0 《那夜凌晨，我坐上了旺角開往大埔的紅van》(26)

最近喺高登睇到一篇幾好嘅故 (非甜類)，太約係科幻懸疑類吧~~雖然到依家都未結尾唔知會唔會爛尾，暫時先轉貼喺度方便我自己睇，誠意介紹俾大家!

原文轉貼自高登討論區, 
作者: Mr. Pizza (如作者不同意轉貼, 請告之刪除)
http://forum3.hkgolden.com/view.aspx?message=3553361

 

連續兩天，連續給兩條屍體毀去了兩家茶餐廳，這一刻，我們大伙兒已經再沒其他據點了。

不過，我相信這也沒差——

既然阿信說他已經找到方法離開，而重點就在於大帽山； 那，最簡單直接的解決方案，就是大伙兒立即起程去大帽山，逃離這個不屬於我們的世界。

可那到底是個什麼方法，我也因為接聽了阿怡的電話，到現在這一刻的還沒聽阿信解釋。

｢——其實唔算係一個方法；而係，我覺得，我地將會係大帽山上面搵到啲野，可以令我地搞清成件事既來龍去脈。｣ 當步出茶餐廳時，走在我旁邊的阿信跟我講。

｢點解你會有呢個諗法? 大帽山呢個idea，係點樣得番黎?——｣ 我安靜問道。

說時我拿出了手機，察看現在時間: ｢15:22｣

此時，大伙兒都已經走出了茶餐廳，眾集在外面空無一人的寶鄉道上，站在位於｢大埔鄉事委員會｣對出的一個紅綠燈安全島上，圍成一圈。

寶鄉道中還是一片寧靜，猶如鬼城，沒有半點人聲與車聲；剛剛走出室外，我發覺空氣中突然多了某種濕潤的感覺，抬頭一看，遠方天邊好像積聚了些厚重的雲層，似是快要降雨般。

阿信沉默著，思索了一會，然後深深吸了口氣，看著我道:

｢首先，我要講一講我對成件事既睇法——｣

我看著他，微微點頭，示意他繼續說下去——

3 期權討論區

我一直覺得期權係一樣最公平嘅衍生工具，皆因其可以買上(Long Call) 、買落(Long Put)、賭佢唔上(Short Call)、賭佢唔跌(Short Put)都得。可以話係任君選擇。
如果大家有投資開，應該都好明白Long Call 同Long Put 嘅道理，就係好似買Warrant 咁，但係好處在於唔洗接受發行商嘅條款，行使價，月份方便選擇亦都更多！需知道Warrant 最大嘅吸引之處在於喺短期內由價外入價內嗰種爆發力，期權就正正係有極多呢種選擇。

好似今日做例子，友邦（＃１２９９）尋日大跌，今日見佢穩定想買Call 搏一搏，但市面上嘅認購證完全揀唔落手，反而Options 可以有最好嘅比我揀，揀即月28蚊呢種少少價外嘅認購證，今朝仲係0.18-0.20之間任買，當佢一升破２７蚊後就開始爆炸性上升，好快就有一倍回報！！最岩鐘意快打快嘅人！

臨近月尾嘅時候，Long Call/Put 爆發力更加大...一定比WARRANT 好好多!

當然，大家可能會話牛熊證打法可能有更大利潤，的確我本身都有用，但係呢度想同大家討論一下期權，所以暫時唔講牛熊證住～～

今篇先講咗Long Options ，其實理論同ＷＡＲＲＡＮＴ係１００％相同，只係好處在多選擇。
之後會重點講一講Short，因為我相信有好多人會唔明呢樣，希望大家一齊討論下啦！！
有唔明可以問下我，我會盡量解答。

本人不是從事證券相關行業，亦都無考慮過會去做，只係因為興趣自８年前開始研究股票，亦都自己去考咗D Paper　1,2,7.8.9 O個D，所以對各工具有少少認識，想搵志同道合朋友傾下，亦都想令香港人更加多玩期權呢樣工具，唔洗比輪商呃！！

2 《我的悲慘媾女史》第一集

星爺喺少林足球入面講過，一個人無夢想，同一條咸魚無分別。



計我話，一個人無番條女，比起無夢想，更加似條咸魚；應該係，比咸魚更加無價值嘅死魚、臭魚、爛魚。

或者可以講，我人生到呢刻為止唯一嘅夢想，就係媾番條女；

成廿八吋大脾又好、３０ＡＡ又好、暴龍爛面又好，通通都媾唔到！

點解點解，我永遠都係失敗嘅一個，一條無女嘅可憐蟲。



或者你會恥笑我，又或者你會身同感受，更加可能你睇完只會覺得我ＯＮ９。無論如何點都好，你入得黎睇，我就當你老友，我希邊喺呢個寂寞嘅夜晚，用你少少時間，睇下我呢個可憐蟲媾女失敗嘅經歷。



