0 [小夢散文] 男女平等

「到我40 歲，仲有無人會要我？」　（設計對白）

男女平唔平等呢家野，永世都有人討論，大多數女的認為社會對自已唔公平，其實又好少聽到男人話唔公平，咁事實上，又係咪真係唔公平呢？
我就認為，根本所謂嘅唔公平並不存在，只係觀點與角度罷了～

女人最常講的不公平如下：
１）男人４０一枝花，女人４０爛茶渣！你地Ｄ男人到４０歲都仲可以去媾女，我地女人４０歲就實無人要！你話係咪唔公平先？

嗱， 呢點好似好合理，但你有無諗過，其實我地男人只係將我地比異性喜愛嘅時間延後？當我地十幾歲時，有幾多次追你地Ｄ女仔比你地拒絕話我地唔夠成熟？追到之後 又有幾多飛咗你本身條仔去搵過另一個更有經濟能力的？你地十幾歲時已經想搵Ｄ出黎做野成熟穩重有錢的男友，咁到Ｄ男人成熟穩重有錢時，揀番十幾廿歲嘅又有 咩唔岩？

所以我話受異性歡迎個TIMELINE 事實上係咁

	15-25	25-35	35-45
男	低	中	高
女	高	中	低

SEE? 大家受異性歡迎的時間可能係接近一樣咁多年啊！！我地只係先苦後甜，女人係先甜後苦啊！！先拿了甜，之後苦時就話不公平嗎？
呢點就係我經常講Ｄ女仔，要求公平地底薪一樣，不過男人無佣分，佢地就有佣分一樣。。。喺公平嘅基礎上得到更多，這就是女人要求的公平。。。

所以如果有一個，自細就肯同你捱的女孩子。。。。理應好好珍惜

其他例子，下次再談！喜歡的請留個言！謝謝！