0 男女私情

你覺得我係咪姣先? (設計對白)

一直都想寫一些關於感情的散文，卻又不知從何下手，今次終於都提起勁來，現在我宣怖，我將這個我自已的專欄名稱定為＜＜男女私情＞＞！！

雖說是男女私情，但我身為一個男孩（男人？）我總是會以男性的角度去看東西～～我想．．．可能有些女生看到之後會不認同也不高興，這也不要緊，如果你是女生，又如果身邊坐著男朋友／老公，只要你叫他也看一看，問一問他究竟是不是這樣的想法？　試試看！！



（嗯．．其實以下嗰段我已經打咗一次，不過發覺太好文筆唔夠到肉，唯有刪咗佢從新用白話再打一次．．．我真係唔明白當初點解讀書作文一定要寫白話文，唔可以咁口語．．．好多嘢，真係要口言先表達得好啊！所以話我無文化都係咁話，我決定以後都係用口語！）




好喇，故事就係咁，好多時一班人有男有女聚埋一齊，就會討論其他女人嘅嘢（特別係女明星），除咗最平常好容易睇得出嘅樣貌身材，邊個係警鍾波，邊個啲皮膚仲係白白滑滑等等之外，最常講嘅，就係「ｘｘｘ一望就知發姣！」

我就即刻反對，我話：「我認為佢尼種係屬於嗲，而唔係姣囉！」，而大部份我嘅男性朋友都同意我呢種講法！

咁究竟嗲同姣點分呢？

經我非詳細同非正常統計之下，得出一個好簡單的結論：

同一件事，例如對異性痴身痴世，一對住男人講野就笑笑口陰聲細氣，甚至係著低胸衫短裙等等。。。
男人角度：「醜女／肥婆做的係發姣，靚女做的係嗲／溫柔／索！」
女人角度：「同以上相反！」

無論你同唔同意，呢個就係我嘅結論！