平時好少失眠嘅我, 今晚竟然訓唔著~~到依家差不多兩點鐘依然眼光光
腦入面好似好多好多字咁, 但又整理唔到寫一篇散文出黎, 唯有就借自己呢個小小嘅平台亂嗡一下發洩幾句吧~~
亦都因為無聊眼光光, 我自己都從新整理過所有分類, 似乎以前分得太散, 有時連自己睇都覺得太多太累贅太累, 所以改番乎合自己性格, 簡單就是美嘛!
講開又講其實好多人都經常失眠, 不過對我黎講就實在係無乜幾可, 不過曾幾有一輪可能因為壓力問題, 都會有夜晚訓唔著嘅時候, 我自己嘅解決方法, 都不外乎幾種
1. 打機, 玩電腦: 用盡自己腦力眼力, 務求最累情況之下一陣就訓得著, 好似我依家咁, 我越打字就覺得越累, 我相信我呢刻放低KEYBOARD 唔打我都即刻可以訓得著, 不過我身為一個作家(唔好笑, 至少喺我呢個地方, 我係一個專欄作家, HAHA), 係唔可以打到一半半途而廢的.
2. 扮訓: 無錯, 係扮訓, 熄哂燈訓落床合埋眼乜都唔好做, 話俾自己聽自己已經訓著咗, 當過咗三兩個鐘, 你就會諗究竟自己係咪真係訓著咗定係只係扮訓, 到六七個鐘之後, 你就會絕對地諗唔起自己係真正訓著咗定係無訓到, 呢招呃自己好WORK 的, 最多起身時會覺得訓得唔夠好, 而唔會覺得自己未訓過! 而且好多時扮扮下, 就真係訓著咗了....
3. 將個鐘較快兩個鐘: 好多人話失眠, 其實都係唔肯訓! 不過當你較個鐘快多兩個鐘, 即係話明明兩點你較到四點, 你就會好驚咁覺得今次奶野喇, 得番兩個鐘就要起身番工, 你自自然然會即刻想訓著!! 我自己未試過呢招, 不過同第二點一樣, 係要呃到自己先!
4. 開電視睇魚樂無窮: 話俾自己知如果仲唔訓, 就要睇一晚魚樂無窮! 唔係咁都唔肯訓嘛?!
打咗幾百字, 我就真係越來越眼訓了, 順利解決到我今晚失眠呢個問題, 如果你呢刻都仲係失眠, 我相信你睇完我呢篇咁悶嘅文之後應該都訓得著的了, 訓唔著的話, 手抄一次, 一定得!
0 意見:
張貼留言