1 大街串燒 - 原人

有人喜歡吃串燒嗎？我相信應該很多人跟我一樣會喜歡吃串燒的，做串燒的其實不難，只要材料好，淹得入味，燒得夠香，就可以做到一個美味的串燒了！
咁多樣串燒之中，其中一樣我最喜愛食的，就係「燒雞翼～～我鐘～～～～意食」！！


今日夜晚就和我弟弟落到屋企樓下呢間日式串燒小店：原人！

其實都唔係第一次黎的了，可惜在的佢只係開夜晚，差不多６點半先開，１１點就收工！！難道真係唔憂做？就算不開放午市，最起碼也開宵夜吧！！那麼當我夜晚肚餓時，就不用吃杯麵了！

入到去係一間小店，其實面積不太大，只放約５－６張枱大約２０個座位，座位隔離就是開放式的BAR枱廚房，不過它的抽煙系統應該好好，完全沒有任何的油煙味！

位置大約就是這樣，一邊是廚房，另一邊就是枱，入到尾就係電視機

最後我們決定懶懶的叫個二人套餐！
其實有得散叫，每串串燒大約１０－３０蚊不等，另外還有當日推介的時價海鮮、凡立貝等等

首先來的是醬汁，左邊的是薑味的，右邊的是燒汁，右邊的比較岩我！

來一杯菊花茶，可以降一降熱氣，要不然會長暗瘡的了！！

田園沙律，我弟弟最喜歡就是這種唶味的沙律，我個人就普通評價，不過瓜菜都幾新鮮！

蒜容包：焗得好好味，好脆，Ｄ蒜容都極香！！串燒之外的意想不到好味！

燒腸同燒菇：
燒腸仔都唔使點介紹了，你我他屋企煎都係咁嘅味
至於個菇就好淋，點上醬燒都幾甜幾好

蜜糖燒雞翼：呢個１００分有突！雞皮燒得勁勁脆，亦超夠蜜糖味！！
如果ＢＢＱ時有人可以燒到呢種雞翼，包佢媾死仔／女！！


燒鯖魚：個皮都燒得幾香，肉亦唔鞋，細骨唔多，算係啖啖肉～～

蘆筍牛肉卷：個蘆筍一Ｄ都唔老，係牛肉最好拍擋！比金菇更加好！ＧＤ！

手打烏東：個湯底好好味，烏東係好彈牙的！

燒安格斯牛扒：肥瘦比例適中，燒得大約５－７成熟，仍然好香滑，雖然未去到入口即溶，但越對係有水準之作！

我地都食到一乾二淨！！

最後等我地食哂後送上的是燒蕃薯！外表已經好靚，入面亦都好甜完全無渣！讚！！

總括黎講我樓下可以有呢間野唔使出去食，實在係一件極幸運的事，今次唔係第一次黎，亦唔會係最後一次，希望佢可以繼續做落去啦！！

消費: $230/ 位
味道: ★★★★
推介美食: 燒雞翼
地址:   鴨脷洲鴨脷洲大街132號地下G舖