8 2011 年4 月份月結

１：　資產增值

	累積本金	當月本金	MTD	回報	YTD	STD
Apr-09	5,774.02	7,000.00	153.99	2.20%	153.99	153.99
May-09	35,774.02	37,153.99	3,616.29	9.73%	3,616.29	3,770.28
Jun-09	42,000.00	45,011.15	(605.14)	-1.34%	3,011.15	3,011.15
Jul-09	82,000.00	85,011.15	16,065.12	18.90%	19,076.27	19,076.27
Aug-09	60,923.73	101,076.27	(8,553.12)	-8.46%	10,523.15	10,523.15
Sep-09	40,923.73	71,446.88	(11,485.32)	-16.08%	(962.17)	(962.17)
Oct-09	30,923.73	39,961.56	19,007.27	47.56%	18,045.10	18,045.10
Nov-09	9,313.11	48,968.83	(7,358.21)	-15.03%	10,686.89	10,686.89
Dec-09	106,712.12	139,009.63	15,201.98	10.94%	25,888.87	25,888.87
Jan-10	101,712.12	132,600.99	(43,181.27)	-32.56%	(43,181.27)	(17,292.40)
Feb-10	106,712.12	84,419.72	21,611.23	25.60%	(21,570.04)	4,318.83
Mar-10	109,305.77	111,030.95	21,845.18	19.67%	275.14	26,164.01
Apr-10	104,305.77	135,469.78	(3,598.32)	-2.66%	(3,323.18)	22,565.69
May-10	100,483.95	126,871.46	(4,124.16)	-3.25%	(7,447.34)	18,441.53
Jun-10	100,483.95	118,925.48	14,340.31	12.06%	6,892.97	32,781.84
Jul-10	90,483.95	133,265.79	35,539.56	26.67%	42,432.53	68,321.40
Aug-10	70,483.95	158,805.35	(9.90)	-0.01%	42,422.63	68,311.50
Sep-10	50,483.95	138,795.45	35,635.93	25.68%	78,058.56	103,947.43
Oct-10	(29,516.05)	154,431.38	33,450.16	21.66%	111,508.72	137,397.59
Nov-10	(29,516.05)	107,881.54	(27,917.78)	-25.88%	83,590.94	109,479.81
Dec-10	(29,516.05)	79,963.76	(16,673.60)	-20.85%	93,739.29	119,628.16
Jan-11	(19,516.05)	90,112.11	14,533.23	16.13%	14,533.23	134,161.39
Feb-11	20,483.95	114,645.34	(12,028.34)	-10.49%	2,504.89	122,133.05
Mar-11	(9,516.05)	142,617.00	28,193.85	19.77%	30,698.74	150,326.90
Apr-11	0.00	150,326.90	42,865.38	28.51%	73,564.12	193,192.28

註解:
累積本金 - 為開戶至今所投入之本金, 2011年4月開始已變為0, 即是已將所有曾經投入的資金已抽出
當月本金 - 為上月月結之總資產值減當月投入的資金
回報 - 用MTD / 當月本金之%, 其實我唔太鐘意用%, 因為100 蚊贏100% 無意思, 我寧願有100 萬贏1 萬~~不過既然個EXCEL 唔小心整左就由佢放喺度~
MTD - 當月實際資產增值
YTD - 當年實際資產增值
STD - 開戶至今實際資產增值

2.1：　４月份已平倉利潤

股票期權	8,261.00
指數期權	10,073.52
期指	5,491.40
窩輪牛熊	1,683.96
IPO	1,253.87
總盈虧	26,763.75

2.2: 未平倉盈虧
68,837.50

３：現時持倉

４：總結

今個月非常好運地月尾搏的LONG 倉全數勝利，亦沒有什麼大失誤，其實贏並不是最大的原因，只要不輸，本金繼續ＲＯＬＬ　落去，就會產生世界第八奇蹟「復利率」～～


5：下月策略

４月結算後轉倉價約為２３７００左右，預計上半月波幅介乎２２８００－２４６００；昨天亦說過以五仔力頂下通常無運行，內銀業績算靚仔亦都要跟大市見光死，不過今天ＳＡ見反彈，先看一看有沒有機會這幾天沒有壞消息發生，假期過後先行反彈至２４０００以上，否則應該很大可能要試一試２３０００關口，如果真的回落至２３０００附近，不排除以最高攻擊力的期指出戰！

2 28/4/2011 - 4 月份期結日

今日肚仔痛。。。無番工休息一天。。。

今早以140 點沽出240C，236P 亦順便變為廢紙
下月248C亦都以148 點沽出~

已經連續幾日高開後回，今日仲用５仔頂住大市，呢種招式實在太常見。。。
再加上近兩日ＩＶ奇高。。。睇黎５月都有一段時間要捱下價了。。。。

不過呢，倉都係要照做，A5011.00X1 0.22 - 3

今個月大致幾好，股票期權，指數期權，期指，牛熊以至ＩＰＯ亦都錄得收益～總算滿意，下月再努力～～

明天要出去開會，亦都暫停買賣一天～～

4 開戶 - 貴金屬 + 外匯

終於都去開了, 金色的簿仔實在太靚~~
希望每個月都可以儲人仔同銀仔~~

2 27/04/2011

9:30
所有LC 已沽出

9:45
CLI25O2 1.20 平倉, 平手離場
CLI29R1 1.26 蝕本離場

16:06
即月賭兩邊
LC 240 @ 36
LP 236 @ 22
下月LC 248 @ 130

20:28
今日原來仲有加A5011.00X1 @ 0.20 -5
最近都無咩好寫, 月尾時大戶撕殺, 我等小戶都係靠邊站~~如果是月有利潤者都可以用小注碼搏大波幅, 輸左就當賭場馬吧~

美股一直向上, 恒指其實相對落後很多, 當然亦都大原因係因為大陸仍然在3000 點樓下....未升時, 會繼續儲SP, 當跌市時小注用下月遠期倉搏大霧~~

2628 真的令人很失望...由上年年頭近40, 相信明天除淨後連28 都守不住...
24X1 繼續守下去看看發展會如何....

明天就期結, 相信今個月可以突破新高....下月再努力 ^_^

2 26/4/2011

昨天金銀價破頂後反而大幅回來, 人民幣亦都創下單日最大跌幅
似乎美匯有機會繼續轉強, 先看清楚才行動, 不易太進取太樂觀

2628 又插, 真係有排守....今早大部份2628 倉還是正數想平倉, 諗多兩諗已經無機會平了....算啦, 唯有渣到佢再反彈為止..
小注怡情: 即月 LC MHI 240 @ 90 X 2

0 人民幣儲蓄利率 25/4/2011

	活期	Min	一星期	一個月	三個月	六個月	Min
建行	0.300%	1000	0.400%	0.600%	0.680%	0.700%		http://www.asia.ccb.com/hongkong_tc/personal/accounts/rateenquiry/dep_rates_cny.html
創興	0.480%		0.530%	0.580%	0.610%	0.675%	5000	http://www.chbank.com/tc/financial/rates/deposit/index.shtml
永亨	0.500%	1000	N/A	0.550%	0.550%	0.550%	25000	http://www.whbhk.com/whb/action/rate/whbRate.do?id=fc_deposit_rate&locale=zh-hk
中銀	0.250%	5000	0.300%	0.500%	0.550%	0.600%		http://www.bochk.com/web/market/trading_rates/deposit_rates.xml?section=market&level_2=trading_rates&fldr_id=276
大新	0.550%	2000	0.550%	0.580%	0.580%	0.620%		http://www.dahsing.com/tc/html/program/foreign_currency_deposit_rates.html
上商	0.350%		0.450%	0.550%	0.650%	0.750%	100000	http://www.shacombank.com.hk/scb/b5_finance_rate_fc_deposit.html
富邦	0.600%	0	N/A	0.600%	0.750%	0.750%	10000	http://www.fubonbank.com.hk/web/html/sh_rates_c.html
渣打		200					10000
工銀	0.350%		0.400%	0.550%	0.600%	0.600%		http://www.icbcasia.com/big5/market/rate/deposit.shtml
交銀	0.300%		0.350%	0.550%	0.550%	0.600%	10000	http://www.bankcomm.com.hk/tw/financialinfo/info0702.html
永隆	0.500%		0.520%	0.550%	0.570%	0.580%		http://www.winglungbank.com/wlb_corporate/hk/page/go_do_method=interpreter&mappingName=8ae467ae1bd37d45011bd52f7e2e02c0.htm
恒生	0.250%	5000	0.300%	0.525%	0.575%	0.600%		http://bank.hangseng.com/1/2/chi/rates/interest-rates/interest-rates-cny
匯豐	0.450%	5000	0.450%	0.450%	0.500%	0.550%	10000	http://www.hsbc.com.hk/1/2/!ut/p/kcxml/04_Sj9SPykssy0xPLMnMz0vM0Y_QjzKLN4q3MPYHSZnFG8Ybm-pHoggZxDsiRIL0vfV9PfJzU_UD9AtyQyPKHR0VATxc9n0!/delta/base64xml/L0lDU0lKQ1RPN29na21DU1Evb0tvUUFBSVFnakZJQUFRaENFSVFqR0VKemdBIS80SkZpQ28wZWgxaWNvblFWR2hkLXNJZDJFQSEhLzdfMV80UDIvMS9zYS4!#7_1_4P2

