0 2013 北海道+大阪蜜月之旅 Day 1 (新千歲機場 -> 札幌)

北海道蜜月之旅，由儲Asiamiles 到Book 機票到Plan 行程，都足足用左兩年。
老婆一直都話想去北海道渡蜜月，由於我一直都知道北海道機票好貴，所以就開始著手儲里數，亦都令我開始養成儲里數呢個習慣，亦不足一年已經儲到足夠里數，再可以訂到直航北海道既機票，回程就喺大阪玩幾日添！　（詳見：2013 北海道+大阪蜜月之旅 機票篇 (免費機位確認成功!)

今次係１２月１５日出發到札幌，２１號轉飛大阪，２６號回港，１２日１１夜大阪加北海道之旅開始，多謝大家觀賞！

由於都經過咗好耐，有Ｄ 細節都唔係太記得，而今次去既地方大部份都係好簡單JR可以去到，一般旅遊書都有介紹到，所以撘車等細節就略過了。如果有需要，可以留言或者Facebook 問我，有時間盡量解答。


一大早到機場，拎埋BBWIFI 之後，食埋早餐就上機啦！

撘9:15 分直飛札幌，機程都幾長近５個鐘，飛機餐不過不失啦！
到達新千歲機場，入境及拎行李後，就撘ＪＲ直達札幌，我地今次住既地方

落到札幌後，即刻見到大大雪呀！

見到雪，初初係好開心，之後覺得拎住個喼吋步難行，褲腳同鞋都開始濕了，好彩我揀既酒店係超近JR的Best Western Hotel Fino Sapporo (詳見: 2013 北海道+大阪蜜月之旅 札幌酒店篇 )

CHECKIN 後就到附近搵食，最後搵到札幌站附近一間叫鷄侍，真心覺得呢間好好食，因為之後幾晚我地再想去食，都已經無位了，有機會再到北海道一定會再一次食佢的！


地址：札幌市北区北7 条西4 丁目 B1
消費：約５２００Ｙｅｎ