0 香港No.1 日式燒肉店 - 盛八

某日，在朗豪坊看完戲後有點肚餓，剛巧在樓下見到招牌寫著１０點宵夜時段食物8 折+飲品半價，於是就上去盛八搵食！
上到去時9:55 分, 10:00 開始, 當然等10 點先入座啦！

其實已經到過盛八多次，味道實在太好味了！不過價錢不平，當然不可以經常食～～只是今晚難得有興致，再上來會一會那美味的燒牛肉吧！！

首先來個必點的汁燒牛肋骨！醃得非常之入味，厚度亦剛剛好，燒過後不用點醬汁已經極之美味！每次起碼要叫兩碟才罷休！！

厚切牛胸腹, 牛味十足, 燒時都聞到陣陣"SO" 味...厚得黎都入口即溶, ＹＵＭＭＹ！

雜菌拼盤, 連埋牛油燒的, 第一RD 燒連埋牛油就好入味, 不過之後的就會無乜味了～如果可以多級一個牛油就更好了！

大塊肉當然要配大杯酒，半價啤酒, 飲兩杯最高興啦！

折後結賬$357, 這個價錢其實可以吃到很多其他的東西，但難得的高興即興來吃個宵夜，飽著回家回味那燒牛肉的美味，也是人生一大樂事！

地址 :    旺角山東街38號38廣場3樓