0 1成大學畢業生 月入少於5千?

最近有報導，有一成大學畢業生月入少於五千；每次一有這種報導，每每都引來一大堆討論，什麼高分低能呀，什麼學歷通賬呀，學位只係入場劵呀，個人能力先係重要呀等等等等，呢Ｄ都係最常見。
最多抽水的，就係Ｄ自已半上位人士，話你Ｄ大學生出到黎乜都唔識，之後永遠話自己公司有個大學生連影印機都未識用，拿五千蚊當教佢野有佢著數云云。

以我認為，呢１成人之中，我想有大部份都係絕頂聰明之人！！點解？人地排緊隊攞公屋呀！
１８歲開始排，排到Ｕ　ＧＲＡＤ，仲差一兩年就上樓啦，梗係搵份５千蚊ＨＥＡ住做先！
你搵２皮又如何？到時你供樓供一皮，未計你差餉管理費，佢一年起碼免幾個月租等等呢Ｄ，淨係計呢條數，佢已經醒過你啦！
仲未講佢上左樓之後可以搵番份同你咁嘅人工既工添！

所以話，你話人地高分低能，其實人地除笨有精！嗰Ｄ咁得閒去討論區抽水的假高層，快Ｄ番屋企早抖啦！