2 人民幣儲蓄利率 25/4/2011

由於下個月開始決定儲人仔，今日就做下功課睇下邊間最高息～～

0 隨口UP @ 24/04/2011

意想不到的假期都有咁多次瀏覽，唔寫番幾句好似唔係太好意思。。。
呢幾日都好好地休息，真係好耐無試過可以唔洗番工又唔洗睇市之下休息一下
亦都用放假的時間，好好咁出去食下好野，整理一下自已去旅行的相
有興趣的朋友可以到http://hk.myblog.yahoo.com/dreamstar-life　看一看。。。ＨＡＨＡ～～

好啦，廣告賣完，其實呢幾日都有思考關於投資上的事情；特別係想起好想去旅遊，出去周街食野的時候，發覺真的越來越貴，閒閒地食一餐都三四百蚊，旅遊更加唔洗講，由於美金港元不停的扁值，外幣就越來越貴，呢個情況相信一段日子內都無辦法改變，既然如此，一定要想方法去自保。

如果出糧有得揀，我相信大家都一定揀用人仔出糧，不過事實上又無得揀，唯有決定由下個月開始，每個月出糧都將份糧備用的部份轉為人仔，除此之外，金銀銅鋁等資源亦都一直創新高，有閒錢的話，亦都會去買入這些資源

經研究之下，發覺中銀香港（＃２３８８）有

貴金屬買賣服務，只需開立“貴金屬存摺賬戶”，便可靈活投資於香港九九金、香港九九九九金、倫敦黃金、倫敦白銀及蘇黎世白金。其實一直好想跟某些戰友買白銀作投資保值之用，但我實在懶得出去買幾條銀放屋企，中銀有得上網買賣，其中白銀差價約１５蚊，就當係手續費吧～～

所以我決定由下月開始，每個月有閒錢就買１０ＯＺ白銀，另外將五千蚊轉為人仔。
明知港紙唔再值錢，不要自怨自艾，我們的無能政府是沒辦法幫到我們對抗通賬的，想要繼續有令自已滿意的生活，不被推去低下層，就要自保！

很多人跟我說自已沒時間又不懂買股票，那麼轉人仔總會識吧？明知一定會升值，又有較高的利率，何樂而不為？

引用某戰友的某句留言：「靠自已 講句說話都理直氣壯 行出來都散發出自信」

共勉之～

（ＰＳ：我不是為中銀賣廣告，如果有其他銀行都有得買賣貴金屬，請告之）

2 提早收爐 - 21/4/2011

今日以207 點平了兩張240C，所有攻兵全部回營，准許其提早放假。
全線SP 亦不會有變動，一切待假後才作打算。

祝大家復活節快樂，有蟹貨的盡早復活！

復活節假期睇下搵唔搵到好野食，有興趣交流飲食心得，就去睇下我既飲食網站ＬＡ～～
http://hk.myblog.yahoo.com/dreamstar-life

4 大反彈 20/4/2011

早兩日美國被調低評級，真的意想不到，一個機構竟敢調低自已國家的評級，難道不怕ＦＢＩ上門拉哂你班友仔嗎？
當晚美股卻由低位回升，美債亦回穩，隔天ＨＳＩ卻再次大跌，戰友們繼繼加ＳＰ倉，由於我的ＳＰ倉位已達至自已的上限，所以改用236C 作攻擊

今早高開反彈，報紙新聞已說調低沒根據，於是今早將236C 以242 點平倉，換入3 張240C @ 73，以０成本搏重回240 以上，尾市時沽了一張，兩張過夜，為免長假蝕時間值，明早如高開就會沽出。

近年來長假期前多數大升，是否因為成交少所以挾上比平常容易？由於ＳＰ倉位已滿，本月餘下時間亦都應該唔會再開新倉，如再升至２４５附近，會再次用ＬＰ或期指淡倉再對沖倉位之用，等時間值消化或於0.01 平倉位過後，會再次開倉。

倉位再次創出新高。。。有點高興，但勝不嬌敗不餒，要繼續努力！

5 理財學堂 - IPO 篇

我都聽過人講，ＩＰＯ係唔應該作為投資對象，因為沒有往績可尋，而且大部份最後亦都會跌破招股價。

當然我都認同ＩＰＯ唔應該長渣，但作為投機的對象，只要好好的選擇，第一天第一刻就離場，跟紅頂白不用分析太多，有錢贏的，又何況參與？

An initial public offering (IPO), referred to simply as an "offering" or "flotation", is when a company (called the issuer) issues common stock or shares to the public for the first time.

首次公開募股（Initial Public Offerings，簡稱IPO），是指企業透過證券交易所首次公開向投資者增發股票，以期募集用於企業發展資金的過程。當大量投資者認購新股時，需要以抽籤形式分配股票，又稱為抽新股，認購的投資者期望可以用高於認購價的價格售出。

對應於一級市場，大部分公開發行股票由投資銀行集團承銷而進入市場，銀行按照一定的折扣價從發行方購買到自己的賬戶，然後以約定的價格出售，公開發行的準備費用較高，私募可以在某種程度上部分規避此類費用。

這個現象在1990年代末的美國發起，當時美國正經歷科技網路類股泡沫化。創辦人會以獨立資本成立公司，並希望在牛市期間透過IPO來集資。由於投資者認為這些公司有機會成為「微軟第二」，股價在它們上市的初期通常都會上揚，不少創辦人都在一夜間成了百萬富翁。而受惠於認股權，僱員也賺取了可觀的收入。在美國，大部分透過IPO集資的股票都會在納斯達克市場內交易。

很多亞洲國家的公司都會透過類似的方法來籌措資金，以發展公司業務。

上述由維基百科所解釋什麼是IPO，相信已經很清楚；而我想要講的，就係如何運用IPO 去賺錢的方法。

賺錢的第一個原則，就係不蝕錢。平均而言，IPO 最皆的獲利時間為首幾天，而我本人主要在頭一天就會出售，所以我只會著重其首天表現。

幸而現在資訊比以前發達，AAStocks 內已經有一個很清楚的表：

http://www.aastocks.com/tc/ipo/ListedIPO.aspx

由以上網址所見，升幅最多的都是超額超過４００倍以上的股份，於是我們先可以將能賺錢的IPO 定為「超額４００倍以上的」

以下有幾個方法介紹如何抽這些股份：

1. 一手黨：

很多朋友時常跟我說沒錢投資，不像我般有本，那麼最簡單，用幾千蚊就做一手黨吧！
以網址所見，２０１０年超額４００倍以上只有１５隻，一手中籤率由５％至６０％不等，大部份為２０％左右；即是說以機會率而言，抽足１５隻應該可以中３隻的，沒錯，只要你中３隻，你的本金就會番一番了！

根據2010年數據，如全部抽一手及全部中籤於ＡＯ放出，扣除手續費後（以$250 計算）共可贏約11435，當然，正常而言是沒有這樣的運氣，不過隨便的將中籤率x利潤，可以得出１５隻理論上可以共有約３千蚊利潤，以平均本金４千蚊計算，亦即是約７５％。

提示：由於一手黨搏運氣成份居多，要選擇手續費平，甚至唔抽中唔收錢的證券行，否則如果用銀行或貴的證券行，每隻抽唔抽中都收１００，１５隻已經千五，去掉你一半的本金了。

２. 要穩中一手：

第二個方法，就係要估中怎樣才穩中一手，這比較困難，要看最後的超額倍數，亦要視乎保薦人的心情而定；一般而言，５０，８０，１００手這３個也很有機會中．．

３. 孖展

很多人覺得孖展很危險，如果中足貨又跌的話就會輸突有餘，但既然只選擇超額４００倍以上的，根本就沒有機會中超過你按金的貨！

抽一手垃圾股輸錢的機會絕對比孖展大熱股份輸錢的機會！

孖展亦是我最常用的方法，我將當中的股份第一天的開市／收市價，假設以１００萬及２００萬孖展扣除大約手續費(分別以500 及800計算)後所得的利潤作了下表

市面上的股票行大多可以做到９０％孖展，甚至有部份可以做到９５％

以１００萬元計，９０％孖展所需本金為１０萬，９５％則只需５　萬

以五萬本金計算，假設全部１５隻參與，AO 就放，總利潤為３７８３７，一年來累積總回報就有７５％以上

結論

其實當本錢越大，做ＩＰＯ所得到的回報就會越少，當然我有方法可以增加回報，但不便在此公開；對於本少或者初學者來說，ＩＰＯ絕對係一個好好的場地去實習同提供增加本金的機會，只要花少少時間看一看超額倍數再決定是否入飛，到第一天無論贏輸亦沽出，會令你有比想像中更好的回報！

