0 殺牛還是殺熊?

29/9/2011
其實經常聽到有人講殺牛熊論 (甚至報紙都成日寫), 我就想寫幾句有關於呢個理論既問題出黎, 當然我所講既未必係岩, 所以只係想賣弄我少少知識, 希望引到大家一齊討論下

在此之前, 我最近其實重睇一套COMICS - LIAR GAME, (欺詐遊戲), 佢有好多個GAME 去玩, 有興趣既大家都可以睇下, 佢D 遊戲, 遊戲規則講完後, 大多數人都會覺得好清楚, 但事實上, 可以思考到埋藏最深處的才會是致勝關鍵.....OK, 廢話講完, 入正題..

首先, 牛熊證發行商, 究竟點先會贏錢呢?

 我相信大部份人(當然唔包括識黎呢度睇既人), 覺得買牛的話, 跌時就係發行商贏, 升就係佢輸 (相反亦然), 如果你係咁諗, 即係你覺得佢係同你「對賭」的狀態; 而事實上, 發行商沽出牛熊時, 一定會有對沖 (使用的應該是期指, 又或是場內/外期權), 亦即是說, 發行商並不是和你在對賭, 理論上你每買入牛證, 它們就會買入期指 (先當係期指, 容易解釋)

例如1:1000 的牛證, 你每買入1000 手, 理應它們就會買入一張期指

假設不會到回收價, 無論你買或買錯方向, 他們所賺取的, 其實是買賣差價, 並不是和你在對賭, 這也是為什麼當遠離行使價時, 牛熊證的開價是跟<期指> 而不是<恒指> 的其中一個原因....

(再續)