0 一招又一招［第二套房印花稅加倍 ］

一招又一招出，大家真係覺得無意思嗎？

喺有供應之前，政府可以做的只係打壓需求。一步一步做，係比時間大家去適應，而唔想一下打死俾人怨

而我看到，政府其實係一步一步去做，慢慢將網收緊，亦即是溫水煮蛙一樣。蛙以為自己可以適應慢慢上升的水溫，結果。。。。

１）ＳＳＤ，除去短線炒賣投機者。短線炒賣可以轉去炒股。只淨自住與中長線投資的人（或公司）。
２）ＢＳＤ，除去部份大陸客及公司客，大部份只是自住或長線收租佬。
３）ＤＳＤ，加重收租佬入市成本，基本上短期內只會淨番自住客（包括上車或換樓）入市。

好了，有人會認為，有兩層或以上的業主會更加唔肯放自己的樓，因為放左再買，就會令下次入市時成本更高。

如果我們從政府只想協助自住／上車客的政策來看，下一招就是對付收租佬。

如何可以對付收租佬？就是加重物業稅，例如將第二套以上的收租房再加稅一半，或不可以合併在個人入息課稅之中等等。

當然，有人會話業主有實力，點加稅都無所謂。但買樓收租只係投資一種，當樓價上升的機會比下跌的機會少得多，而收租的回報比買公用股或人仔定期還要低時，從投資的角度，就要止賺了。

但那個時候，可能會入市的，就只剩下未上車的人，格價自然會下調。

加上聯署局有可能提早收水，三年後供應開始增加等等，似乎音樂椅遊戲應該完結在即。

所以，水滾前，最好遠離那個煲。

http://hk.apple.nextmedia.com/realtime/finance/20130222/51274482