參考資料:

http://www.hkexnews.hk/listedco/listconews/sehk/20100128/LTN20100128620_C.HTM

http://www.hkexnews.hk/listedco/listconews/sehk/20100323/01280_759319/C102.PDF

http://www.hkexnews.hk/listedco/listconews/sehk/20100330/00923_763439/C102.PDF

http://www.hkexnews.hk/listedco/listconews/sehk/20100506/00503_799175/C102.PDF

http://www.hkexnews.hk/listedco/listconews/sehk/20100527/02188_812379/C102.PDF

http://www.hkexnews.hk/listedco/listconews/sehk/20100811/00640_865672/C102.pdf

http://www.hkexnews.hk/listedco/listconews/sehk/20100921/01633_897768/C102.PDF

http://www.hkexnews.hk/listedco/listconews/sehk/20100928/01698_900334/C102.PDF

http://www.hkexnews.hk/listedco/listconews/sehk/20101005/02468_907040/C102.PDF

http://www.hkexnews.hk/listedco/listconews/sehk/20101012/00580_911441/C102.pdf

http://www.hkexnews.hk/listedco/listconews/sehk/20101027/00460_920855/C102.PDF

http://www.hkexnews.hk/listedco/listconews/sehk/20101103/00238_927726/C102.PDF

http://www.hkexnews.hk/listedco/listconews/sehk/20101109/01600_933042/C102.PDF

http://www.hkexnews.hk/listedco/listconews/sehk/20101123/01086_942795/C102.PDF

http://www.hkexnews.hk/listedco/listconews/sehk/20101124/01110_943610/C102.PDF

2 19/04/2011

2.30 沽出IPO 1181 唐宮
上年而言IPO 亦都帶給我倉一定的利潤, 雖然每手只係一千幾百, 不過十次二十次上來就會有一兩萬, 再將一兩萬做倉做按金, 半年下來又會多一萬....積少成多, 不要因為少怕麻煩而不去做..
我有一個統計關於近年來超額400 倍以上IPO 的數據, 遲下有時間會寫一篇關於IPO 的文章

今早雖跌至23500 附近, 但所排隊的SP 倉全數開唔到

SA 雖然亦跌亦30 但恒指都沒辦法再進一步下跌

每每月中總會找些消息令升況跟前半月行相反方向, 降低主權評級等消息相信很容易被消化, 最多都係跌埋呢兩日, 復活節長假後相信好大機會回升

不過為免長假期被大幅加按金, 做倉的勿過份進取

0 IPO

0 18/04/2011

是日動作
CCB5.50O2 0.14 -30
CMB15.00O2 0.34 -20


1181 唐宮IPO 超額500 倍, A 組尾中簽1%, 暗盤升27% 每手帳面WIN 900
10 萬本錢做95% 孖展, 扣除手續費及利息利潤亦有近5 千
短短幾日達5% 回報
所以說市場上機會多的是, 只是看你有無心去搵

3 隨口UP @ 18/04/2011

今天心情有點煩悶...最近以來一直都係咁, 心情不太處於好開心的狀態...係咪人大左就自然會係咁?

從開始識睇關於股市開始, 就係比人灌輸股價會跟隨企業盈利而上落, 短期的波動就代表市場上的不理智, 股價始終都會反映到的, 而且股票係對未來的預視, 各人對未來的預視不同, 所以先有買賣所產生云云...

但好似今早, 低開後一下就插到237XX 水平再極速反彈到241XX, 近乎400 點的波幅, 全線股票一齊大起大落, 我相信這跟任何企業盈利, 任何預視都沒有關係, 完完全全係人為因素....

每逢有大升大跌, 電視報紙新聞總會有一大堆原因, 如果今日一路直插落去, 就係人行加存款準備金中央收緊銀根令大市向下, 如果大升就係中央出招後相信有助媛和通賬和加息壓力, 如果唔太郁就長期假前夕好淡爭持等等....所有升跌用同一個原因基本上都可以解釋得來, 反而越炒得耐股就覺得除非係長線投資, 才需要去研究企業盈利, PE PV PB 等等....如果是炒短線的, 最重要係了解大部份參與者的炒賣心態, 當然, 就算我有能力去問全世界有份炒股的人再作統計, 但自問, 呢一刻我諗的又唔代表我下一刻所諗的, 所以唔好話人地, 基本上我自已都未必知道下午我會選擇做什麼, 對嗎?

既然股市的中短期大部份都係由人為所至, 正如遊行, 民運等一樣, 一定要有一個主題, 先可以吸引到最多的人一致行動, 而喺股市上, 一定要有一個Trigger 加上一個Reason, 去令大部份人相信呢個係事實, 一致行動, 先可以有一個明確的方向..

最簡單對一間公司而言, Trigger 就係公佈業績, 消息等; 對大市而言, 每星期美國, 歐洲, 內地都有不同的數劇公怖, 其實所要留意的, 未必係數據的好與壞, 因為數據本身只係一堆數字, 並沒有好壞之分, 只係在乎大家點去解釋

美國失業率下降, 可以視為經濟好轉, 經濟好轉企業盈利自然升, 盈利升股價自然升個市又會升....
但事實上可以解釋為失業率下降就無需要再啟動QE345, 加息預期又升溫(其實經濟學上加息股市係應該跌, 但事實上因通賬先會加息, 通賬時間股市又應該升), 收緊銀根下就應該跌....

有人時常問我為什麼報紙話加準備金個市跌, 但事實又唔跌, 所以說, 如果炒中短期, 不要要問為什麼, 數據只係一個借口, 一個TRIGGER POINT 令大市轉一個方向或者沖破阻力位....記住每一次出數據之後市場的反應, 慢慢之下就會有一種直覺....就是人為操作上的直覺....只要把握到呢種感覺, 就會容易「睇岩市」, 相反, 一直失守買親都要坐的話, 不妨休息一下, 去一個短旅行, 調整一下自已的直覺再次回來, 成績就會更加好的了。

4 最低工資

發現我打幾篇隨口UP 好多朋友讚好，我又諗諗下，既然係咁就盡量寫Ｄ自已諗到想到的東西，未必要人鐘意睇，自已鐘意舒發下就可以了。

最近各方都喺度談論最低工資，由我樓下看更到我公司的外判工，的確地現在有部份人工資低得不合理，他們選擇不拿綜媛而給上合理的工資係應份的事，但係最低工資過後，會令到全部本應由１５蚊到２８蚊的工種，全部都變為２８蚊，會引發以下的事情：

1. 有得揀既人：既然全部工種的人工變得一樣，以前可能因為某Ｄ工種辛苦（如旺角的茶餐廳就比麥記辛苦），因為以前做茶仔２６蚊個鐘而麥記只得１５蚊，於是佢會選擇咗做茶仔，但當如果人工及其他條件相同時，茶仔同麥記，有得揀我一定揀做麥記！

2. 無得揀既人：有某Ｄ人，可能因為不同問題（講野有語病，面容不討好，身型超肥胖，幾千度近視），他們全部都不是弱智，但議價能力比一般人為低，但有些工種因為人工低，而他們亦不介意人工低而去做；但當市價２８人人平等的時候，有得揀的人就會去搶這類工作，而僱主亦都會願意去請工作能力比較高（甚至係樣比較討好）的人去做，無得揀既人就會失業，或流向一些更加不討好的工作。

3. 暑期工：這個問題係我現在遇到的問題！以往每年都會有１０個８個暑期工，每個４千蚊一個月，今年因為最低工資沒有了，因為如果要給最低工資，唔計假錢飯鐘錢，都要近６千蚊一個月，與其請一Ｄ無經驗又要慢慢教的小朋友，還要給他們得閒請假去旅行番學校聽ＴＡＬＫ等高考會考放榜，不如就搵外判PartTime？我相信今次的最低工資，令今後的暑期工再沒立足之地！

其他很多的問題，我在報紙新聞已經睇到聽到唔少，不再重覆。但我相信真正實施後所產生的問題，一定比我們所能夠想到的更加多。

不過，我既唔會係有機會拿最低工資的一群，亦都唔會係出糧比人的一群，就當係睇戲，睇下下一步有什麼發生？

2 借貸篇 - 2. 循環貸款

上一篇<<借貸篇 - 1. 分期貸款>> 出乎意料地大獲好評，多位朋友請求我盡快寫第二章，不過我想呀想，循環貸款可以寫的，比分期少得多，但希望大家喜歡！

循環貸款
除左分期貸款外，第二種貸款是循環貸款，銀行所講的循環ＸＸ錢，支票透支，甚至係我地最常用的信用卡亦都係循環貸款的一種。因為基本上有固定的年利率和手續費，很少可以在數字上出術。