除咗我無記憶嘅三年幼稚園外，由小一到中七，我都喺人稱和尚寺嘅男校入面渡過。以前成日睇電影入面，男校男生放學總會三五成群去對面女校等人地Ｄ女放學，之後俾人地校長訓導趕走。但我母校附近方圓幾百里都竟然無一間女校！



以下，係我十幾年來媾唔到女嘅親身經歷。



我唔知係因為我早十幾年前年代唔同，定係因為由於我一直都係讀男校嘅關係，我唔似得依家Ｄ細路，十一二歲唔好話拍拖，甚至都已經識得啪啪啪。

我係家中獨子，亦唔覺自己有相近年紀嘅表姐表妹堂妹等等嘅親戚出現，我最細嘅一個表姐，好似比我媽年紀仲要大。所以，一路以來，我對女性嘅認識近乎零。

所以我依家喺度諗，會唔會係因為咁，一開始已經輸在起跑線上？



升上時候中一嘅我，以今日嘅術語黎講，仍然係小學雞一名。呢間似監獄多於學校嘅中學，面積就只係一個四層高嘅三角型建築物包圍住一個籃球場咁大。而當中卻收容了上千個學生。每逢小息、ＬＵＮＣＨ時，踢波嘅踢波（幸好只係踢西瓜波，如果係踢皮波，應該日日要叫白車），打籃球嘅打打籃球，亦有人周圍跑，玩捉Ｅ因，玩互閹等等。我亦都無乜朋友，渾渾噩噩咁就過咗一年。

 

我開始對女性有興趣，開始想媾女嘅時期，應該比起一般人遲，大約，係中二嘅時候。



可能我天生比較遲熟，甚至乎依家三十歲人，亦都係廿二三歲咁，睇番自己Ｄ相，當年中二嘅時候，亦都只係似一個八九歲嘅小學生。

我第一個鐘意嘅女人，係我當年嘅ＩＳ（綜合科學）ＭＩＳＳ。 到呢刻，我仍然深深咁記得佢個名，不過當然我唔能夠喺呢度打佢個名出黎，唯有用住代號，叫佢ＭＩＳＳ　Ｘ。

 

我嘅媾女史，就係由ＭＩＳＳ　Ｘ開始。

 

升上中二嘅第一日，我嘅班主任係一個光頭阿叔，講野溜口之餘仲會經過佢唔齊嘅門牙噴出口水，令婑細要坐喺第一行嘅我身受其害。當年未識講粗口嘅我，只係心入面諗一句，唉，今年真係唔好彩，唔知要受幾耐。喺捱呢４０分鐘口水時候嘅我，絕對想不到，接下落黎嘅第二堂，會係改變我一生嘅時刻。

0 《那夜凌晨，我坐上了旺角開往大埔的紅van》(21-25)

最近喺高登睇到一篇幾好嘅故 (非甜類)，太約係科幻懸疑類吧~~雖然到依家都未結尾唔知會唔會爛尾，暫時先轉貼喺度方便我自己睇，誠意介紹俾大家!

原文轉貼自高登討論區, 
作者: Mr. Pizza (如作者不同意轉貼, 請告之刪除)
http://forum3.hkgolden.com/view.aspx?message=3553361

episode 21

一切實在是轉變太快，一時三刻間，我無法理性地反應過來，而是失神的站立在原地，維持同樣動作，抓捉住中年男人的衣袖，與他對望著。

已經是第二次了，這已經是我一個小時以內第二次與這恐怖的黑色防毒面具對望；可心裡還是不受控制的驚慌起來，恐怖的涼意在體內狂飆。

昏暗的街燈照射下，這時我才發覺到，對方眼睛位置的那兩塊玻璃圓孔裡，那雙黑白分明的眼睛，正目定不移的直看著我，而且，那種眼神，眼睛半張半瞇的抽動著，似乎是在………

似乎是在………………笑…………?

