睇裝修初期睇價錢，都係著重油油幾錢，鋪磚幾錢，整櫃幾錢；但原來真係仲有好多細節野未計到落去，就好似係裝修第三者保險。
經我研究發現，原來正常家居保都係唔包裝修時保險，一來屋苑管理處要求（不過其實最後管理處又無問我有無買到無問我拎ＰＲＯＯＦ），二來廢事有咩事整爛出面公家Ｄ電梯呀，隔離屋呀賠都賠死咁，都要買番份架喇。
喺討論區見人裝修公司加埋落報價，３千有，５千都見過，都真係嚇到心都離一離。好彩自己上網再睇，其實都應該係２千內，搵個朋友搵ＢＲＯＫＥＲ報個價睇下會唔會平Ｄ，結果千４蚊都唔洗就搞掂，保險呢樣野，未必係必要，但裝修期間起碼有咩事都係保險公司負責，心都安樂Ｄ先～
ＰＳ：唔洗利申，我諗唔識我都知我唔係賣保險掛，ＨＡＨＡ～
0 意見:
張貼留言