從名而看得出，循環貸款的意義在於循環，即是有一個固定的信貸額，當每次提款後信貸額就下降，即時開始計算利息（除了信用卡簽賬可享某日子的免息還款期，如信用卡提取現金，也是即時開始計算利息的），到月結時，要還最低還款額就可以了。

循環貸款一般只會有年利率及年費兩種收費（當然如果你連最低還款額也不還會再有罰款），申請前只要比較這兩種東西就可以，比分期貸款容易得多。

值得最注意的是，循環貸款只適合一些有自律性及短期有需要的朋友申請，一般而言，年利率會比分期貸款為高！分期貸款會強迫你定時每月還款，只要你每個月出糧還錢，五年內（暫時我見過的分期貸款最長年期為５年）你也必定可以還完，但如果你是洗錢無自律，申請循環貸款（特別是信用卡），每月只還最低還款額，這條數會令你永遠也還不清。

循環貸款的建議用處
上面已經講過，循環貸款比起分期普遍利率較高，咁究竟喺咩時間會選擇循環而非分期？　（以下只作有關投資之建議，如果你想借來洗用，可不必再看下去）

1. 短期補按金之用
假設你有短倉在手，而市況不合你心水但你決定守下去，最可行的辦法係死守或轉倉，但如果按金不足，可能會被斬倉或平倉之後無能力轉倉的，於是你就要資金，否則就被迫止蝕離場。
由於市況不就應該只係短期需要而不是長期所需（如果長期地不就應該止蝕離場就算了罷），用循環貸款一兩星期甚至一兩個月，以１０厘息計１０萬元，一個月大約只是八百幾蚊利息，可以讓你即是周轉一段時間，救回你的倉位。

2. 作備用接貨之用
假設做SHORT PUT 準備接貨，由於你選擇的股份已經到你極之願意的接貨價，咁可以動用循環貸款接了，待市況回升時放出或用ＳＣ收回利息，情況一如股票戶口孖展一樣。

3. 抽ＩＰＯ
當有些極吸引的IPO 在市面，可以動用循環貸款來抽，ＩＰＯ只Hold 大約７日的時間，借貸的成本非常便宜。

4. 明明之前仲諗到有幾樣，但執Keyboard 忘Idea，歡迎大家討論或者我諗番就再打上去。

2 隨口UP @ 16/04/2011

突然發現，我好鐘意隨口UP，因為唔洗限定TOPIC 唔洗諗定大綱，個腦轉到邊到隻手就打到邊度...(你做唔到？SORRY，因為我一分鐘打字一百隻，你無呢個速度當然做唔到手腦同步)

重新寫呢個BLOG 個幾月，多左朋友問我關於投資的事，這是我覺得值得開心的，通賬高企，人工唔加飯錢車錢日日加，唔投資唔投機又點可以保持番原來既生活水平？今日ＬＵＮＣＨ我去食個四餸車仔面佢膽敢收我３６大元，仲要每樣餸得嗰兩舊，食完都唔覺飽，四點仲要去個下午茶！

言歸正轉（都唔知歸乜正轉，明明係隨口ＵＰ），多謝各位朋友網友睇同留言，無論喺呢度留言，ＦＢ，ＭＳＮ　定ＥＭＡＩＬ還是ＳＭＳ，親身打電話俾我，我都會盡量回覆，而且令我更加有心機寫多兩篇，贊我寫得好固然係開心，肯用心機睇完彈我兩句我亦會虛心受教（雖然我中學時辯論比賽沒輸過）；其實我個人好贊成將自已每日諗每日做的都記錄起黎，就算我以前無寫ＢＬＯＧ時，在投資方面，每一個Transcation,　我都會用Excel 記錄低，雖然唔係時常睇，但慢慢下來，你會發現你的投資情況又總有個模式；用我自已做例子，我發現由我０６年起，每個月自已倉的高位總係出現喺每月１０號左右，相差不過３日，自此以後我就想像怎樣去突破，就決定每月１０號跟自已倉位打對台，當時淡倉多就買兩張Call，好倉多就買兩張Put, 結果順利起將高位由１０號延長至１６號。

我亦都有勸朋友記錄下，寫下ＢＬＯＧ等等，不過好多人都話我知無時間；老實講我番工番ＳＨＩＦＴ，星期六日都無乜得抖，我都有時間做到的，我相信大部份人比我更加有時間，一路睇<女拳>一路Mark 都得架啫？係咪？最重要係呢句「唔好諗點解做唔到，要諗下點樣做到！」

由於工作關係，我呢兩年睇多咗好多書，由投資書到愛情科幻小說到四格漫畫牛仔老夫子再到養生保健煮食我都睇好多，起碼一星期睇２－３本；當然當中有好似我呢Ｄ無料扮四條的，但大多數都係可以令自已增進無限知識。

如果覺得自已係唔夠料的，不妨睇多Ｄ書，亦可以睇多Ｄ網上資源，就算今日用唔著，唔代表你往後唔需要！！

其實每一次我寫一篇文章，我自已都得益不少，因為我會為求準確，都會上網再翻查一下資料，亦令自已更清昕一點。

正所謂「授人以魚,不如授之以漁」，與其大家問我買乜好做乜好睇上定睇落，不如我花多少少心思將我腦內少少的知識公開喺呢度，希望大家終有一日，都可以跟我一起成長，向另一個階層進發！

９ＵＰ完畢，多謝收看！

15 借貸篇 - 1. 分期貸款

呢一篇我都答應左身邊朋友要寫好耐，難得今日訓左成日冕覺，夜晚又未訓得著，就此打一篇講解一下我對借錢的看法。

私人貸款最主要分兩項，一是分期，二是循環，我初初以為呢Ｄ係好簡單易明的道理，不過原來深究下來都有好多人唔知道，咁唯有就由最簡單講起。

分期貸款
最普遍銀行所最多ＳＥＬＬ的係分期貸款，即是有一個限定年期之內每月還款，最簡單即是你問你阿媽借萬二蚊，唔洗計息，每個月還１千蚊比佢，還足１年就還清，此為分期貸款也。

其他分期貸款的類型還包括樓按，車按，百老Ｘ月供相機，總之固定年期之內每期還清指定的金額，亦為之分期貸款。

利率：正路而言無人會咁好免息借錢比你，於是就會訂立一個利率以計利息之用，分期既然都係大多數每月還錢計，所以會以每月平息作為大多數銀行或個人的參考指標，如上例，你問你媽借萬二蚊，分一年還共１２期，唔計息每個月１千銀，你媽會同你講，不如每個月比多５草利息，呢個例子計，每月平息就係５０／１２０００，即係０.４１７％

銀行亦都大多數以呢個月平息黎做大幅Selling Point，甚至會改為每日，例如借１萬每日利息只係２蚊，即係每月６０蚊，月平息即是０.６％。

大部份人錯誤的想法，就是借你一皮野，每個月６０蚊都好抵，一年下來總共利息係６０Ｘ１２即係７２０　蚊，呢種就係大部份人對數學上的不感敏而對數字上的錯覺！同我寫的(第一章 - 拆解基金)基金篇一樣，以每月平的收費誤導別人。

用阿媽借仔萬二蚊做例子，普遍唔識計算的人，會覺得今次借貸的年利率，係５０Ｘ１２／１２０００，即５％；實情係，第一個月你的確係借佢１２０００，但第二個月你已經還左１千，即係只借佢１１０００，到最後一個月，你只欠佢１０００大元，但佢仍然收你５０蚊利息！所以，呢個例子她的實際年利率係９.１％　（唔好問我點計，用計數機係計唔到的，ＥＸＣＥＬ會有ＦＯＲＭＵＡＬ計出黎，我並不想在此教電腦，只係教大家避免數學上的錯覺）

由此可見，阿媽每個月收你５草息，實際年利率都高達９.１厘，何況坊間那些免審批免入息證明的借貸公司，收近每月１厘甚至２厘的利息？

借錢之前，亦都要睇清楚，並唔係睇大大隻字的每日兩蚊咁簡單，而係要諗佢深入的計算方法，幸好政府一早已經要求所有銀行宣傳借貸時要列明實際年利率，只要大家望一望傳單中最底最細行的字，就可以比較到實際年利率的了。

當然，還有好多因素會影響到實際年利率，例如要收手續費，而手續費亦可以分為每月還，定係提取時已經扣減。

再用阿媽做例子，佢借你１２０００，依家佢講唔收你息，只收手續費，手續費每個月４８蚊，望落去比你每個月５０蚊息平，不過要一開始就扣哂你一年手續費先，即係１２０００入面先扣５７６，但你仍然還１０００一個月。

