0 銅鑼灣平價壽司外賣店 - 隨您鐘意

今次同大家介紹就係一間平價的外賣壽司店！有時去銅鑼灣睇戲唔夠時間食飯，通常都會外賣入戲院食架！Ｄ野食即叫即做，又平又新鮮的！唔知大家估唔估到係邊間？



就係鵝頸橋底，呢間隨您鐘意喇！！每件壽司都係４蚊起，手卷就特價的７蚊到１２蚊不等，兩個人食到好飽哂都唔洗一舊水呀！



今次我地睇完戲後想搵野食，但搵唔到咩合心水，於是都行番黎呢間～～旁邊有張長枱有幾張椅可以比我地半堂食的！

先整個頭盤八爪魚，１８蚊～～ＯＫ　ＬＡ～～

星星唔食生野，咁我自已都可以每樣叫一件食下～～ＨＡＨＡ
有帶子有鮑魚有魚生。。。乜都食Ｄ啦～～

鰻魚小卷～～每客８隻，但呢個佢話要２客起喎～～飽到嘔～～

（左）佢新出的蟹肉手卷，賣相就差咗少少，但係好重蟹味，比想像中好食喎！
（右）最喜歡食的就係軟殼蟹手卷，要等耐少少，因為即叫即整呀！！出黎炸得仲好熱，正！


佢Ｄ魚生都幾正架～～價錢唔貴，有時買番屋企開餐就最正～～