故事用一個算幾創新的IDEA，講以後的世界，貨幣單位再唔係錢，而係時間；每一個人出生之後只會長大到２５歲，２５歲之後就唔會老，體力等等亦不會下降，唯一會不段扣減的，係手上的時間；番工所賺的係時間，所有衣食住行消費的亦同樣係時間
為免劇透太多，有Ｄ細節就唔講了，在我而言，整個故事都係比喻現今的資本世界，少量的人擁有大量（時間／金錢）的導致所有低下階層的人每天工作也只是在保命。。。而男女主角就係設法去改變呢個事實
不知編劇導演係唔敢定係唔想，對於存在的制度也只是輕輕的帶過，ＴＩＭＥＺＯＮＥ等如何去運作，有誰去制定，嗰少部份人如何去用合法的途徑搶別人的時間，全部都沒有提及。。。故事結構鬆散，浪費了一個好好的ＩＤＥＡ
本身睇ＴＲＡＩＬＥＲ對套戲有點期望，不過演繹出來就顥得不夠深入。。。當一套戲去睇，近２小時也算沒有悶場；我相信本身佢的ＩＤＥＡ係想帶出更加多的東西（時間＝金錢，要珍惜時間／金錢，窮人突然變有錢人改變不到習慣），但始終我覺得這套戲做不到，浪費了這麼一個ＩＤＥＡ～～
本身都諗住睇, 但有人話麻麻地就冇去LU
回覆刪除我未睇套戲之前已經講左....個idea 真係唔錯, 有新意, 但.....若果d重要位解釋得唔好就會變得好勉強,好夾硬來.....
回覆刪除你所講o既都好由套戲o既角度去睇~
但我好想講o既係, 用作為一個人o既合理去睇....
d問題係多到數唔到,基本上你講邊一段戲我都覺得好唔合理......
以下係包含劇情的內容, 唔想知劇情就唔好睇啦~
e.g. 1. 點解會有人返返下工死?? 明知自己唔夠時間做完份工後出糧重會去返工嗎?
2. 明知自己就死都唔會學個壞人咁去打劫嗎?
3. 明知有個時間大盜時常出沒,點會無人聯埋幾百人去做低佢?
4. 點解過境無海關把守? 重要去到後期係可以撞爆個閘過關....佢個設計同停車場D 閘有得揮~
5. 銀包都有個拉鍊, 銀行戶口都有個密碼.....點解可以襯人地瞓著左之後偷時間(錢) or 過數.....咁o既話, 邊有人瞓得著? 個個都應該係黑眼圈, 無人敢瞓o既日子
6. 點解警車出糧唔駛認證架呢? 人人都應該打劫個警察日日出糧啦......
7. 呢套戲o既最大bug 就係講到d 人唔識打劫同好守規矩.....直至主角出現先知原來呢個世界可以靠打劫生活........咁主角未出世之前, d 人都係白痴的? (其實主角都白痴左3年,因佢話佢係28歲)..........
呢套戲真係唔得....唔得同埋唔得.....浪費左d 咁寶貴o既時間去睇....haaaaa..
[版主回覆11/07/2011 22:37:26]你所講既我全部都有諗過，好多你都講左了，仲有就係，你比人打劫你條命，佢用槍指住你個頭有乜好驚？比佢搶哂Ｄ時間亦即係死，咁我寧願就咁比佢啪咗都唔會比佢搶時間了。。。
結論係，呢套戲可以不睇～