呢筆借貸，其實應該係考慮為你借佢１１４２４，每個月利息４８蚊，月平息其實即係０.４２％，其實係比之前佢的ＯＦＦＥＲ更高息，明白嗎？

最後，銀行還有更多更多的招數，如回贈，可以延遲一個月還款等等等等，借錢咁大件事，好應該開個ＥＸＣＥＬ計算一下所有的收費，不過我相信大部份人都懶得去咁做，既然如果係懶既，又想借錢，就只睇最底嗰一個「實際年利率」；如果有ＳＡＬＥＳ打黎ＳＡＬＥ你，話有個低息貸款介紹你，唔好理佢講Ｄ乜，每日兩蚊好平息呀等等，第一句就問佢，你「實際年利率」係幾多。

而於幾多先係平，就見人見智，在我而言，內銀，中電等股票，一年股息率為４－５％左右，如果有ＯＦＦＥＲ係平過４％的，我大多都會借；現時的低息環境下，高過８％的我就一定唔會借。

不過呢度稱之為（理財學堂），無論如何，我唔贊成借錢消費，如果你係借錢，分期買電話電腦電視相機手袋，我都係勸你先自已儲好錢再作消費，否則就算唔洗息，亦都大幅增加左你既負債，都對你的理財完全沒有幫助。

打打下原來打左成個鐘，如果這篇有人欣賞，循環貸款留待下次借貸篇2. 再談吧~~

1 浪到暈 - 15/4/2011

15:30 UPDATE
今天相信會於亦會於24000 附近收市, 今天不會再作其他動作, 暫時休息, 下週再戰, 下圖為現時倉位給大家參巧一下

15:00 UPDATE
今天走勢混亂, 出CPI 後大升, 卻又極速跌回, 下午回來國指又回穩, 真的不懂想怎樣走, 還是不變應萬變, 只做DT
見SA 倒升, 期指亦一穿23900 後極速反彈, 把心一橫順勢手快追MHI, 亦於24050 放出...今天DT 總算有少少收鑊

傳聞IPO 唐宮B 組派0.7%, 16M 集資計超500 倍800M, 回撥至50%, 即係共有80M 貨, AB 組各半, 咁B 組派0.7%, 預計A 組中至尾會派1-1.7% 左右

IA 孖展100K 股計, 2% 就會中一手, 即係今次坐一望二~~希望有3 成升幅吧!


13:21 UPDATE
今早到現在才得閒......飯都未食
今早急升後, 見SA 倒跌, 以210 點入了一張240P 作對沖用, 怎知亂SET 的340 點亦被食了...

2 休息半天 - 14/04/2011

14:30 UPDATE

成日睇市咁辛苦, 得閒都要休息下, 今日下午休息半天, LUNCH 約朋友飲下紅酒食下魚生啦...

壽司拼盤+三文魚剌身

WOLF BLASS PRESIDENTS SELECTION SHIRAZ 2008



10:20 update
2823 都倒跌, 不宜買上, 計劃取消~

9:15 UPDATE
MHI AO盤及頭一兩分鐘經常不合理, 多次有獲利機會, 起碼這兩三天也有
詳請不教了, 因是我的搵食機會, 大家自已留意下~

其實好多都係不外乎計數, 以前牛熊證回收價同行使價相差800-1000 點, 當AO 顯示有機會打靶時, 價錢會跌落至非常不合理的地步, 就算打靶後再跌500 點, 那剩餘價值也比那AO 價高得多, 利潤隨時有一兩倍, 可惜港交所改規則後就不能再玩了....

9:00 UPDATE
昨日SA 以近最高位收市, 4:00 時美期亦+43, 雖然我們不能收DH, 但亦企穩241 以上
美股開市前美期曾升80 多, 不過今早最後收市卻倒跌了, ADR 跌約100 點

但金油銀亦都回穩, 如果今朝低開而外圍回穩, 可以考慮DT 買上

8 周顯：投資天書 6.買基金者是豬兜

呢個BLOG 第一篇文 (第一章 - 拆解基金) 被人評為一知半解, 咁唯有搵專業人士寫的書節錄部份吧

書目記錄號碼	2961768
著者:	周顯
書名:	周顯發達指南 / 周顯[作].
出版者:	香港 : 香港財經出版社有限公司, 2009.
稽查項	304 頁 : 20 公分.
主題:	投資 股票
其他書名:	Micro Chow rich man guide
標準號碼	9789881774989

6. 買基金者是豬兜



按照敘述的順序，基金應放在股票的後面，但鑑於今日基金的推銷員多是保險經紀，或者是疑似保險經紀的投資顧問，如此這般之下，我決定把它放在保險的後面，提早出場。



近年來，基金市場發展得很快，身邊的人買了基金的不在少數，更常常踫上基金經紀，政府亦強迫市民購買強積金，真是一塌糊塗。故此，我寫下以下分析，教導一下那些金融盲，以正世道，也不失為一件有益和有建設性的事情。



6.1 基金的先天性缺點



基金是我很反感的投資工具。固然，世上有著許多不同性質的基金，但其結構有著先天性的陷阱，只要稍為懂點推理，一推就能推出來。我不明白這樣顯然易見的道理，就像鼻子長在嘴巴之上一般的明顯，為何世上竟然沒有人想出來。



6.1.1 基金經理的投資能力



銷售基金的經紀常常說，基金由投資經理所管理，以他們的專業知識，可以為客戶賺取安全而豐厚的回報。我一直奇怪，這明明是豬兜式的謊言，即是只有豬兜才能說出來，也只有豬兜才相信。但這些年來，我聽過番豬話不知幾次，可知世上豬兜何其多也！



創業極難。要把公司一手創立，培養壯大，意志和能力缺一不可，EQ和IQ都比一般人高出一截，我這樣說，相信沒有人會反對。相比起打工仔的基金經理，白手
興家的上市公司老闆的能力應該更勝，就算勝不了太多，也絕對不會輸於沒有經歷過磨練的基金經理罷。再者，老闆既能白手興家，對其本業應當十分熟悉，藉此賺
錢有如魚之游泳，又如迊丁解牛，易過斬瓜切菜也。



但實際上，當公司上市後，它由經營良好變成票房毒藥，由盈利每年快速增長變成「本人欣然宣佈本年轉盈為虧」，主席由忠厚老實的實業家變成股民談之色變的大老千，這一點，相信也是無人反對的。



既然基金經理並不比上市公司老闆更高明，那又怎可能相信其業績可以輸少贏多，戰勝股市呢？單憑因為基金經理是專業人士，其投資就有勝算，有這種想法的人，或者企圖用這種想法去說服別人的人，說他們是豬兜，誰曰不宜呢？

0 周顯：投資天書 6.買基金者是豬兜

某日見到周顯的書, 一睇目錄之下見到呢章, 之後就睇哂佢所有關於投資的書了 (PS: 佢仲有寫小說的) 周顯幾本書真係強烈推介~~抵死搞笑之餘亦學到D 野~~建議一看~~



6. 買基金者是豬兜

按照敘述的順序，基金應放在股票的後面，但鑑於今日基金的推銷員多是保險經紀，或者是疑似保險經紀的投資顧問，如此這般之下，我決定把它放在保險的後面，提早出場。

5 隨口UP @ 13/4/2011

近日勤力打BLOG 之下, 多左好多朋友問我關於股票的問題, 亦都啟發到我腦內有好多野想講下....其實我是有心想解答的...始終每次教人, 都係溫故知新, 我自已都會有所得著...


不過有D 最基本的問題, 由我口講出或者打出來, 未必會有那些「教科書」那麼好, 我都係建議先去書局或圖書館, 參考一下那些書, 打好根基, 再慢慢研究更深入的問題



至於亦有人說是小本, 手頭上只得一萬數千, 想快速變大但又要低風險高回報, 如果有的, 我自已一早就買左啦!
雖然我亦從好多不同地方不同人聽到好多NUMBER, 但我係絕對唔會提供而自已亦唔會買, 因為我已經戒掉了「NUMBER 降」
(可參考黃子華某集棟篤笑), 老實說, 04-06 年我剛剛炒股時, 亦都曾經因為細股而贏過錢,
當然最後係本利都歸佢....由停牌時大喊自已儲唔夠貨, 到復版後高開少少AO 搶到以為自已執到寶, 到3 日內跌7 成....273, 261,
850, 985, 8239, 91 等等等等NUMBER 全部我都掂過....

如果大家有睇我之前推介周顯本書, 應該知道那些細價莊家股並唔係我地一般人可以玩的

亦有人說想學投資, 但又不知道從何入手, 我想說的, 最基本就由買股票開始...股票市場係咁多市場最容易贏錢的, 一來, 股票並唔似期貨等是零和遊戲, 當股價上升時, 所有人都贏錢, 而期指, 期貨等是當你贏錢, 一定有對手輸錢....金匯商品等等期貨高手雲集, 既然有人贏一定有人輸, 如果你連最基本的股票亦炒不好, 你去入場輸的機會當然比別人為大

如果問我, 我係靠什麼去做倉, 去炒股, 我跟你說, 係靠感覺, 靠直覺...你會信嗎? 事實上, 現時的我真的大部份時間是靠直覺....
相信自已的直覺係好重要, 因為大部份的直覺, 係經驗所累積回來, 我初初開始學期權的時候, 每一個星期, 每一隻每一個價位我都有MARK EXCEL, 按金, 權金, 做好一切統計應該要做的事, 例如如果該股票突然下跌5%, 應該要補幾多按金....等等...
當日以繼夜去做同樣的事情既時候, 自然就會變成反射動作...就如同我們打字一樣...

