由於有衛生幫掃場，今天不能開門口的枱，於是只可以等位，大約等了１５分鐘，我們五人便迫入細細的舖內了！
共點了五個餸，另加個菜啦！
開房式廚房，員工全部著紫紅色制服
可樂係大支裝再加冰底啊！！有誠意呀下！
先黎係呢個最出名的咸蛋肉餅，肥瘦比例剛剛好，而且係用上甜鼓油！呢個真係一試難忘，以我咁鐘意食肉餅，呢個都真係極高分了！誠意推介！
豬扒，街坊小菜貨式，ＯＫ！
咖哩雞，我只食薯仔，咖哩汁唔太辣，岩我口味～
叉燒炒蛋，感覺就無乜特別，我地後來先諗，唔知點解呢隻餸反而最貴？唔通係用日本有機蛋？
另外有個梅菜魚唔記得影相，條魚好重味魚頭好大，雖則我唔太好魚都覺得幾好～～
聽聞呢度夜晚都有其他類別菜式，不過主打都係個肉餅；大坑真係好多野食，有機會再試埋周圍的幾間！！
地址 : 大坑浣紗街16號地下
0 意見:
張貼留言