最近好想寫番小說，不過發覺自己其實寫唔到。可能好多人都唔明點解，因為覺得我平時msn隨口嗡當秘笈都可以作到一千幾百字出黎，不過原來一篇文章幾百字 對我黎講已經係極限，我做唔到寫十萬八萬字！用幾個鐘寫完一段小說，睇上黎都唔洗三分鐘就睇完，講句好聽就係簡潔只講重點，難聽就叫做無文筆啦！
不過呢種好明顯先係我自己風格。我份人就係咁，由第一句開始好快就想去結論！中間過程我都只想要精華，無謂的細節省得過就省，結果變得越來越小字，無任 何的「平淡」位，小說成不了小說！生活上亦都越來越變成這樣，如果我的文章定義為無文筆，我的人生也應該要說成「無情趣」！
好，無謂 講講下作文又去講人生咁離題，番番去講文先；好學的我於是在圖書館內看一看別人的大作，睇過邊啲人邊本書同樣不是重點依舊不提也罷。原來要學寫小說，就要 回到基本步，由小學教的擴張句子開始，一句「今天去行花市，好鬼凍！」九個字一個逗號一個感嘆號，應該要寫成「在距離龍年只剩半天的黃昏，在滿怖第一次當 老闆那些熱情的九十後落力叫賣的年宵市場，我一個人在落寞的行逛，溫室效應起不了作用，冷峰就如玉女獎門人的寒冰寶劍一樣，一下一下的打進我的心內，我身 體感受到的冷，和身旁人們的熱情，成了強烈的反比」Well, fine!擴張句子之後字數多到我都唔識數，但好似唔多合我style!頂，打打下又打咗幾個英文幾句口語，唔怪得我從前作文都未高分過！你幾時見過亦舒 張小閑篇小說有英文？(老實講我一本都無睇過)唯獨我由細睇到大的梁望峰係中英書口夾雜，難怪到依家佢啲小說都聽聞有某中學唔准帶番學呀陰公！
又好似講多咗拉遠咗，結論係我決定暫時無停止我的小說創作，繼續寫我喜歡的散文，直至我重新讀小學學習擴張句子為止。
ＰＳ：呢篇文係寫於年廿九晚，撘巴士的途中。呀，又唔記得，應該話係寫於一個寒冷兔年的年廿九晚上，即距離傳說中世界末日的十一個月多 （下刪三幾百字）（呢種ＳＴＹＬＥ都係唔多岩我。）
最後同各位拜個早年，祝各位得心應手，財色兼收，多褔多壽，少勞多酬！請請！
0 意見:
張貼留言