0 台北婚照之旅2012 機票篇

上回講到喺上年12 月時，我地去咗一個婚紗婚，結果誤打誤撞之下就ＢＯＯＫ咗凱瑟琳嘅蕭總監為我地影呢輯婚照。
經安排後，決定９月１７日影相，雖然一日有幾十班來回台灣嘅班機，不過我已經一早就開始著手準備喇！！

由於今次想搵嘅酒店係喺我地影婚照附近，而Package 就未必可以符合到我呢種要求，所以今次決定自己ＢＯＯＫ機票之後再訂酒店！

喺搵機票嘅時候，我主要都係用PriceLine去搵最低價嘅機票，最終就決定撘香港航空新開嘅台北線，上次我地去大阪都係撘佢，個人覺得都ＯＫ，而且價錢便宜！比中華更加平啊！



機票價格都只係＄９６０，不過附加費竟然要＄６５０！油魔真的太可怕了！
本來都諗住直接喺香港航空嘅網站訂，但點知佢唔收ＡＥ　ＣＡＲＤ！大家都知我要用ＤＢＳ　ＢＬＡＣＫ　儲里數架啦！於是就用PriceLine 去訂呢程機票。
PriceLine聽就聽得多，不過問身邊嘅人，原來都真係無人試過訂喎，不過唔緊要啦，自已試下！不出一日，佢就Confirm 到我張機票了，而過程中亦都無收任何附加費，同喺港航空網站訂價格係完全一樣的！

今次香港航空嘅時間都唔錯，中機去，晚機返

下午 12:25	Hong Kong (HKG)
下午 02:00	Taipei (TPE)

Hong Kong Airlines (HX280)
下一步就係準備訂酒店了，其實心目中已經有一間心水，請看下回分解吧！