錢係有一定既pattern..例如只係lunch 每月已經用左約1000 蚊; o係今日你未有目標既時候, 其實係無問題......但當你決定要儲錢去達成一d 目標 (如去歐美旅行, 半年內要儲到2 萬) 即係每月最少要儲3 千幾.......咁呢三千幾o係邊度黎呢?  當然, 對人工高的朋友, 唔計數每個月都淨超過呢個數(如R Sir, haha)...但係對一d 好似小弟低下階層, 當要儲錢既時候, 就要諗下究竟可以o係邊度慳呢3 千蚊....未有記數習慣, 可能你會認為咁出少d 街囉, 睇少場戲囉......但mark 左數既你, 可能會發現, 其實未必真係個個月有去戲院睇戲....原來lunch 帶飯就可以解決呢個問題....

當然, 呢個係每個人都唔同, 必要既支出, 其實已經減唔到 (如撘車番工放工, 電話費保險家用供樓等等....)初初做, 可能只係好簡單咁記起某部份; 然後慢慢去將之分類....每季或者每年去研究一下.....就算今日無用, 總有一日, 你會用得著你日積月累儲埋既支出data.....

一年之計在於春 (雖然岩岩冬天) 2010 年就到, o係我設定緊我2010 年版本支出excel 既同時 (睇住自已個excel 越來越靚, 其實係一件好開心既事) , 不如大家都試下跟住我一齊做....一定會有你意想不到既結果...

( <<第三章 - 了解自已的財務狀況 (下)>> 會講下資產sheet 同股票sheet 既作用, 有時間再寫)

(PS: 我發覺, 原來寫blog 都幾辛苦; 我打字咁快, 都閒閒地寫大半粒鐘, 以為寫左好多野la, 寫完睇番原來得好少字...dls)