0 鋤DEE 篇

鋤DEE 黎講, 我都算係戰無不勝, 或者最少都可以說為未逄敵手.....不過, 呢樣野都好難成為生財工具....因為實在太少人會同我去鋤DEE....既然今日得閒少少, 就公開下少少心法啦....(其實都係好基本的, 可能好多人睇完都笑我低能咁都要打篇野出黎)

最簡單, 自已手上有13 隻牌, 一副牌有52 隻, 基本上渣住自已13 隻牌, 就可以數對手們渣住的39 隻係乜....最起碼, 一拎起副牌, 就要知道仲有咩其他牌O係對手手上.....執牌時, 先由頭開始執, 執完第一刻, 並唔係睇下自已有無花呀蛇呀再執佢咁, 而係要計下, 有咩有可能的PAIR O係對手度?

例如你有一PAIR 大A, 但無2, 咁即係話, 3 個對手度, 一定有人有兩隻2, 亦有機會有兩個人有兩隻2, 從而得知, 你呢PAIR A 係無乜可能大哂番黎的...

鋤DEE 最重要的, 係話事權, 因為你要話事, 先可以出到你手上想出既牌...如果你出左出去, 係無可能拎個話事權番黎既, 就應該留低D 大牌....等人地的「話事牌」出哂之後, 你先去出你會話事的牌....例如頭先情況, 應該引人地的2仔單獨咁出....(至於點引, 又係另一個學問), 或者數到人地的2 仔跟花, 蛇出左之後, 你既PAIR A 立於不敗之地(或者比人打既機會細的時候) 先好出...

PAIR 係一個好致勝的關鍵....因為最容易數牌, 同埋最容易估到人地手上拎咩牌的, 就係用PAIR

例如你手上只有PAIR 3, PAIR 8, PAIR Q, KA2 各一隻咁, 當你出左PAIR3, 下一輪到你既時候出一到PAIR 10, 我諗大部人都會將PAIR Q 打出去....不過比我既做法, 就係留一手, 等下家或再下家打唔打.....如果佢地唔打, 大部份情況, 一係佢地無PAIR, 一係D PAIR 係留住花蛇黎出....咁下次你再打時, 你PAIR Q 就好大機會話事....

當然以上講既係最簡單既方法....仲有好多例如要捉別人心理....明明自已渣爛牌又要扮靚牌等別人放生你等等等既方法.....下次得閒就再打下啦~~