(封面圖片) 在燒烤農莊影的日落照，香港其實也有很美的地方
某個星期六，相約了好友去郊遊，可惜早幾天不幸弄傷腳沒有去踏單車，唯有只JOIN BBQ 啦！友人一早預訂了這個汀角灣燒烤農莊，地點在汀角村，在大埔墟火車站搭的士約十多分鐘，６０元左右便直達門口，尚算方便～～
去到在場所見的環鏡十分優美，地方空曠，空氣又好，雖然天氣比較冷了一點，不過也是適合ＢＢＱ的好日子啊！
價錢方面每位８８蚊另加開爐費３０蚊，每人包飲品一罐，之後買飲品汽水７蚊罐，啤酒８蚊，價錢ＯＫ唔會獅子開大口
先自己去收銀處買飛入場，之後有職員帶去座位
燒烤樂園的好處係唔駛自己透爐，岩哂我地呢Ｄ懶人，阿叔叔用火槍唔駛一分鐘就透好個爐，仲駛乜自己學透爐咁辛苦？！
Ｄ椅就真係ＤＩＲＴＹ咗Ｄ，我地幾經辛苦先整番乾淨去坐，扣分！！
野食方面都係一般的，丸、燒賣，腸，扒，雞翼等等～
Ｄ丸真係麻麻地，好梅好粉咁，獅子狗同燒賣亦都係
反而雞翼，扒就ＶＥＲＹ ＧＯＯＤ！
一班朋友燒野食，一樂也～～
我最叻的就係燒雞翼，要慢慢喺高處烤，仲要塗足３層蜜糖先得架！
食過我燒雞翼的人都讚不絕口，有誰想試下？！
當晚仲要咁岩係月蝕之夜，我地都有幸可以好清楚咁睇到月蝕，不過其實都無咩好睇，好似一日內睇哂初一至十五，只係之後變左紅色特別少少～
消費: 約$100 位
味道: ★★★
推介美食: 雞翼
地址: 大埔汀角路汀角村17-29號地下
0 意見:
張貼留言