1 神來也大佬二 <<Pair 篇>>

話說自細開始小弟鋤dee 都比平常人叻, 正常dee 局贏多輸少.....最近愛上打Facebook 既神來也大老二......有人想叫我教下點打先可以叻, 咁o係呢度就分享下啦!

(正常dee 篇遲d 先, 廢事朋友學識左聖誔新年賭錢無錢比我贏..hahaha)

神來也dee 同平時鋤d 有d 唔同, 首先係蛇孚不能互打, 無花; 四條同花順打乜都得, 梅花又細過方塊, 唔知係咪獨特台灣玩法..(其實有d 似鬥地主)

其實, 最緊要既, 係要計牌, 睇自已副牌, 去估人地三家仲有咩牌....而Pair 係最易計亦係最重要的一環; 當自已無某隻牌既時候, 即係代表其中一家, 最起碼都有o個隻牌既pair

我既做法係, 如果有大pair, 又未大哂, 例如有Pair Q, 但無K 無A, 咁即係話, 對手之中, 一定有人有Pair K & Pair A

當開戰時, 大家鬥緊pair 時, 細過 Pair Q 既, 可以盡情去出, 但當有人打到Pair J, 我就會pass, 等剩餘既Pair K 同Pair A 出左之後, 你已經可以假設你Pair Q 係最大的Pair (當然, 亦有機會有兩對Pair K, Pair A, 或者有Pair 2, 但唔係100%, 而且可以o係單出時計到有無人已經出左, 去confirm 手中Pair Q係咪最大)

到最後, 總會有細Pair 出場, 咁你一出Pair Q, 就可以拿番話事權!!

如果你一開始已經出Pair Q, 咁人地打左你, 話事權就無左....細牌 / 五隻就無著落可以出!!

鋤dee 最緊要, 並唔係渣大牌渣靚牌, 而係點樣運用手上既牌, 做出最大機會既話事權! 將唔係太大既牌取得話事權, 咁就可以贏多輸少了~

另一個估人地手上渣牌既方法, 係睇出單既時候既出法
例如, 你手上無9, 下家出<梅9>, 第二家出<方9>, 如果上家都係出9 的話, 即係其中一個, 佢本身係有Pair 9 的, 佢卻行單隻, 點解呢? 100% 既原因係因為佢既9 有另外既用處!! 即係話, 佢有蛇既機會接近100%, 即56789 至910JQK 之間
如果下一章的你話事, 你打出比他細的蛇, 你比佢打既機會係100%, 所以呢個時候, 如非必要, 係唔應該打出條細蛇, 比機會人地話事...

相反, 如果上家唔打出9, 即係話, 以我經驗, 你上家有9 Pair 既機會係好大, 而有少少機會係, 另外兩家都有蛇, 所以佢地先有咁既出法....
當你知道你上家有Pair9, 你的Pair10 ,J,Q 其實好安全, 因為佢好大機會出, 而你身為下家, 你出既機會亦好大.....

實戰方面當然仲有好多變化, 但先明白最簡單Pair 既用法, 起碼可以爭取更多主動話事既機會...

下次再談其他~