第二朝的行程就係先去南千歲Rera Outlet！
朝早起身就無落雪喇，好好天～
撘ＪＲ到南千歲站！
到達南千歲站，個站本身好簡陋，但係雪景襯托之下都好靚！
本身行一陣就可以到RERA OUTLET，但因為出面既雪好厚好靚，就喺雪地玩咗好耐時間！
呢個OUTLET都有我地喜歡既牌子，有少少收獲後就在OUTLET內既FOODCOURT 食D野~
因為一個站就可以去番新千歲機場，決定到機場既Shopping Mall，提早買少少手信（不過呢個係錯誤既決定，因為狸小路既手信一樣咁齊，仲可以平少少添！）
機場既Shopping Mall 好大，仲有叮噹館，Royce Chocolate World 等等可以玩/影相，因為時間唔夠同無帶腳架，所以決定最後一日臨走前會早少少再來一次。
接著就撘JR 番札幌站，到附近百貨公司買少少下午茶食，番酒店放低戰利品休息一會後，就撘地鐵到薄野/狸小路行街+晚餐。
狸小路商店街，可以買既野其實唔係太多，不過有兩間手信店好多人，仲寫哂中文，初初以為係旅行團／遊客，但原來價錢係一樣架！
補番少少頭先買唔到既手信，到收銀佢仲問我係咪跟團，原來跟團有９折！！咁梗係是但話跟一個團啦！頭先機場買左嗰Ｄ真係太傻！！！
今日晚餐就係日式燒肉：炭炭！
搵咗好耐先搵到佢，不過都係值得既
價錢比想像中平，雖然要收茶錢每位800 YEN，但每碟普通的只係三百YEN，厚切和牛都係680 YEN，座位好舒適，係一個可以推薦大家黎食的地方！
炭炭
地址：北海道札幌市中央区南５条西５丁目美松タワービル1F 地下鉄すすきの駅徒歩3分
消費：不太肯定，大約６千YEN 吧?
食完再行一陣，就番酒店試下之前喺百貨公司買既蜜瓜，同蜜瓜JELLY
蜜瓜：無平時香港買的咁甜
Jelly：唔好食
結論，可以不試。
0 意見:
張貼留言