老實說我打字一分鐘超過一百字, 成日有人叫我教佢打字, 我真係唔識教, 如果你問我一個字倉頡點打, 我要諗超過3 秒先可以答到你, 但如果你比個KEYBOARD 我, 3 秒鐘我隨時已經可以打到10 個字...咁我講的, 就係打字亦都係我的直覺, 當我見到或者諗到一個字的時候, 我已經O係KEYBOARD 度打左出黎...點解? 呢刻既我唔識答你, 但係我知道我自已十幾年前曾經用一個暑假下過非常多的努力, 先有今日...

如果你話你無時間, 我可以話你知, 我都有正職, 亦都有女友, 平時電視劇我都有睇, 遊戲機我亦有打, 初初每星期抽一日去做功課, 慢慢就可以越來越減少....萬事起頭難, 大家努力吧...

最後一樣, 就係要比別人更加想先一步, IPHONE 由一開始我已經有炒, 前星期又再次開賣, 我當然第一時間又走去訂, 亦都叫埋朋友同事去訂, 我朋友竟然O係第二日就有DHL 上門收, 我已經心知不妙, 立時CUT 單, 亦都同樣叫朋友同事CUT 單......結果...當然大家知道現時IPHONE 已經炒燶了....

當一些事情不合理, 不依自已想法的時候, 記得第一時間保命為上, 錯就要認, 再檢討一下為什麼....呢種檢討結果, 就會成為你的經驗, 將來成為你直覺的一部份!

9UP 完畢, 多謝收看~

2 回穩 - 13/4/2011

18:47 UPDATE
IPO #01181 @HKD1.65 (600K) (999,979.20)
另一個戶口孖左成球錢....唔知係咪如傳聞中升3 成呢?
致富又唔記得做一手黨...

隻人仔IPO 長渣好短炒應該無乜水位, 唔去馬了

17:30 UPDATE
果然當尋日美股大跌, 今早SA 跌超過20 點, 但恒指亦懶得再大跌....唔好以為係比時間走貨, 最近港股波幅比外圍市場大, 如果要真係跌, 根本一開就裂口向下, 唔會比機會逃生...
今早加了ICB4.8O2 @ 0.11 30 張(錯手盤...唉...本來應該係0.13)
另外還有CLI29.00R1 @ 1.08 1 張

今早近23900 時, 242C 170 點可以入...想多兩想之下就錯過了....
戰友們提及的358C, 今早入亦會有一倍多的回報, 有時的確用期權比期貨好, 要視乎每次情況而定

(倉位再度破頂, 整個圖開心下先...似乎暫時無阻力? HAHA)

9:30 UPDATE
開市暫時回穩, 其實尋晚都有一大篇野想打, 不過又懶得去打未得閒....今晚睇下再有無時間....

第一個裂口補左, 睇埋SA 對HK + 2823 點郁先決定究竟之後再向上定向下...亂落注隨時有機會被夾500 點的風險....就算心中想買一邊都應該用LONG 而非用期指的時候..
尋晚美股最大跌時, ADR 表示2628 反而回穩, 可以考慮一下...

4 淡倉全平 - 12/4/2011

11:30 UPDATE
淡倉全平
MHI 最後一張23938 平
250SC 35 點平
ICB5.00O2 0.17 -30


9:40 UPDATE
尋晚亂排的淡倉, 今朝比人食左一半了..
細期24088 平左一張
MHI24000P1 300 平左一張
67727 0.365 又比人食埋..


既然人地有人食左我, 就由佢吧...
今日似D 人先開始追淡倉, 既然我一早已經有在手, 就看一看會唔會落番238 補一補烈口先再上..
只淨下細期-1

4 續持淡倉 - 11/4

20:43 UPDATE
今天太忙, 沒時間看市...
一如所料5 仔先倒下, 2823 亦果然係SA 之明燈, 下午倒跌, 各位DT 友之前都聽講過睇SA 同HSF 相對強弱勢炒的話, 執番一百點應該無問題...

可惜是未能收於DAY LOW, 對明天再跌信心不足
但既然今日都做唔到任何動作, 就看看今晚美市怎樣, 明天再戰吧..

10:18 UPDATE
始終都係覺得指數強股票不強.....
特別是之前想的5 仔首先倒下, 2823 亦未跟SA 升...
有著強大被挾的危機....雖然大部份人都看升...不過今次信自已一次啦...

另繼續加SP, MTR25.00O2 0.71 -6

4 親密戰友

不知道大家有沒有一些在炒股戰場上的親密戰友?

我好幸運地, 在07 年頭在某討論區認識了一班志同道合炒股的朋友, 相信當時大約20 人左右吧.......亦有一位曾經教過我很多東西的CFU....

當然經過了4 年, 很多已經各散東西, 只淨下幾個大家一齊經歷過大上大落, 經歷直通車再經歷股災一起再次站起來的戰友....大家不只會互相討論市況, 互通即時新聞, 一齊計算, 一齊找些著數等等....而且亦有朋友有我股票戶口等的密碼....

由於大家一起作戰多年, 心意和戰法基本上都類似相同, 就算我要出門旅遊或工幹等時, 都可以安心交給他們代為打理

雖然好多時, 炒作是個人決定, 但有時一個人作戰, 真得很寂寞....所以我祝願大家都搵到一些合拍的戰友, 在以後無論有大升市的機會又好, 再來一次股災亦好, 都有人可以跟你共進退, 分享開心, 分享股市帶給大家的成果...

2 一週總結 + 倉位 (08/04/2011)

本週只有四個交易日, 升了近600 點, 週中加了久等了的O2 內銀龜作倉底, 平了匯控及中人壽的近月倉

由日本地震低位至今已累升超過2 千點, 雖然港匯轉強,  但最近兩天除了匯控, 中海油, 港交所維持勢外, 其他股份特別是中資股已跟不上升幅, 這兩天已開始累積淡倉

特別是內險股, 由清明公布加息後只升了一天就好像無以為繼, 所以今天用了#2628 的熊證, 另外亦有細期及一張LP 作全倉對沖及攻擊之用, 希望下週初由匯控轉弱開始帶跌, 初步目標23800 附近

字不打了, 就直接POST 倉位吧...

3 淡倉開動 - 8/4/2011

4:00 UPDATE
國指都倒跌, 5 仔頂個市頂左幾日 (其實我真係好憎5 仔呢隻股...次次掂佢都輸獲甘) O係我咁大個SP 倉底之下, 現階段開動淡倉唔算係進取之舉, 之所以我開咁大個SP 倉, 係會隨時用LP 甚至期指作對沖, 否則一大跌時成個倉就會好樣衰了~

14:45 UPDATE
今日再次升至近24500 水平, 既然尋日已小注開淡倉, 今天理應再進取一點....

67727 0.280 X 20000
2628 之前上番30 水平, 但在HSI + SA 大升之下, 今天竟然倒跌, 先以佢為進攻重心, 但由於LP 個莊點都唔比貨我, 今次就用 32.5 打靶價的熊證

MHI24000P1 170 +1
另外再用1 張240 LP 作攻擊, 打和點為23830, 希望下週月回落至23800 左右

IPO #1181 Margin 100K shares
另外IPO 1181 細細隻亦有D 孖展飛, 港匯轉強資金流入, 試一試今年新股有沒有炒作機會

11 小試淡倉 - 7/4/2011

最近兩日心態一直看淡, 始終由日本地震低位222 附近, 半個月間已升近2000 點, 前天過千億大成交上升, 港匯最近亦轉強, 的確有再次向上的道理, 但這兩天看來, 恒數企穩但大部份股票下跌, 特別是地產股及內銀, 只用#5 和883 頂實; 近年每一次用5 仔頂大市都係見短線頂之時, 上月尾寫今月初步策略時, 以234C/P 共收920 點計, 預期本月22500 - 24300 之間走動, 既然今日亦試過243 左右而無力突破, 就小注試淡倉, 可惜用細期時被攻擊最後亦沒有信心過夜, 只持有250SC...

寫本篇時, 日本又發生地震, 再加上歐洲加息等消息, 月中相信會由壞消息主導, 首站目標先回去23800左右...明天再續..



10:15
沽出MHI250SC @ 99

7 救倉篇1

有朋友問到, 三月中時SP 倉位大跌, 我開SC ,但之後月尾回升, SP 果Ｄ賺番,但對沖果ＤSC 都要輸嫁~究竟係點解呢?

