0 大阪自由行 6日5夜平玩之旅（五）大阪城 神戶牛柳 Marine Pia Outlet 三ノ宮 中華街 一風堂

尾二一天了～有多麼的不捨得，我相信每一個曾經去過享受過旅遊的人一定知道！
一年之中努力工作，我想一般人只可能去一至兩次旅行吧～～特別是我這種低下層的打工仔，９個月內可以來第二次日本，其實都應該很高興的了。。。但始終是不捨再不捨～～

首先食一個尋晚買的蟹腳做早餐...好多...好鮮甜...好抵好值呀!!! 早知日日食啦!!!!

蟹腳真係超正...另外就係我地平想每天吃的撈麵, 每日都不同口味架~~100YEN 店買~~

下一站就係去大阪城公園，三國無雙就打得多，今次自已去攻打下大阪城！！

[JR 大阪] -> 大阪環状線普通 -> [JR 大阪城公園]　9 MINS, 160YEN


呢個係大阪城站出面有成個模型, 好靚架~~放屋企你話幾型呢!!

出到去行大約10 分鐘, 就可以遠望到大阪城池! (天守閣)

係咪櫻花呢?

去到大阪城公園入面, 見到佢寫梅林...咁呢D 係梅花定櫻花啊?!!

再行差不多十零分鐘, 就上到大阪城了!! 都要過咗好多圈啊~~原來攻打一座城池不容易的~~

風景好靚, 好多鴿仔~~上面仲有小食亭, 食咗少少野啦!!

仲有間博物館...見到好多外國人走入去~~

之後我地一路沿路行, 行去森之宮站搭JR~~

中間的樹整得都好靚啊~~

同香港D 樹差好遠, 呢度D 花王真係有創意!!

一路慢慢散步, 大約20 分鐘就行到了!! 下一站係神戶啊~~神戶牛, 我地黎食你喇!!

[JR 森之宮] -> 大阪環状線 -> [JR 大阪] -> 新快速 -> [JR 三ノ宮站]  30 MINS 620YEN


一早上網SEARCH 定邊間神戶牛又平又抵食, 一早鎖定咗呢間: 神戸牛ステーキ専門店 ステーキランド kobe
http://r.gnavi.co.jp/k205300/
明明話係西口出閘轉右就會好快見到...但我地搵咗好耐都搵唔到...仲周街問人....搵咗大半個鐘囉!!
結果....最終都俾我地搵到.......

就係呢間喇!!好似好多人介紹, 電視都有介紹過, 拿好多獎架!

我地被帶上二樓, 叫咗兩個神戶牛SET, LUNCH 真係平好多呀, 一個SET 都唔洗3000YEN

等燒中...

呢個就係我地叫的~~等師傅燒俾我地食

一枱大約有6-8 人, 師傅會慢慢一個一個客咁燒俾大家食, 燒哂成枱人, 就會走去第二枱咁囉~~

配埋蒜片仲好味呀!!

食飽飽之後, 喺三宮附近行咗一陣街~~之後就去我地重點SHOPPING 項目之一, 三井神戶Marine Pia Outlet!!
入面有Agnes B, COACH, X-Girl Fred Perry 等

[JR 三ノ宮站] -> [JR 垂水站] 290YEN 21 MINS

撘到去JR垂水站, 之後再行15 分鐘左右, 沿路都有指示牌!

風景都好靚呀!!

好体貼, 入面有SMOKING LOUNGE!! 香港學下野啦!!

由於喺海邊, 風景都好靚呀....但係真係好大風好凍~~

SHOPPING 完後, 就撘番出去JR 神戶駅, KEEP 哂戰利品喺LOCKER後,再去欣賞神戶港夜景
[JR 垂水] -> [JR 神戶] 210YEN X 2 12MINS

一路經過中華街再向海行就見到神戶塔了!!

海港都好靚呀...不過好凍好凍....凍到成個人冰哂~~

搵咗好耐先搵到呢個震區遺址...其實應該好易搵...

地震的威力, 實在太可怕了!

見到嘅時候, 我地先諗如果我地遇到地震會點? 我地從來無遇過呢種災難....
點知回港後3 日, 就真係地震了....雖然我地在的大阪無事, 但知道日本有事, 其實都真係好震憾...
剛剛才看過的地震遺址, 怎知過幾日就會發生? 幸運的是我們沒事平安回來..
希望日本都會平平安安, 等我再來!!

之後我地行返出中華街, 街頭掃下小食咁~!

要100YEN 一粒的士多啤梨，連ＳＯＧＯ十蚊粒的我都覺得酸，但呢個真係好好味呀！第一次覺得士多啤梨係可以食落口的！

之後經過一間街頭鋪，有神戶牛BURGER食喎！！一千円咋，試一試！！

即叫即做，好香呀！！整出黎就係咁，佢叫我地自己合埋佢黎食！！

完成品就係咁～～

整幾個ＣＬＯＳＥ　ＵＰ　俾大家望下。。。好ＪＵＣＩＥ呀！！

真係好好味～～下次再去都會再食！！

之後我地就番去梅田了~~
[JR 神戶] -> [JR 大阪] 390YEN  25MINS

番酒店放好戰利品後, 再出街搵食~~

經過左幾次呢間一風堂,都見好多人排隊, 今晚我地又排下啦!! (當時香港仲未開一風堂架!)

餐牌~~

任食的芽菜，好好味，一定要食多Ｄ呀！！

白丸～～正，湯底簡直係一流呀！

赤丸～～呢個我覺得無白丸咁好！！

ＨＡＨＡ，依家香港都開咗一風堂，除咗無芽菜之外，味道係一樣的，依家我每次諗起日本的拉麵，都會去香港的一風堂食架！！

之後行番去再諗住搵宵夜再食。。。始終最後一日都唔願咁早番去嘛～～不過行左一輪都諗唔到食乜，Ｄ居酒屋又怕全部係日文無入到去。。。
結果樓下便利店買Ｄ野食下先～～

我晚晚都會買罐果汁酒飲下架！！

部份戰利品～～

[JR 大阪] -> 大阪環状線普通 -> [JR 大阪城公園] 160YEN X 2
[JR 森之宮] -> 大阪環状線 -> [JR 大阪] -> 新快速 -> [JR 三ノ宮站] 620YEN X 2
神戶牛LUNCH: 6000 YEN
[JR 三ノ宮站] -> [JR 垂水] 290YEN X 2
[JR 垂水] -> [JR 神戶] 210YEN X 2
[JR 神戶] -> [JR 大阪] 390YEN X 2
神戶牛BURGER: 1000 YEN
一風堂: 1600 YEN

TOTAL: 11340 YEN