0 冬天打邊爐 @ 美心

每天冬天都係打邊爐的季節，除咗傳統的火煱店之外，近年快餐店都加入戰團～～
大家樂，大快活，吉野家，美心等亦有推出一人一煱的便宜打邊爐，有時一個人或者兩口子，去火煱店又好像太奇怪。。。所以除非一大班朋友，否則想打邊爐的話，我幫襯得最多的就係美心啦！

由於我地打邊爐都好少食海鮮，雖然大家樂的蝦都幾好味，不過女友最喜愛吃的係美心火鍋的豚肉！我地次次都會選擇「美國穀飼牛． 豚肉 」呢個SET，再另加Ｄ配料咁，星期一至四配料半價，抵好多。。。

咪睇Ｄ豚肉樣樣衰咁，唔知點解好淋架喎。。。除左美心，都無食過咁淋嘅豚肉～～牛就一般啦，快餐質數算係咁

基本ＳＥＴ包的雜菜～～當然講唔上係好味。。

基本既烏東呀丸呀咁。。。唔太大食一個人食岩岩好啦！

湯底。。。同影相差咁遠既？！！

另加的豚肉。。。以前好多架，依家越來越少了。。。。唉～～

餃子。。。好像是灣仔碼頭的

呢個響鈴就ＶＥＲＹ　ＧＯＯＤ～～脆脆的！

無限任拿的芝麻醬，吉野家要２蚊一個，好呃錢囉！

有杯２２ＯＺ極大可樂！！

整個合照啦～～

你話好好味就唔講得架喇，不過有時口淡淡～～去快餐打個邊爐都唔錯既！