0 JAL 極美味小杯麵(1) - SOBA de SKY

日本其中一樣偉大嘅發明，一定非杯麵莫屬 ，落滾水三分鐘就食得，唔洗叮唔洗煮，直頭係方便到暈啦！細個時其實好鐘意食杯麵，特別係合味道嘅咖哩味，到大咗當然知道呢Ｄ味精野唔可以食太多，加上慢慢食咗其他好野，就發現其實杯麵都唔係咁好味，不過當冬天凍冰冰又肚餓時，黎個杯麵做宵夜就真係一流喇！

我本身就唔係咁大食，如果食一個杯麵做ＴＥＡ／宵夜就太多，不過喺上年去大阪杯麵搏物館（詳見：大阪自由行 6日5夜平玩之旅（六）杯麵館 一蘭） 時買咗十個特別嘅杯麵，其中有一套細細個嘅JAL 飛機杯麵，總共四款！

初初因為呢幾個杯麵太細個，所以一直都無理到佢地，直至食完其他又有一日肚餓時，就拆佢地黎食啦！唔食由自可，一食真係好後悔當初唔買多幾個呀！

而當中最最最好味嘅，就係綠色呢隻Soba de SKY！

多謝去日本旅遊嘅同事為我帶黎手信，我終於可以重溫呢隻美味杯麵喇！

0 大阪自製小丸子：蛸之徹 角田店

由於太多人問我呢間小店的地址，咁唯有為咗佢，開一篇新POST 啦！

呢間小店係位於梅田ＨＥＰ　５附近，我地係見到旅遊書介紹，所以黎試一試架！
想知點去，喺ＧＯＯＧＬＥ　ＭＡＰ　打番店名，就可以搵到的了～～自己拿個人仔試行下啦！！



當日我地決定夜晚黎呢間宵夜，其實都經過幾次，不過都無入到去～～
因為ＭＥＮＵ全部都無英文，只有日文，入到去，店員亦都係只識日文唔識英文～～
對我地唔識日文的人來說是不太方便的

0 大阪之旅2011 - 美食集

大阪之旅食過好野，究竟有咩係最好食，要再次必食的呢？等我推介下比大家啦！！

第一位：蟹道樂！
評語：環境好，服務好，食物超正，名不虛傳，物有所值，一定要食呀！
價錢：午餐價大約兩位７０００ＹＥＮ

第二位：一蘭拉面