0 回到過去

我經常諗，如果有一日真的回到過去，就當20 或者30 年前啦，究竟可以做什麼呢？

雖然我身為現代人，2，30 年前未有iPhone 或者未有wifi 光纖，但我唔識整架喎，淨係隨口up 同倪康寫科幻小說無乜分別。

六合彩，有邊個可以記得1994 年第36 期六合彩開乜？

炒樓，都尚可既，前提係要有資金

股票，除左可以避到幾劫，其他都係要記得一個大浪，1995 年邊隻升最多邊個記得？

我諗咗好耐，終於諗到只有一樣野係可以，就係抄歌! 20 年前應該未有容祖兒陳奕訊d 歌，雖然我唔係好識全部，但近幾年hit 既歌唱唔足十足都8 成，拎番廿年前我寫首何我變了你的十六號愛人，都應該拎到d 作曲作詞人獎掛？

不過如果係回到100 年前就大鑊了，炒樓炒股科學都唔掂，寫歌都應該冇人欣賞，咁。。。都應該只可以係繼續一個廢柴。。。

所以呢。。。好多時好多事，就算畀你重頭一次，縱使過程唔同，但結果會係一樣，或者呢d 就係世界線所限。。。了罷。