｢…………哈……哈………哈…………哈………哈………｣

0 《那夜凌晨，我坐上了旺角開往大埔的紅van》(16-20)

最近喺高登睇到一篇幾好嘅故 (非甜類)，太約係科幻懸疑類吧~~雖然到依家都未結尾唔知會唔會爛尾，暫時先轉貼喺度方便我自己睇，誠意介紹俾大家!

原文轉貼自高登討論區, 
作者: Mr. Pizza (如作者不同意轉貼, 請告之刪除)
http://forum3.hkgolden.com/view.aspx?message=3553361

episode 16

中 學時期，一如大部份心智未成熟的青少年，我開始迷戀上聽收音機。特別是深夜一兩點時份，我總是久久未睡，躲在高架床上鋪的被窩中，用我那部老舊的枣紅色 MP3機 (那是個IPOD還沒普及的年代)，轉換在一個又一個的電波頻道上。在眾多個深宵裡，讓我最感興趣，長據於我最喜歡的電台節目榜首位子的，當然是由潘紹聰 及露芙主持的靈異節目，恐怖熱線。

人 是種犯賤的生物，基於天性，我們總是難敵自己好奇心，於任何事情上，都要｢打爛沙盤問到篤｣，即使，那是件超級可怕的事。｢又要聽，又要驚｣，這是件無可 避免的事，正如當年說到經典事件｢大頭怪嬰｣的那幾集時，我總是邊聽邊怕得全身抖動，毎毎講到些再也受不了的超級恐怖點時，我都會立即換至隔壁頻道，休息 個一兩分鐘，才又調回新城娛樂台，繼續犯賤的受嚇。

0 《那夜凌晨，我坐上了旺角開往大埔的紅van》(11-15)

最近喺高登睇到一篇幾好嘅故 (非甜類)，太約係科幻懸疑類吧~~雖然到依家都未結尾唔知會唔會爛尾，暫時先轉貼喺度方便我自己睇，誠意介紹俾大家!

原文轉貼自高登討論區, 
作者: Mr. Pizza (如作者不同意轉貼, 請告之刪除)
http://forum3.hkgolden.com/view.aspx?message=3553361

 episode 11

直至走到太和邨，我們分道揚鑣，我也沒有將看到那兩個｢防毒面具男｣的事告訴yuki。除了是因為我不能肯定，自己是否真的看到｢他們｣，或其實是我自己幻見以外，另一原因，是我不想叫yuki聽了我的陳述後，有過大的反應。

畢竟，作為一個大男人的我，當見到如此詭譎的一幕畫面時，也被驚嚇至摔了在地上；我不敢想像，作為一個弱質女子的yuki，當聽到我說看到有兩個帶著面具的西裝怪人在對面岸窺看著我們時，會有多害怕。

今晚所發生的事已經夠多了，短短幾個小時，我們所認知的世界給完完全全的歪壞再重組，我們所認識的所有親朋戚友全都給憑空的消失掉，只剩下13個素未謀面的陌生人作伴；來到這一刻，我們還沒精神崩潰，老套說句，已實屬不幸中的大幸。

0 《那夜凌晨，我坐上了旺角開往大埔的紅van》(01-10)

最近喺高登睇到一篇幾好嘅故 (非甜類)，太約係科幻懸疑類吧~~雖然到依家都未結尾唔知會唔會爛尾，暫時先轉貼喺度方便我自己睇，誠意介紹俾大家!

原文轉貼自高登討論區, 
作者: Mr. Pizza (如作者不同意轉貼, 請告之刪除)
http://forum3.hkgolden.com/view.aspx?message=3553361

 episode 1

是咁的，

事源是我與幾個舊同學聚會，相約在旺角新之城唱k，

一群老朋友很久沒見，大家聚聚舊，說近況，互相吐吐苦水，胡亂地唱歌，
開心的時光過得特別快，不知不覺，時間已過了半夜十二點。
那是個星期三的晚上 (因時間配合不到而要聚會在星期三)，大部份人第二天還要上班，不能玩通宵；
所以，我們大約在凌晨兩點半就離開了k房，回家去。

我家住大埔，同學當中只有我一人住新界，故只能獨自回家，沒同路人。
我在新之城對出的十字路口與大伙兒道別，雙手插袋，抵著冬天微寒的夜風，急步往西洋菜南街方向走去。

凌晨兩點半，火車地鐵早已停駛了；旺角回大埔，除了走路和坐的士外，主要途徑有兩個: 通宵巴士與亡命小巴；
基於自身的地理位置，加上我實在是有點累，想盡快回家，我選擇了後者，
儘管，它的價錢比較貴。