不過喺拿之前，我都要做下資料搜集，睇下有無咩古惑野架嘛！
有 留意開我的朋友或網友都知道，一直以黎我唔認且平野無好呢個道理，由好多年前用銀行，ＳＨＫ去ＴＲＡＤＥＩＮＧ手續費太貴，之後開始試用致富，到幾年前一 通開始時，我亦係第一批人去試。因為我覺得既然政府可以保障到１５萬，咁當然喺１５萬內我可以盡量去用啦！有咩事最多咪政府賠錢，係咪？
所 以，呢間新的股票公司叫8Securities，經明查暗訪，知道佢都係真正持牌公司，由於最近唔得閒出去，我就唯有要寄信去申請。當然，我寄信之前，就 有朋友實地查看過，證明真係有間門市／ＯＦＦＩＣＥ喺中環，聽聞環境不錯，好似D iBank 咁，上面Ｄ女職員好似全部都係青春無敵既ＡＢＣ～～
一切查明之後，我就上網填表，準備之後郵寄申請啦～～填完表之後兩日都因為太忙唔記得左呢回事，竟然有位職員打電話黎提我，聲線都幾溫柔，仲好細心咁教我點填埋份表，有咩要簽咁～～結果我就連埋份表加埋一皮野支票寄過去！
一 日之後佢地就收到我份表，亦都打黎向我Confirm，跟住再過一日就俾左Account information 同埋密碼我，到今日就收到Email 話存倉左７股Facebook 股票喇！以今日市值計，都都係大約２００美金多少少~~而佢地沽出手續費都係US$8.88，照計扣埋沽出貨用淨袋千五蚊港紙左右，都真係十分唔錯！
前後由申請到有Facebook 股票都係一星期左右，效率非常好！
不過，Total 得2000 個Quota，依家仲有無我就答你唔到，自己試下問啦！（ＰＳ：呢篇並不是善稿來，所以唔洗問我，我答唔到的）
版面就好似好ＰＲＯ咁，但暫時太多英文無乜心機研究，最搞笑係可以ＳＥＴ自己頭像同ＮＩＣＫＮＡＭＥ～～
老 實講，港股我就唔會用佢黎買，始終一通同致富比較平，而且亦都用慣，不過就有機會研究下用佢黎買美股，皆因佢手續費買幾多股都係 ＵＳ8.88，Diablo 3 呢排咁HIT, 遲D 現金拍賣場又開，間公司有得收成１５％手續費，睇準機會買番少少Activision Blizzard, Inc.（NASDAQ:ATVI ），睇下有無少少錢再贏下啦！
最後提提大家，今年iBond 又黎喇，上年叫過好多人抽，似乎無乜人ＳＨＯＷ我，結果～嘿嘿～～～今次預計一人中５－６手～當然，你唔抽係你嘅事，留番比我賺都唔區架～～