以下係兩個實際例子, 
2 月尾或3 月初時, 我沽出了一張MHI 228SP 收1XX 權金, 到日本地震發生後, 恒指跌至近224 水平, 那張228SP 被價內了400 點, 報約6XX (即價內值400 + 時間值/IV 2XX)
那天引申波幅極大, 我決定將之拆倉, 拆為1 張224SP (收4XX) + 1 張232SC (收1XX 點), 總共亦為約6XX 點, 和我228SP 的平倉價一樣
原因係因為, 我的228SP 已被攻擊至價內, 我要將400 點的「價內值」分拆為全「時間值」, 只要到月尾時, 指數維持於224 - 232 之間, 我就可以將所有歸為已用

(假設XX 為50) 如果指數再下跌至220, 假設持有至結算, 228SP 將要輸650 點 (800 點價內-收了的150 權金), 而1 套224SP + 232SC 則是(228SP 平倉輸500, 224SP 贏50, 232SC 贏150) 最後只是輸300 點, 比起持有228SP 輸少足足350 點!

如果指數收於224-228 之間, 盈虧情況將更明顯 (大家可以自已試試計)
如果收於228-232, 那麼便會一樣
如果232 以上, 就是持有228SP 比較著數

無人知當日下一步是怎樣, 我主要的動作是將價內值化為時間值, 再等待...

當然, 我當日的操作不止是這樣, 另外還加了一套224SP + 230SC
而大市回升至226-228 及IV 降低時, 亦同時將所有SC 及SP 平倉, 轉至222SP 持有至結算


第二個例子是持有3 月#5 82.5SP, 當日亦被攻擊至79 左右, 價內了3.5
我將82.5SP 先平倉再轉至5 月的80, 另外再加4 月85SC, 今天5 仔重回82.5 時亦全數平倉
同樣道理是將價內值轉回時間值再等待...
因為我們不知道股市是上還是落, 只知道是向右行, 時間永遠企在我的方向

缺點就是, 如果沒有足夠的按金, 平倉後是無法再開倉的, 此乃無限復活及拆倉的盲點也~~

至於點決定用咩SP, SC 位置, 呢點都係要自已決定對後市的看法, 當日的224SP+232SC, 亦可以用220SP + 226SC, 或者其他任何組合, 總之也是將價內值拆為時間值, 再等時間過去後, 將套倉一併平倉, 就可以追回損失, 只要有足夠按金, 就可以不斷做, 直至沒有損失為止

11 持盈保泰 - 6/4/2011

20:22 UPDATE

4:00 UPDATE
最後做埋ICB5.00O2 0.14 - 50

2:45 UPDATE
手痕做5 張ABC3.4O2 @ 0.12, 注意10000 股一張的

2:15 UPDATE
A509.50R1 6 張以0.01 平倉, 其他0.01 的倉亦排隊平倉

做沽方最大心魔係當市況向你有利的方向時, 因權金及按金大減, 會致倉內CASH 水平過高, 如果引不住O係高位做倉, 當市況突然向相反方向行時, 將會有機會導至按金不足而被迫止蝕....
現在要做的反而係持盈保泰, 等待下一次機會來臨..照睇同之前一樣, 頂住5 仔941 散其他貨, 相信最遲下星期會跌番的了

11:30 update
HKB80.00Q1 5 張以1.68 平倉
HKB85.00D1 5 張以0.47 平倉
CLI31.00P1 1 張以1.40 平倉
CLI30.00R1 1 張以1.38 平倉

HKB80.00Q1 係上個月轉倉回來, 亦同時以85D1 作對沖, 既然5 仔已由80 樓下再次上番82.5 樓上, 亦即到我5 仔對沖倉位的中間, 既然現時兩邊SP/SC 都有利潤, 就將佢平哂佢, 順手拿番D 按金等月中有機會時開倉

2628 等價及價內倉亦全平, 只留12 月及3 月龜倉, 同樣吐會按金.

內銀O2 龜倉已經開始啟動, 不過莊唔多肯出價, 大家密切留意!

個市既然今日唔肯跌, 可能仲要衝多一浸, 繼續等待

12 清明時節加左息 - 5/4/2011

SA 之前一星期已經人升佢跌, 以為有春光鴨預期加息, 不過星期六日無行動, 今次等到清明黎料....
不過相信加息都係大家預期之內, 股市未必有即時反應, 反而利好內險股, 而平衡加息亦有利於內銀....
到月中公布CPI / PMI 時, 可能會再次引發下次加息的預期, 再加上一月時的歐債問題過了三個月冷靜期後可能會舊事重提, 月中可能會有一段急插 (亦係我希望見到的), 如仍未出手的可以再忍多幾日




人行明日起加息0.25厘壓抑通脹
4月 5日 星期二 18:30 更新

人民銀行傍晚宣布，由明日起加息0.25厘，其中金融機構一年期存款基準利率將升至三厘二五，貸利率則相應上調至六厘三一，其他存貸款基準利率，及個人住房公積金貸款利率亦相應調整。
今次是人行今年第二度加息，分析認為，人行加息是要壓抑通脹升溫，內地通脹率在去年十一月上升至5.1%的二十八個月高位，近月通脹依然徘徊在高位，而人行由去年十月以來，已四度調高基準利率，幅度達一厘。

(商台)2011年4月5日 星期二 20:30

人民銀行    傍晚宣布，由明日起加息0.25厘，其中金融機構一年期存款基準利率將升至三厘二五，一年期貸款利率則上調至六厘三一，其他存貸款基準利率，及個人住房公積金貸款利率亦相應調整。今次是人行今年第二度加息，對上一次在二月春節過後，內地由去年十月以來，已四度調高基準利率，幅度達一厘；分析認為，人行加息是要壓抑通脹壓力，內地通脹率在去年十一月上升至5.1%的二十八個月高位，近月通脹依然徘徊在高位。

匯豐亞太區業務策略及經濟顧問梁兆基認為，人行加息屬市場預期之內，因為內地的存款準備金率，已升至歷史高位，雖然仍有上升空間，但內地需要以加息及準備金率並行，以減低流動性及通脹壓力；他又預測，內地今年上半年仍有機會加息。
專家指人行再加息是提早應對可能再度攀升的通脹壓力
(商台)2011年4月5日 星期二 19:26

人民銀行    傍晚宣布，由明日起加息0.25厘，其中金融機構一年期存款基準利率將升至三厘二五，一年期貸款利率則上調至六厘三一，其他存貸款基準利率，及個人住房公積金貸款利率亦相應調整。

今次是人行今年第二度加息，對上一次在二月春節過後，內地由去年十月以來，已四度調高基準利率，幅度達一厘；分析認為，人行加息是要壓抑通脹壓力，內地通脹率在去年十一月上升至5.1%的二十八個月高位，近月通脹依然徘徊在高位，社科院金融所中國經濟評價中心主任劉煜輝說，穩定物價是中央今年工作的重要任務，市場預期三月份，中國物價指數會再創新高，人行現時加息，是要提早應對可能再度攀升的通脹壓力。

10 期權教學 - 時間值

(圖一: 等價期權)

(圖二: 價外期權)

圖片轉自小颱風☆BLOG

由上圖可見, 做價外期權初時縮的時間值全集中在初期, 到後期已經縮無可縮, 反而等價期權, 就要到最後半個月甚至幾日先係縮得最快的日子...

由此可見, 做價外期權, 則要越早做越好 (所以我地做龜係無錯的)

而等價期權, 則等最後半個月才做, 所賺取的時間值為最多, 所以當頭半個月指數行一個方向後, 則可以做指數SP / SC 賺取最快縮的時間值

0 時間值

(圖一: 等價期權)

(圖二: 價外期權)

圖片轉自小颱風☆BLOG

由上圖可見, 做價外期權初時縮的時間值全集中在初期, 到後期已經縮無可縮, 反而等價期權, 就要到最後半個月甚至幾日先係縮得最快的日子...

由此可見, 做價外期權, 則要越早做越好 (所以我地做龜係無錯的)

而等價期權, 則等最後半個月才做, 所賺取的時間值為最多, 所以當頭半個月指數行一個方向後, 則可以做指數SP / SC 賺取最快縮的時間值

4 等待高位 - 4/4/2011

12:30 update
經歷一輪大升後, 倉終於再一次突破高位...
雖則我認為恒指亦未見短期底...但既然恒指已經由日本地震時低位回升接近2000 點, 現在主力的倉亦未係做的時機..不過1898 可以繼續留意...相信佢會成為倉內下一隻需要守, 但最後會帶來大量利潤的一隻新力軍

現時仍然未需要以淡倉為對沖, 相信今個星期有機會挑戰24500 的阻力位, 如果到0.01 的sp 倉將會全部排隊平倉...

