1 JAL 極美味小杯麵(1) - SOBA de SKY

JAL 極美味小杯麵(1) - SOBA de SKY

日本其中一樣偉大嘅發明，一定非杯麵莫屬
，落滾水三分鐘就食得，唔洗叮唔洗煮，直頭係方便到暈啦！細個時其實好鐘意食杯麵，特別係合味道嘅咖哩味，到大咗當然知道呢Ｄ味精野唔可以食太多，加上慢
慢食咗其他好野，就發現其實杯麵都唔係咁好味，不過當冬天凍冰冰又肚餓時，黎個杯麵做宵夜就真係一流喇！



我本身就唔係咁大食，如果食一個杯麵做ＴＥＡ／宵夜就太多，不過喺上年去大阪杯麵搏物館（詳見：大阪自由行 6日5夜平玩之旅（六）杯麵館 一蘭） 時買咗十個特別嘅杯麵，其中有一套細細個嘅JAL 飛機杯麵，總共四款！



初初因為呢幾個杯麵太細個，所以一直都無理到佢地，直至食完其他又有一日肚餓時，就拆佢地黎食啦！唔食由自可，一食真係好後悔當初唔買多幾個呀！



而當中最最最好味嘅，就係綠色呢隻Soba de SKY！



多謝去日本旅遊嘅同事為我帶黎手信，我終於可以重溫呢隻美味杯麵喇！

個杯麵係日清出品，當然有保證啦～整個包裝都有飛機圖案

成份：日文我唔識睇啦～

SOBA其實即係蕎麥麵咁嘅意思，用蕎麥麵做嘅杯麵，大家又食過未呢？



配料方面，有蔥 、蝦仲有飛機圖案嘅魚旦

成個杯麵得１７０ＭＬ，其實真係好細，對比一下，比我部ＩＰＯＤ仲細啊！

照舊，三分鐘就食得喇！

飛機圖案嘅魚旦～

蕎麥麵，麵質比一般杯麵好得多啊～

湯底就更加好味，雖然我講唔出咩味，但望落去油油地咁，飲完又唔會覺得太喝，次次都飲清架！

除咗ＪＡＬ機上面有之外，喺機場都會買到，亦都可以去樂天訂購啊！





訂購網址：http://item.rakuten.co.jp/gastro-japan/10000234/