0 未來日記

雖然我並唔係一個全職宅男，不過其實都對動漫都好有興趣！當然，同好多８０後一樣，都係睇龍珠呀，美少女戰士呀，Ｓａｌｍ　Ｄｕｎｋ，四驅小子等等長大。。。到大咗之後就越來越少睇卡通片了！

當然，大咗之後再唔係ＴＶＢ播乜卡通就睇乜，會自已揀一啲得到大量好評同埋特別題材嘅去睇，依家上網好容易搵到日本正在連載中嘅動畫，連埋中文字幕，基本上即晚播完聽朝就會有得睇的了。

我自已大多數會揀已經完成的去睇，起碼唔洗個個星期追咁辛苦嘛～～遲啲會介紹番我以前睇過又覺得應該推介比大家的，不過今次就先介紹連載中的一套叫《未來日記》

《未來日記》2006年3月開始於角川書店月刊少年Ace連載。單行本共12卷。官方在2011年初公佈本作將動畫化的消息，並於2011年10月9日播放，暫時去到第五集

主角天野雪輝，永遠淨係自已拿住個電話寫日記，習慣遠離所有人，以一個旁觀者嘅角度將事件記錄喺手機入面

一天，時空之神宙斯把未來日記植入他的手機中，這日記記錄的是他未來90天發生的事，包括考試內容、遇到的危險等。但這個「日記」一但被破壞，持有者的未來將會同時消失，也就是持有者會立刻消失。宙斯已選定十二位未來日記持有者，而最後生存的人將會成為宙斯的繼承者，掌握支配時空的「神之 座」。他跟同樣擁有未來日記的其餘11人，展開你死我活鬥爭的殺人遊戲。

http://zh.wikipedia.org/wiki/%E6%9C%AA%E4%BE%86%E6%97%A5%E8%A8%98

暫時我都係睇到第一集，希望呢套會好睇吧！！下次再介紹一下其他的動漫～～有其他好睇的動漫歡迎推介比我啊！