恒指呢幾個月都係由一個極端向另一個極端行走, 如果月中開始傳出利淡消息 (其實一切消息都係借口, 但無借口又點炒上炒落), 而指數開始會落的話, 將會再以1000 點以後的sc, 或lp 甚至用細期作為對沖倉位之用...

13 我的一通投資路程

想當年以前炒股一向用開致富, 及後有朋友通知一通(I-ACCESS)可以平至5 蚊...
既然賠償基金可以賠15 萬, 執粒都唔怕, 所以就膽操操去開戶...

開戶日期: 2009 年4 月16 日
第一次入錢: 2009 年4 月20 日, 7000 大元

無錯, 我的一通倉就由呢7000 大元開始...
經我努力半個鐘睇番月結單埋數後, 以下就係我一通倉自開戶以來每月紀錄

	本金	當月本金	MTD	回報	YTD	STD
Apr-09	5,774.02	7,000.00	153.99	2.20%	153.99	153.99
May-09	35,774.02	5,928.01	3,616.29	61.00%	3,616.29	3,770.28
Jun-09	42,000.00	39,544.30	(605.14)	-1.53%	3,011.15	3,011.15
Jul-09	82,000.00	45,011.15	16,065.12	35.69%	19,076.27	19,076.27
Aug-09	60,923.73	101,076.27	(8,553.12)	-8.46%	10,523.15	10,523.15
Sep-09	40,923.73	71,446.88	(11,485.32)	-16.08%	(962.17)	(962.17)
Oct-09	30,923.73	39,961.56	19,007.27	47.56%	18,045.10	18,045.10
Nov-09	9,313.11	48,968.83	(7,358.21)	-15.03%	10,686.89	10,686.89
Dec-09	106,712.12	20,000.00	15,201.98	76.01%	25,888.87	25,888.87
Jan-10	101,712.12	132,600.99	(43,181.27)	-32.56%	(43,181.27)	(17,292.40)
Feb-10	106,712.12	84,419.72	21,611.23	25.60%	(21,570.04)	4,318.83
Mar-10	109,305.77	111,030.95	21,845.18	19.67%	275.14	26,164.01
Apr-10	104,305.77	135,469.78	(3,598.32)	-2.66%	(3,323.18)	22,565.69
May-10	100,483.95	126,871.46	(4,124.16)	-3.25%	(7,447.34)	18,441.53
Jun-10	100,483.95	118,925.48	14,340.31	12.06%	6,892.97	32,781.84
Jul-10	90,483.95	133,265.79	35,539.56	26.67%	42,432.53	68,321.40
Aug-10	70,483.95	158,805.35	(9.90)	-0.01%	42,422.63	68,311.50
Sep-10	50,483.95	138,795.45	35,635.93	25.68%	78,058.56	103,947.43
Oct-10	(29,516.05)	154,431.38	33,450.16	21.66%	111,508.72	137,397.59
Nov-10	(29,516.05)	107,881.54	(27,917.78)	-25.88%	83,590.94	109,479.81
Dec-10	(29,516.05)	79,963.76	(16,673.60)	-20.85%	93,739.29	119,628.16
Jan-11	(19,516.05)	90,112.11	14,533.23	16.13%	14,533.23	134,161.39
Feb-11	20,483.95	114,645.34	(12,028.34)	-10.49%	2,504.89	122,133.05
Mar-11	(9,516.05)	142,617.00	28,193.85	19.77%	30,698.74	150,326.90

由2010 年10 月開始, 我已經將所有曾經投入的資金取走, 亦即是這是個0 成本的倉

有幾點值得自已注意並引以為鑑!

0. 09 年7 月問銀行借錢6 萬 (為左抽IPO#2009), 2 年為期, 至今仲有3 個月就還清
1. 09 年12 月以前, 只是炒股炒輪炒牛熊, 由12 月開始轉為做OPTIONS
2. 10 年1 月錄得大敗, 係因為一開始不知道做倉下跌時按金同權金同時問我追錢, 再加上一通初初倉內寫的按金有錯誤, 再加上同時股市大瀉, 要斬倉之下綠得大幅虧損
3. 10 年11 月, 連贏幾個月之後, 再加上恒指大幅上升至近25000 點, 擔心個市會直升一去無回頭, O係高位做左大量不安全的倉, 及後恒指極速回落, 再次做成按金不足被迫將部份平倉, 3 月31 日為止, 仍然未重返當日11 月8 日我一通倉的歷史高位...事實上, 股份及指數不會無止的上升下去, 就算真的是, 亦會有落後的股份及IV 大的日子, 根本不必太急於做大量倉位
4. 11 年2 月曾大手炒賣期指, 輪及牛熊, 贏埋贏埋唔夠一鋪輸, 如果不計及手痕炒的, 理應有近4 萬PROFIT, 現在卻是倒輸萬2!!
5. 唔埋數唔知, 原來我欠一通倉9516.05, 星期一會入番比佢, 令佢成為真正的0 成本倉, 盡可能情況之下唔會再入錢抽錢, 由佢自生自滅
6. 每月新資金將投入今年新增的致富倉, 希望盡快到達6 位數字~
7. 我相信我用一通已經達至專家級, 有朋友講過, 佢打去問佢地CS, 人地30 分鐘先覆到佢, 打黎問我, 我3 秒就覆到...如果有人有興趣開戶又唔識用, 可以留言問我, 我會盡量答, 如果多人問又有時間許可, 我可以寫一篇教學

http://www.i-access.com/start_c.html

3 故事一則：兩個和尚

故事一則：兩個和尚

有兩個和尚，分別住在相鄰的兩座山上，兩座山之間有一條溪。兩個和尚，每天都會在同一時間下山去溪邊挑水，久而久之，他們便成為好朋友了 。就這樣，時間在每天挑水中，不知不覺己經過了五年

突然有一天，左邊這座山的和尚沒有下山挑水，右邊那座山的和尚心想：「他大概睡過頭了。」便不以為意。哪知第二天，左邊這座山的和尚，還是沒有下山挑水。第三天也一樣。過了一個星期，還是一樣。
直
到過了一個月，右邊那座山的和尚，終於受不了。他心想：「我的朋友可能生病了，我要過去拜訪他，看看能幫上什麼忙。」
於是他便爬上了左邊這座山，去探望他的老朋友，等他到達左邊這座山的廟，看到他的老友之後，大吃一驚。因為他的老友，正在廟前打太極拳，一點也不像一個月
沒喝水的人。他好奇地問：「你巳經一個月，沒有下山挑水了，難道你可以不用喝水嗎？」 左邊這座山的和尚說：「來來來，我帶你去看。」
於是，他帶著右邊那座山的和尚走到廟的後院指著一口井說：「這五年來，我每天做完功課後，都會抽空挖這口井。即使有時很忙，能挖多少就算多少。如今，終於
讓我挖出井水，我就不必再下山挑水，我可以有更多時間，練我喜歡的太極拳。」

我們在工作的領域上，薪水拿得再多，那都只是挑水；如果不好好把握下班後的時間，挖一口屬於自己的井；未來當您年紀大了，體力、精神都拼不過年輕人的時候，要怎麼辦呢？ 假如您希望將來繼續有水喝，而且是優遊自在地喝，就請把握時間，立即行動，投資吧！

4 1/4/2011

由於今日一早出了街, 沒有什麼看市...
收市時才看一看..WA..竟然升到23800 點樓上...真的有點驚訝

由於大升市, 今早排的倉, 大部份都成交唔到, 只有以下的成交了

CLI25.00O2 @ 1.22 -1
A5010.00O2 @ 0.19 -10

本倉主力內銀大幅上升下, O2 暫時仍未有龜倉, 所以無得做, 今早見2628 下跌, 所以先做一張O2 最遠的25 蚊...而2823 10 蚊10 張落"PART" 基本注, 起碼下年3 月呢10 張都可以有9500 蚊收入..

2388 尋日比人行減利息, 但作為清算行, 相信影響都係好短暫, 可惜排下的18 及19 O2倉成交不到, 唯有星期一再排

3968 下跌中, 再次列入觀察名單, 既然內銀3 寶暫時做不了, 要搵佢D 近親睇下有無機會幫補下...

494, 1898 仍然弱勢, 但比成個市發左上黎, 亦都唯有要再等...

有朋友問到如果大升咁點算...其實呢個問題每次上升時都驚以後無得做...
其實股市升升跌跌總有, 如果上移左一個TRADING RANGE, 亦都可以照做, 最緊要係本身每季都落左基本注, 有番自已要求目標的5 成打底...就算真係大升, 都可以有時間去等...
有D 人鐘意一升就平哂D 倉...到時再升手持幾十萬CASH, 反而個心會急, O係高位忍唔住手入市...所以我建議無論市況如何, 每季都要落番少少基本注碼....
升的話, 基本注碼都可以幫你維持生計, 跌的, 我想信仲開心, 可以加注...
最高位同最低位都係最難捉的, 最緊要係知足, 知道自已每季有幾多利潤先滿足, 就唔怕大升大跌了...