0 大阪自由行 6日5夜平玩之旅（二）京都+清水寺

一早醒來大家都抖足精神，發覺仍然身處在日本酒店之中，而且還只是旅程的第二天，心情的確是相當的好。今天的行程按原定計劃是去京都：千年古城兼日本的前首都。。。有無數的寺院，今天就讓我們遠離一下平常都市的繁瑣，什麼股票經濟通通都放下，好好感受下歷史與大自然！

早餐我們一如往常，都是吃個在便利店買的撈麵，嗯～～日本的即食撈麵也是萬分的美味啊！！

JR 大阪駅 -> JR 山陽本線新快速列車 -> JR 京都駅，５４０ＹＥＮ一位，時間約３０分鐘

話咁快就到ＪＲ京都駅了！雖然京都係一個舊都，但係都已經好現代化了，京都駅入面有一個大商場，另外仲有手塚治虫世界可以入去睇～～不過我地行咗一陣，發覺都係一般的百貨公司般，決定暫且唔行，先遊清水寺！

JR 京都駅前總站 -> 市巴士100 號 -> 清水道站　（＠２２０ＹＥＮ）

一出京都駅前就有巴士總站，好多人排隊的，不過好快就有車，落車先俾錢～～唔洗１０分鐘就到清水道站～～初初我地仲怕迫咗入巴士尾落唔到車，不過大部份人都喺嗰道落車，而且大家都係往同一方向，去聞名不如見面的清水寺～～

（途中向到的憎人）
日本的憎人也特別不同。。。雖然，不知是否跟香港的假和尚一樣。。。但他真的是站著不動的啊～～
大約行了２０分鐘左右，就見到清水寺了！

很美麗的紅色大門。。。就像是電視／明信片般看到的那麼漂亮！

門口還見到少少櫻花。。。真係好開心。。。雖然得少少，但係我地第一次見到啊！

門口的建築物已經好靚的了，出面參觀係唔洗比錢的～～天氣亦都好好。。就算我渣的唔係專業相機，都影得出天色有幾美好。。。

入清水寺的內部就要買入場卷，６００ＹＥＮ一位～當然要入去參觀啦！！入面風景真係好靚。。可惜櫻花還未開放。。。

影呢個景的角度，是否同上面入場卷一樣？只是差了點櫻花罷了。。

入面的風景更加一覽無遺...試想想，如果是漫天櫻花，情景一定非常非常的美。。。有機會，我一定會在櫻花開時再來一次～～我答應過自己，亦答應過我女友！

求了一支簽，左邊是我的。。。一支凶簽，我就如其他人一樣掛在附近，希望逄凶化吉吧！

參觀完清水寺後我們一直步行，經過清水阪 -> 三年阪 -> 二年阪 -> 高台寺
[二年阪]和[三年阪]是兩條用石板舖成的小路, 在路的兩旁均是一些古色古香的小木屋, 沿路所見盡是些售賣傳統工藝品或糖果之類的小店

中間經過一間鋪頭，泡夫非常香，好多人買黎食，有綠茶同士多啤梨味，大約３００ＹＥＮ一個
樓上二樓仲可以坐低，有免費清水供應，仲有吸煙區，等我地行咗半朝，ＲＥＬＡＸ一下～～

途中見到一部好特別的ＴＡＸＩ！！粉紅色的，連我地前面的日本妹，都不斷大叫「ＰＩＮＫ　ＴＡＸＩ！ＫＡＷＡＩＩ　呢！！」
（我追咗成條街佢先停低比我影到相！）

再一次見到櫻花～～～

一路行落去，好古式古鄉的感覺，仲見到日本的電視台拍片添～～

最後就去到八阪神社～去到當然要先許個願～～

仲見到有對新人結婚影相添～～

之後我地就一直喺河原町行街，行咗一陣，但發覺唔多岩我地行，亦都無乜特別野好食，所以就撘番車番去梅田先了～～

[河原町駅] -> 乘搭[阪急電鐵-京都線] -> [梅田駅］（３９０ＹＥＮ　４５ＭＩＮＳ）

原本ＤＡＹ２　全日諗住係在京都過，不過本身驚無時間上嵐山等沒有加入在行程之內，而京都駅同河原町無我地想行的地方，結果時間預早好多就完成，於是就先返回梅田，回到酒店再ＰＬＡＮ我地的下半日行程了！

撘番車番梅田, 行過松屋食左個咖哩飯, 仲有一個BBQ 燒烤飯, 唔記得影相，好味過香港吉野家好多架！！

之後呢。。。睇幾本旅遊書都講，有個阪神燒，日賣超過一千過咁話。。。入去阪神百貨搵咗好耐。。。先搵到佢。。仲要排咗一陣隊先有。。。諗住番上酒店休息陣慢慢食啦。。。
點知真係好失望囉，一Ｄ都唔好食，又無味啦，仲要個皮好勒咁。。。如果唔係身在日本，我一定咬一啖就掉咗佢呀！！

之後我地就喺梅田附近行咗陣街，再落去難波行下１００ＹＥＮ　店呀，到肚餓就搵野食了！

呢個係戶外跳樓機。。。不過等左好耐都唔見有人玩既～～

本來有諗過食既金龍拉麵。。。最終都無試到佢。。。

Ｄ　鬼好可愛呢～～

ＦＩＮＡＬＬＹ，我地揀咗四天王。。。

結果我地真係失望囉，揀咗呢個味憎麵。。。。個湯太味精咁，好似係你出前一丁豬骨味的味精粉落咗幾包咁。。。唔岩我地胃口呀！！

跟住我地再行咗陣街，行到累先番酒店ＬＵ～

好似無食過菜咁，買番Ｄ泡菜對腸胃好嘛！

其實今日的行程睇番覺得唔太好，應該京都時間留長多Ｄ感受耐少少，不過其實唔好見Ｄ相少少，清水寺一路行去袛園其實好靚的，雖然都行得好累～～下次希望係睇紅葉或者櫻花的時候可以再去過呀！！

食野方面今日算幾失敗，無食過一餐可以回味的啊～～基本上我同星星都係極鐘意食拉麵的人...但係四天王實在令我太失望了。。。其實係咪應該試金龍呢？～～

是日支出
JR 大阪駅 -> JR 山陽本線新快速列車 -> JR 京都駅 (540YEN X 2)
JR 京都駅前總站 -> 市巴士100 號 -> 清水道站 (220YEN X 2)
參觀清水寺 (600YEN X 2)
泡夫 (300YEN X 2)
[河原町駅] -> 乘搭[阪急電鐵-京都線] -> [梅田駅］(390YEN X 2)
松屋 (500YEN X 2)
阪神燒 (150YEN X 2)
梅田 -> 難波 (220YEN X 2)
四天王 (800YEN X 2)
難波 -> 梅田 (220YEN X 2)
小食飲品等:  1000YEN

Total: 8880 YEN