終於早幾日三國志１２就出咗，本來諗住都起碼要等半年先有中文版，不過估唔到第二日就已經有有心人推出漢化版！
唔玩由自可，一玩就火爆！原因如下：
１）成個地圖勁唔掂 ！由唔知第幾集開始，個地圖開始變靚咗，而城與城之間有唔同天險去攻守，但今次又打完幾代之前，只得一個勁簡陋嘅地圖！
２）建設城市又簡化，可以建設的只有8種，而只需要無聊的配置一個武將入去，只跟該武將的政治力和某兩種技能去決定你城收入有多少。
３）打仗就更加唔掂，完全無策略可言，以前三國志有的火計、轉風向、伏兵、落石等等全部變到不知所謂，要講佢好似即時戰略咁儲氣按出招又唔係，出招時Ｄ畫面又煩到嘔！總之就係不知所謂到不知所謂！最低能係，單挑變咗「天地人」即係「包剪揼」！而且連斬殺畫面都慳番！問你死未？！
４）仲有好多好多其他唔掂，例如委任咗軍團佢真係ＯＮ９到暈，仲有太多太多～～身為ＦＡＮＳ嘅我免為其難玩咗一個下午，結論係～救命啊！！等五年，出隻垃圾，我寧願你重新整靚三國志４好過了！正版仲要賣成萬ＹＥＮ，買咗嗰個唔掉爛你個盒算俾面你啦！
0 意見:
張貼留言