3 媽媽生日自助餐: 帝苑酒店 - 雅苑座

（封面圖片）

媽媽生日，我們一家人加埋星星就黎到尖沙咀帝苑酒店 - 雅苑座食番個自助餐！！
其實今次都唔係第一次黎，但呢間真係我食過咁多間數一數二架！！

（環境篇）

話哂都五星級酒店，環境好就必然架喇，特高樓底，環境一Ｄ都唔迫夾
仲有人現場彈琴同唱歌添！

（海鮮冷盤篇）

好喇，介紹完環境就出去睇下有咩食啦！基本的海鮮冷盤有長蟹腳、蝦、龍蝦仔、青口、蟹蓋、煙三文魚卷

蝦同蟹腳非常鮮甜！


龍蝦仔就麻麻喇～～蟹蓋就完全無野食咁滯。。。

（沙律篇）

我的弟弟十分喜歡吃這種冷沙律，還排得靚靚～～我想比酒店職員排得更靚吧！

（壽司魚生篇）

食完海鮮頭盤，就梗係去食下魚生啦！
有三文魚、金槍魚、章魚、立魚及鮑魚，仲有吞拿魚腩添！


我最愛就係食三文魚，好肥美好新鮮啊！

之後仲有即叫即整火焰壽司！！

每樣試一件，三文魚、蝦、蟹柳～～全部都滿分！！好正！！

匙上的係蟹肉沙律，正！！

（大閘蟹篇）

今次BUFFET 的主題係大閘蟹，雖然已經唔係時令了，不過都算係其中一樣重點菜式！

大閘蟹係每人一隻，入座時派了一人一張換領卷，想吃時就可以出去拿，不怕放涼了嘛～

吃大閘蟹要配上薑茶，就不怕寒涼了！

其實我自已不懂得怎去拆蟹～～蟹也比較細隻，沒有什麼肉，只吃了蓋上的膏就算了，我家人說也只是ＯＫ～～不算太好味！

不過呢～～除了有原隻大閘蟹外，還可以有任叫的大閘蟹炒伊麵、意粉、通粉等等～～即叫即炒，而且材料十足，回報比整隻更高！

蟹粉炒伊麵，伊麵會吸收蟹粉的精華，整個麵吃下去也啖啖蟹肉味！！

蟹粉炒長通粉～～長通粉不太吸味，反而會突顯多些蟹肉味啊！

（熟食篇）

帝苑的熟食其實比其他酒店BUFFET 做得出色，款式也多，不過就食唔落咁多啦，熟食通常都係淺嘗。

有即燒串燒啦

呢個好甜的湯, 唔知叫咩名了

瀨尿蝦

喇沙湯底煮蛽、東風螺等

其他熟食，豚肉好淋，唔錯～～

上次食過，海南雞飯都好出色的，不過今次無食了

（甜品篇）

甜品亦都好多呀！！有星星最喜歡的Hazzan Dazs 雪榚，食五個球都舊幾水，回左１／３本了。。。

CAKE都有好多選擇～


朱古力蛋榚超濃味、Tiramisu超軟、Blue Berry 都好好味！！超正

仲有麵包布丁～～

最後來一大杯凍檸茶，為這餐來一個完滿的結束～～

帝苑酒店 - 雅苑座的確係好好的自助餐選擇，信用卡八折後我地五位共＄２２５０，咁多野食，算是物有所值！！

消費: $450/ 位
味道: ★★★★★
推介美食: 火焰壽司
地址: 尖沙咀麼地道69號帝苑酒店3樓